ISAI 7:15 - PATHIEN LEKHABU THIENGTHO (BSI)

¹⁵ Amah chun thil phalo lam deihlohna dân a hun heta, thilpha têlna dân a hun het tieng chuleh, bâwngnawi kan leh khuoizu ne sek ina.

ISAI 7:15 ပူးပေါင်းရင်းမြစ်များ

ISAI 7:22

Himahlele, bâwngnawi tui tamtak a piek ding ziekin, bâwngnawi kan ne sek un tin, gamsunga a na um taphawtte chun bâwngnawi tui kan leh khuoizu ne chiet ding ahi ngâl u a.

AMOS 5:15

Gitlohna chuh hawu unla, phatna ngainau unla, kulh kawt ah dikna chuh tung dingun: Joseph te inkuon a mi, a na damsunte chunga chun Lalpa Sepaihte haw Pathien chun lungsietna nei ding ahi ngâl a.

MATTHAI 3:4

Zie Johan chun sangawngsau mul puon a silh a, a kâwng savun kâwnggak in a gâk a, a an chuh khaupepi leh gam khuoizu ahi.

LUKE 1:35

Vânsâwlchâk chun a dâwng a, a kawmah, “Thagau Thiengtho na chungah hungtung intin, Pathien thilhih theihna chuh na chungah um intin, zieziekchun, nau thiengtho hung pieng ding chule Pathien Chapa ti’n au.

SAM LEHKHABU THE PSALMS 51:5

Ngaitie, gitlohna a hinthak in ka um a; Ka nu’n gitloh na’n nau in ei vawp a.

ROME 12:9

Hehpihna chuh gukhahna tello hi hen. Gitloh hawu unla, apha lam chuh tuchak un.

LUKE 2:52

Tichun, Isu chuh taksa leh chitna lam achun a khang lien deuh deuh ta a, tichun, Pathien leh mihingte deihsakna a chang deuh deuh ta a.

LUKE 2:40

Tichun, naupang chuh a hung khang lien a, a hung hât deuh deuh ta a: chitna’n a hung dim ta a, Pathien vangsakna chuh a chungah a um a.

THILSIEMBUL 18:8

Chun, bâwngnawi khalte, bâwngnawite leh a bâwngno sa huon u chuh a la a, a masang u ah a luihsak ta a. Thing nuoi achun a kieng uh ah a ding zinga; tichun, amau chun a ne tau hi.

DAN NIHNA 1:39

“Na chaneu hawu, gâlmat ding phet, na tih hawu leh tu a asie apha le he nailo na chateu hi lut in au, amau chuh pie’ng ka ting, luoh un au.