ISAI 66:24 - PATHIEN LEKHABU THIENGTHO (BSI)

²⁴ “Tichun, chiehdawk sek un tin, ka chunga kiphinte luong chuh mu sek un tin, a than u chuh thi ngei puo’n tin, a mei chule mit ngei puo’n tin; mi chengcheng mitmuh achun thil kihdak-um tak hi ta’n au,” ti’n.

ISAI 66:24 ပူးပေါင်းရင်းမြစ်များ

ISAI 14:11

Na lopi na chuh thihna khawvel a puih thâk ahi tai, na pekgit gi bulbulte tawh tangtel chuh na nuoi ah a kiphah u a, thil nget puon chun a hun khuh ta ahi’” ti’n.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

DANIEL 12:2

Chun, a lak uh a mi tamtak leivui a ipmusate chuh hung khanglo un tin, khenkhat chuh kumsawt hinna chang dingin, khenkhat chuh zahchâkna leh kumsawt muhsitna chang dingin hung tho kit un au.

MATTHAI 3:12

A khut in a leipuk a chawi a, a phuol zap thieng kei intin, buhpanga chun a buh khum in tin, a si vang chuh mei mittheilo in hâl tum ina,” a ti a.

ZEKARIA 14:12

Chun, Jerusalem dote chunga Lalpa’n hipi a lênsak ding chuh zie hi ahi: A keng uh a ding zing lai chuh a taksau chuh hung muot intin, a mitkuok sung uh a a mitchangteu muot in tin, a kam sung uh a a leiteu le muot mang ina.

ISAI 66:16

Lalpa chun mei a vaihawm ding ahi a, hinna nei chengcheng chungah chemzâm in vaihawm ding ahi. Chun, Lalpa’n a thah chuh a tama tam ding ahi.

ISAI 34:10

A sun a zan in mit ni um ta puo’n tin, a meikhu chuh kumlekhuo’n chieh to vutvut ina, A kum a kum in a gam chuh sie deuh deuh intin, kumlekhuo’n, kuoma’n, a gam chuh hawh ta puo’n au.

ISAI 65:15

Chun, na min u chuh hansie buok dingin ka mi tel te kawmah kawih un na tin; tichun, Lalpa Pathien in hun sulum in tin; himahleh, a suokte chuh vang min dang in sam ta’n a.

ISAI 1:31

Chun, mihat tak chule buhpawl bang hita’n tin, a nasep chuh meisi tawbang hi’n a; tichun kâng khawm un tin, a phelh mit ding kuomah um puo’n au.

SAM LEHKHABU THE PSALMS 110:6

Amah chun namte chungah vaihawm intin, Mun haw chuh mithi luong in dim intin, Gam tamtak luchangte chuh sat phel lem lum in a.

ISAI 1:28

Himahleh, migilo leh thil hihkhielte chuh suksiet khawm in um untin; Lalpa ngaihsak lote chuh sukchimit in um un au.

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

ISAI 24:20

Lei hi zukham bangin lawn duoi duoi intin, huihpi’n bukcha a sawih bangin kisawi zawk zawk ina. Khawvel hi a gitlohna’n delh chim intin; tichun, tho kit ta puo’n a.

ISAI 26:11

Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

ISAI 34:3

A lak uh a thaha umte chuh paih dawkin um untin, a luong uh chuh uih vengvung intin, tânghaw chuh thisan in luong ina.

ISAI 51:8

Amau chuh nget in puon a nêk siet guolin beimang un tin; himahleh, ka hukdamna chuh kumlekhuo a ding hin ti’n; Ka zawhna chuh suon chengcheng tiengin um zing in a.

ISAI 48:22

“Mi gilote ding in bitna himhim a um puoi,” Lalpa’n a tii.