ISAI 66:20 - PATHIEN LEKHABU THIENGTHO (BSI)

²⁰ Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

ISAI 66:20 ပူးပေါင်းရင်းမြစ်များ

ROME 15:16

Nanguh hun hetsak kitna dingin, thu khenkhat khat chuh hangsan taka ka hun zik ahi. Jentel te chuh Pathien kawma sukthientho, Thagau thiengtho zâla amah a kipumpiek mi a hih theihna dingun, thiempu nasep guolin, Pathien Chanchin Pha chuh a kawm u ah ka gen ahi.

ISAI 65:25

Ngei leh belamno te chuh takhawm tau intin, sakeibakneite chun bâwngchal guolin buhpawl neu intin, chun, leivui chuh gûl an hi’n a. Ka tâng Thiengtho Zion achun kisuknatna leh, kisuksietna himhim um ta puo’n a” Lalpa’n a tii.

ISAI 65:11

Himahlele, nang haw Lalpa nungngat a, ka tâng thiengtho Zion ngaihsak lo a, vang-etna pathien Gad leh Mini hona dawhkhâng bawla, a tupna a tun dem tih hetna dinga dawhkan a uain chawkhel a khawna sung dim sek te haw;

ISAI 56:7

“Amau haw ngêi chuh ka tâng Thiengtho Zion achun pui ing ka ting, Ka pauchamna In achun kipâk takin um un au; hâlmanga a thillat teu leh, a kithawihnateu chuh, ka maichâm achun ana pawm ing ka; Ka In chuh mitin a dingin pauchamna In tih hi ding ahi ngâl a,” ti’n.

ISAI 43:6

Mâllam kawm achun, ‘Thahdawk un,’ ti’ng ka ting; sim lam kawm achun, ‘Hên ta kiu,’ ti’ng ka; Ka chapa chuh gamla tak apat in hun pui inla, ka chanute chuh kâwlmawng tâwp apat chun hun pui un, ti’ng ka.

ISAI 11:9

Ka tâng thiengtho achun kisuknatna himhim um ta puo’n tin; kisuksiet le um ta puo’n a; tui haw hin tuisuohgiet a khuh zing bang hin, leichung hi Lalpa hetna chun dim suok vek ding ahi.

1 PETER 2:5

Chun, nang haw le, suong hingte guola, thagau lam ho In a sak dawkin na um tau a, Isu Krista zâla Pathien pawm tâk, thagau lam kithawihna lân dinga, thiempu thiengthote banga na zenviel theihna dingun.

PHILIPPI 2:17

Ka hinna thisan chuh, Pathien kawma na taksan kithawihnau thillat chunga chuh sunthak ding hita lele, kipâk ing ka; chun, na bawnchau in ka hun kipahpih na hiu hi.

ISAI 54:3

Na gamgi ning tin chuh keklien in na tin; tichun, na suonte chun namdangte gam chuh hun luoh un tin, na mite chun gam chuh hun la kit ding ahiu a. Khawpi hawmsa nung chuh mipi a hung dim kit ding ahi.

ISAI 52:11

Chiehdawk un! Chiehdawk un! a sung apat hin chiehdawk un! Thil thienglo himhim chuh khawih kiu inla; kisuthiengtho un, Nang haw Lalpa matchâk chawite haw, thiengtho takin um un.

KISIMNA 7:3

A thil lat hawu chuh, kangtalai chung nei gup leh bâwngchal sawmlenih, lawiupa nih in kangtalai khat zel, khat in bâwngchal khat zel Lalpa ma ah ahun lau a, hobuk kawm achun ahun la’n u a.

ISAI 2:2

Ni nunung haw achun hiti hi hung hi’n tin, Lalpa Ho-In dinna tâng chuh tâng lien chung haw a sukdet hi’n tin, tâng dang cheng sanga sangpen hung hi’n tin, Nam tamtak a sung ah lut un au.

ISAI 2:3

Tichun, mi tamtak te chuh hung un tin, “Hung tiem u, Lalpa tângah, Jakob Pathien In achun chiehto hitiu, tichun, a lampite I zuih theih na dingun amah chun ei sinsak ina; Zion apat in dân hung pawt in tin; Jerusalem apat in Lalpa thu hung pawt ding ahi ngâl a,” ti’n.

ISAI 56:5

Ka Ho-In leh ka kulh sunghaw a chun chanu leh chapa sanga phazaw hetzingna leh min phazaw pie’ng ka ting; kumlekhuo a amin dinguh sukmangthai tâk loh ding chuh pie ding ka hi,” a ti ngâla.

DANIEL 11:45

Chun, tuipi leh tâng thiengtho kikal, temple dinna mun achun a leng puon-In lien tak chuh zak in tin, himahleh, a tawpna tung hi’n tin, kuoma’n kithuohpih puo’n au.”

KISIMNA 7:62

Sekel sawm tuka gik gimlima dim sana khe khat;

ZEPHANIA 3:10

Ethiopia gam, gamla taka, ka mi dalh zâk te chun le, Kei kawmah thilpiek hun chawi un au.