ISAI 66:4 - PATHIEN LEKHABU THIENGTHO (BSI)

⁴ Ka sap lai khan kuoma’n ei dâwng puou a, a kawm u a thu ka gen laia kha bil a a zak loh u a, ka mitmuh a thil gilo chuh a bawl zawk u a, ka kipah loh lam thil chuh a tel ziekun, ken le amau haw thepna ding chuh tel sak ing ka ting, a lauh zawng u haw chuh a chung u ah tunsak ing ka” ti’n.

ISAI 66:4 ပူးပေါင်းရင်းမြစ်များ

ISAI 65:12

Ka hun sap lai in nei dâwng puou a, ka hun hopih lai in le nei ngaihsak puou a, ka mitmuh in thil gilo chuh na hih u a, ka kipahpih loh thil na tel zawk ziekun chemzâm a thah in um un na tin; na bawn un zie thihna masang achun kûn un lau.

JEREMIA 7:13

Tuhin, zie thil haw cheng hi na hih u a, chawllo a na kawm u a thu ka gen te hi na ngaih takloh u a, ka hun sap a le nei dâwn loh ziek u hin Lalpa’n a tii.

THUCHINGTE 10:24

Migilo chuh a lauh bang tak chun a chungah hung tung intin; mahleh, mi fel duhthusam vang chuh piek in um in a.

THUCHINGTE 1:24

Ka hun sama, na ngaitha nuom puou a, ka khut ka zaka kuoma’n na ngaihsak nuom puou hi.

2 LENGTE 21:6

Chun, a chapate chuh mei ah a chieh pai saka, phunsân leh dawite a sin a, aisânthiemte leh, dawithiem te a guoi seka. Lalpa mitmuh a thil phalo huoisie tak, a lungnatna chawktho ding a hih seka.

2 LENGTE 21:2

Chun, Lalpa’n, Israel chate masanga a nawhdawk tâk namte’n, thil kihdak-um tak a hih sek teu hih in, Manasseh chun Lalpa mitmuh in thil kihdak-um takte a hih sek a.

SAM LEHKHABU THE PSALMS 81:12

Khutichun a lunggil uh genhak dân bang zel a um ding in ka thahthawt ahi. Amau haw lemguot banga a um na dingun.

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

ISAI 65:3

Ka masang ngêi ah ei sulungna zing uh a, huon thiengtho te achun a kithawi u a; milim pathien maichâmte achun gimlim a hâl zing uh a.

ISAI 50:2

“Ka mite hukdawk dinga ka chieh laia kha bang zieka ei ngaihsak loh uh a? Ka sap laia kha bang zieka ei dâwnglo ahiu u? Amau haw hukdawk theilo dingin ka bân hi sukchawm in a um a ahim? Ahihloh leh, hukbit dingin hihtheihna ka nei puoh a ahim? Ngaitie, thupiek chauh in tuipite ka sukang a, tuipite thalek ka suok saka, khutichun, tui um loh ziekin a sunga nga chengcheng chuh dangchâk in a thiu a; a uih zo vek tau hi.

1 SAMUEL 8:19

Himahlele mipite chun Samuel thu chu a pawm nuom puou a, “Ahi puoh ie, leng ka neih tei ding uh ahi;

ISAI 59:7

A kengteu chuh thil phalo lam zuonin a suon u a; kin takin gitlohna neilote thisan a suoh sek ui. A ngaihtuohnau chuh manlohna lungthim ahi seka; a lampiu achun chigapna leh sietna aum hi.

ISAI 65:7

A gitlohnau leh a pulepateu gitlohna chuh dinthuk ding ka hi. Milim pathien hona munte achun gimlimte a hâl u a, ka min a gensie sek ngâl uh a. Zieziekchun, a thilhih khelhnau bang zelin gawt ding ka hi!” Lalpa’n a tii.

JEREMIA 7:30

“Juda suonte chun ka mitmuh in thil gilo a hih tau a, ka min puo in chuh subuok dingin thil ten um haw chuh a kawih ta ngâl u a tih hi Lalpa kamsuok ahi.

JEREMIA 35:17

Zieziekchun, Sepaihte Lalpa Israel Pathien chun hiti hin a tii; Ngaitiem u, Juda leh Jerusalem a chêngte chunga thil phalo hung tung ding a ka genlawk sate kha hun tun sak ing ka; a kawm u ah thu ka gen a, a ngaitha ngâl puou hi,” ti’n.

EZEKIEL 11:8

Chemzâm chuh na lau a, na chung u a chemzâm hun tun ding ka hi, Lalpa Pathien chun a tii.

EZEKIEL 14:4

“Zieziekchun, amau chuh hopih inla, Lalpa Pathien chun hiti hin a tii: Israel inkuon a mitin, a lungthim u a milim la luta gitlohna a a pukna ding uh a masang u a kawih a, thiemgau kawma dawt nawp nei a hung taphawt chuh milim a hah ho dân dungzui zel un kei, Lalpa, hin dâwng ing ka;

EZEKIEL 20:25

“Zieziekchun amau chuh dân siem, pha sam lo haw leh thutanna, a hinlawh theih dinguh hi sam lo, haw kawma chun ka pie dawk ta a;

ISAI 59:15

Ahi, thutak atawm ta a, thil gilo haihsan taphawt chuh thah in a um zaw ta a. Thudik a um ta puoi tih chuh Lalpa’n a mu a, a lung-awi ta puoh a.” Lalpa’n zie chuh a mu a, diktat lohna achun kipahna a nei puoi.

ISAI 65:2

Mi genhakte leh helchîng namte ding chun ni tum in ka bân ka zak sek hi; amau chun a ngaihtuoh na bang zel un lam diklo a zui u a.