ISAI 66:23 - PATHIEN LEKHABU THIENGTHO (BSI)

²³ Chun, hiti hi hi’n tin, tha thak apat tha thak kit tiengin, chun, Sabbath apat Sabbath kit tiengin, mi cheng cheng chuh kei ei ho dingin ka masang ahin hung khawm zung zung un au,” Lalpa’n a tii.

ISAI 66:23 ပူးပေါင်းရင်းမြစ်များ

EZEKIEL 46:1

Lalpa Pathien chun hiti hin a tii: “Huong sungnung zaw lutna kawtkhak suohlam nga chuh, nasep ni, ni gup sung chuh kikhak intin, himahleh, Chawlhni leh tha thak ni, guolvak ni leh kihawng ding ahi.

ZEKARIA 14:16

Chun, hiti hi hung hi’n tin, Jerusalem hun do nam chengcheng laka nutsieh a umte chuh, kum cheng a Bawkcha Kut mang ding leh, Bangkim hihthei Lalpa chuh ho dingin chiehto sek un au.

EZEKIEL 46:6

Chun, tha thak guolvak ni achun, bâwngchal tuoi demna bei tawh, belamno gup leh belamchal khat lân intin, demna bei a hi vek ding ahi.

SAM LEHKHABU THE PSALMS 86:9

Aw Lalpa, na siem namtin cheng te chu hung untin, na masangah hung kûn untin; Tichun na min chu hun pakcha’n au.

THUPHUON 15:4

Aw Lalpa kuo a na min zah lo a, Pakcha lo ding? Nang mai a Thiengtho na hii; Na thilhih diktatte chuh a kiphuon tâk ziekin, Namtin cheng chuh hung in, Nang hun ho un au,” tih hi a sau a.

JOHAN 4:23

Khutichun, a hun tung ding ei tai, tu zieng hin le a tung ei tai, zie tieng chuleh, Pathien ho tak tak te’n, Thagau leh thutak in Pathien ho un au; Pa’n zie tawbang mi chuh amah ho dingin a hawl sek ahi.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

ZEKARIA 14:14

Chun, Juda nasan chun le Jerusalem do in tin, tichun, a kimvel a nam dangte hauhsakna, dangkaguote, sana te, leh silhlechente chuh tamtak lakhawm un au.

SAM LEHKHABU THE PSALMS 65:2

Aw nang pauchamna dâwng pa, Nang kieng ah phehlevo chengcheng chuh hung un au.

2 LENGTE 4:23

A pasal chun, “Bangati a, tuni khela a kawma chieh guo na hi? Tha thak la ahi nai puoh a, chawlhni Kut le ahi nai diek puoh ngâl a,” a ti a. Amahnu chun, “A khawk puoi,” a ti a.

ISAI 19:21

Tichun, Lalpa chuh Aigupta te kawmah kiphuong intin, Aigupta te chun zie ni chun Lalpa chuh he ta’n au. Kithawihna leh thilpiek in chibai bûk un tin Lalpa kawm achun thu tiem untin, a thutiem u chuh hih têi un au.

ISAI 19:23

Zie ni chun Aigupta gam apat in Asuria gam tiengin lamlien um intin, tichun, Asuria mite chuh Aigupta gam ah chieh untin, Aigupta mite chule Asuria gam ah chieh un au. Aigupta mite chun, Asuria mite tawh Pathien ho khawm ta’n au.

ISAI 27:13

Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

ISAI 49:7

Lalpa, Israel Tanpa leh Pathien Mi Thiengtho, a mite nasa taka muhsit a um leh, namte muhdah a umte vaihawm sakpa suok chun hiti hin a tii. “Lengte ‘n na pawt muu untin; ding dawk untin; miliente’n le hun hun chibai hun bûk un au,” ti’n.

EZEKIEL 20:40

Ka tâng thiengtho chung achun, Israel tâng sang achun, zie tak a chun Israel insung mite cheng-cheng chun a bawn un, zie gam achun ka na sem tan au; zie chun amau chuh pawm ta’ng ka ting, zie chun na thillat teu, na thilpha piekteu leh na thilzek chengcheng teu chuh deih ta’ng ka.

EZEKIEL 45:17

Tha thak Kut hunbi nei cheng chengah hâlmang kithawihna te. An thillat te. Dâwn ding thillat te, miliente chun ngaihtuoh untin, gitloh thawihna te, An thillat te, hâlmang kipawlkhawmna thillat te, Israel inkawte gitloh lâkmangna ding chuh a man a piek sak ding ahi,” ti’n.

SAM LEHKHABU THE PSALMS 22:28

Chungnunna chuh Lalpa a ahi a: Namtin chunga vaihawmpa ahi ngâl a.

SAM LEHKHABU THE PSALMS 65:3

Gitlohna thu chun ei zo sek na a: Ka sukkhelhnau cheng chu nangin na ngaidam a,

ISAI 2:2

Ni nunung haw achun hiti hi hung hi’n tin, Lalpa Ho-In dinna tâng chuh tâng lien chung haw a sukdet hi’n tin, tâng dang cheng sanga sangpen hung hi’n tin, Nam tamtak a sung ah lut un au.

ZEKARIA 14:18

Chuleh, Aigupta gama inkuon va chieh to lo taphawtte chung achun le guoh zu diek puo’n tin; chun, Bawkcha Kut mang dinga chieh to lo namte chunga Lalpa’n a gawtna hipi chuh a chung u ah tung ina.

ZEKARIA 14:19

Ziehi Aigupta gam gawtna leh, Bawkcha Kut mang dinga chieh to lo namte gawtna ding chuh hi’n a.