ISAI 66:22 - PATHIEN LEKHABU THIENGTHO (BSI)

²² “Tichun, Van thak leh lei thak ka siem ding chuh, ka ma a um zing ding ahih tâk ziekin, zie tawbang chun na suonteu leh na min u chuh um zing ding ahi, Lalpa’n a tii.

ISAI 66:22 ပူးပေါင်းရင်းမြစ်များ

ISAI 65:17

“Ngaitiem u, van thak leh lei thak ka siem hi! Tuma thilte chuh hetzing hi ta puo’n tin, lungthima le lut diek ta puo’n a.

THUPHUON 21:1

Chun, van thak leh lei thak ka mu a. Van masa leh lei masa chuh a mangthai ta a, tuisuohgiet le a um ta puoi.

2 PETER 3:13

Himahlele, Pathien thutiem; van thak leh lei thak, a sunga diktatna um ngêi chuh, ngak in I um zawu ahi.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

ISAI 48:19

Na suonteu chuh luipi pîlnel banga tamin um untin; chun, na suonlepak teu chule suongchang guola tam hung hiu in tin, amin u chuh thaihmang hita puo’n tin, ka masang apat hin sukmangthai in um ta puo’n au,” ti’n.

ISAI 51:16

Chun, vante khu ka kaimalh a, leisiet kingakna ka phum a, Zion kawm achun, ‘ka mite na hiu! ka thu sinsakte ka hun pie a, ka khut in ka hun liehkhuh na hiu hi,’” ka ti a.

ISAI 53:10

Himahlele, zêp thidup a a um chuh Lalpa phasak lam ahi a, suknat in a um ta ngeia, a hinna chuh gitloh ngaihdamna dinga kithawihna ahi ngâl a, a mah chite chuh hun mu’n tin; a nite chuh suksau sak in tin, tichun, Lalpa deihlam chuh amah achun sukbukim in um ina.

ISAI 56:5

Ka Ho-In leh ka kulh sunghaw a chun chanu leh chapa sanga phazaw hetzingna leh min phazaw pie’ng ka ting; kumlekhuo a amin dinguh sukmangthai tâk loh ding chuh pie ding ka hi,” a ti ngâla.

ISAI 61:8

“Kei Lalpa hin vaihawmna dik ka ngaina sek ngâla, diklohna leh chapona hi ka haw a. Tichun, amau haw diktatna chuh tihtakzet in a kawm u ah pie’ng ka ting; chun, kumlekhuo a thuthun chuh amau haw tawh siem ing ka.

ISAI 61:9

Tichun, a suonteu chuh namtin lak ah minthang un tin. Kuole, a suonteu mu taphawt chun Lalpa vangsakna changte ahiu hi tih he’n au” ti’n

ISAI 65:22

Midang luoh dingin In sa ta puou un tin, midang nek dingin grep huon le bawl ta puo’n au. Ka mite chuh thing bangin damsawt un tin, a sepgim gah u chuh sawttak tak chên ta’n au.

ISAI 65:23

A thawn in semgim ta puou untin, vangsietna ding chauh in cha hing ta puou un tin; Lalpa vangsakte suon ahiu a, a chateu chuh a kawm u ah um zing tan au.

ZEPHANIA 3:20

Zie tieng chuleh hun puilut ing ka ting, hun puikhawm ing ka; Na muh ngêi u a saltanna apat ka hun puihkhawm kit tieng leh, leichung a mi cheng cheng te lak ah minthanna leh pahchakna hun siem sak ding ka hi ngâla,” Lalpa’n a tii.

ISAI 59:21

Chun, amau haw tawh ka thugawlh ding chuh ziehi ahi: Ka thagau na chung u a um leh, ka thu na kam u a ka kawih chun na kam u chuh taihsan kihen la, na chateu kam le pawtsan puo’n au, na suonteu-suon sawn kitteu kam le tu apat kumlekhuo’n pawtsan diek kihen” Lalpa’n a tii.

JEREMIA 33:20

Lalpa chun hiti hin a tii: “Nangun sun leh zan thugawlh hi na phel theih u a, sun leh zan hi a hun dungzuia umlo dinga na hih theih u chun,

JEREMIA 33:21

Ka suok David tawh ka kitiemnau le phel hi’n tin, a lalchutphah a chu ding mi neilo ding ahi a; chuleh, Levi thiempute ka nasem a um haw tawh ka kitiem nau le zie tawbang chuh hi’n a.