ISAI 66:3 - PATHIEN LEKHABU THIENGTHO (BSI)

³ Bâwngchal that chuh mihing that tawbang ahi a; belam no a kithawi chuh ui gawl âttan tawh kibang ahi a, an thillat lânte chule vawk thisan a kithawi tawbang ahi; gimlim lân chule milim pathien vangsak tawbang ahi. Ahi, amau lampi a tel zawu a; thil tenum hih teu achun a lungthim uh a kipâk sek u a.

ISAI 66:3 ပူးပေါင်းရင်းမြစ်များ

THUCHINGTE 15:8

Mi nunsiete kithawihna chuh Lalpa dingin kihdak-um ahi a, himahleh miphate pauchamna vang chuh a kipahlam tak ahi.

THUCHINGTE 21:27

Migilo kithawihna chuh Lalpa a dingin kihdak-um ahi a, ngaihtuohna gilo taka a piek vang chuh kihdak a um zaw diek hi.

ISAI 44:19

“A kimkhat thing in ka tika, a mei-âm chung ale chângthâk ka kang a, sa le ka em a, ka ne ta a; Tuhin, a dang cheng chuh kihdak-um takin ka siem hilo ahim? Thing bawng khat âng a khupdin mai ding ka him?” tih ngaihtuoh a, hethiem leh hetna nei khat chale a um puou hi.

ISAI 53:6

I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

ISAI 57:17

A gitloh ziek u leh, a huoiham ziekun a chungu ah ka lungna a, ka gawt a, ka kiheisan ta a. Himahleh, genhak takin a um u a, amau lampi chiet ah a kiheimang tau hi.

ISAI 65:12

Ka hun sap lai in nei dâwng puou a, ka hun hopih lai in le nei ngaihsak puou a, ka mitmuh in thil gilo chuh na hih u a, ka kipahpih loh thil na tel zawk ziekun chemzâm a thah in um un na tin; na bawn un zie thihna masang achun kûn un lau.

ISAI 65:2

Mi genhakte leh helchîng namte ding chun ni tum in ka bân ka zak sek hi; amau chun a ngaihtuoh na bang zel un lam diklo a zui u a.

ISAI 66:17

Huon haw a kithawi dinga amah leh amah kisuthieng leh kithiensak a kizui dup dupte leh, vawksa leh thil kihdak-um te, santhim sa nete chuh mangthai khawm ding ahiu hi, Lalpa’n a tii.

JEREMIA 6:20

Bang ding a Sheba apat begaw te, gam gamla tak akipat in gilimte chuh ka kawma a hun chawih sek uh ahi? Na hâlmang kithawihnateu chuh pawmtâk ahi puoh a; na kithawihna hawu chun le ei sukipak diek puoi.

THIEMPUDANTE 2:2

Chun, Aron chapa thiempute kawma chuh a chawih ding ahi. Amah chun, changbuong leh, sathau leh gimlim chuh a khut khat dim in la’n tin, Chun, thiempu chun maichâm chung achun hetzingna, Lalpa kawma mei thillat dingin hâl ina.

HAGGAI 2:14

Ziephet chun Haggai chun, “Lalpa chun, zie thil haw chuh zie namte chunga hi mat ding ahi a, a khutsuokteu leh maichâm a kithawihna a hun latteu taphawt hi a thienglo ahi a tii,” ti’n.

DAN NIHNA 14:8

Chun, vawkcha hi a tin chuh a kika na a, khathai lo ahih ziekin nang u dingin a buok ahi; a sa na nek loh dinguh ahi a, a luong le na sukkhak loh dinguh ahi.

DAN NIHNA 23:18

Nawhchi man ahim, uicha man ahim chuh kitiemna sukpitin na dinga Lalpa Pathien In a na hun chawih ding ahi puoi; a khawi zaw chule Lalpa na Pathien u a ding a thil tenum ahi.

VAIHAWMTE 10:14

Na tel zawk uh pathiente chuh sam unla, amau chun na lungzînnau apat in hun hukdawk tau hen,” a ti a.

VAIHAWMTE 21:25

Zie lai chun Israel gam ah leng a um puoh a; mitin chuh amau phasak dân chiet in a um ui.

VAIHAWMTE 5:8

Israel te chun pathien dang a hun neih phet un, Gamsung achun kidona a hung um ta a; Israel mi sang sawmli lak achun phaw leh tiengcha chawi a um mawng um?