ISAI 66:2 - PATHIEN LEKHABU THIENGTHO (BSI)

² Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

ISAI 66:2 ပူးပေါင်းရင်းမြစ်များ

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

SAM LEHKHABU THE PSALMS 34:18

Lalpa chuh lunggil a thasie te kawmah a nai seka, Lungthima kisik tapohte chuh a hukdam sek hi.

SAM LEHKHABU THE PSALMS 51:17

Pathien pawmtâk kithawihna chuh thagau thasie hi ahi; Aw Pathien, lunggil thasie leh kisik tuntun hi musit puo’n la.

PHILIPPI 2:12

Khutichun, ka deihtakte haw, gen na ngaih zing sek bang u khan, ka um pet maia sem lo in, tu a ka umloh kal hin sem zawu un la, lau leh kilîng kawmin nangmau haw hukdamna chuh sem dawk un.

THUCHINGTE 28:14

Lalpa lau zing mi chuh mi vangpha ahi; himahleh a lungthim sukhauh te vang chuh sietna khuk ah kien au.

SAM LEHKHABU THE PSALMS 138:6

Lalpa chuh chungnung tak ahi na a, mineute le a limsak zel sek a: Himahleh, mi kisathei haw chuh gamla taka kipan in a muchien sek hi.

SAM LEHKHABU THE PSALMS 119:120

Ka phehlevo hi nangmah kihcha’n a kilîng a; Na vaihawmna chu ka lau ngâl a.

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

EZRA 10:3

Khutichun hung tiem u, I leng pau thupiek dungzui leh I Pathien thupiek a kilang taphawtte lemguot bang zel in, zie a I ziteu leh amau a hung pieng taphawt chuh khen tha dingin, I Pathien kawm u ah thugawlh siem hitiu; tichun, zie chuh dân dungzui a hih hi hen.

HABAKKUK 3:16

Ziehaw cheng hi ka zak in, ka kithing a; lau in ka kha a kitat hiel tai! Ka guh ahin muotna a lut a, Ka kalsuonte chuh a hâwi ta a! Ei dote chunga gawtna tung ding chuh thipkêi in ngak ing ka.

SAM LEHKHABU THE PSALMS 119:161

Leng chate chun a ziek bei in ei suduhdah u a; Himahlele ka lunggil chun na thu haw hi ahi a lauh chuh.

EZRA 9:4

Khutichun, saltângte gitlohna zieka Israel Pathien kamsuok lau a kilîng taphawt chuh. ka kawmah a hung tai khawm u a; tichun, nitâk lam kithawih hun tieng chun maksa takin ka chu tha ta a.

ISAI 40:26

Chunglam a khun na mitteu hak to unla en un! Aksite khu kuo siem ahim! Amah chun sepaihte chuh kizawm zelin a puidawk sek a a min un a sam chiet sek a; A hatna nasat ziekin leh, thilhih theihna lama a hât ziekin, khatchale kimlo a um ngei puoi.

KOLOSSA 1:17

Krista chuh thil chengcheng um maa um ahi a, amah achun thil chengcheng khumsin ahi.

NASEPTE 9:6

Khutichun, lau leh kilîng kawmin, “Lalpa bang hih dingin nei deih hi?” a ti a. Chun, Lalpa’n a kawmah, “Tho inla, khuo ah lut ah; tichun, na hih ding hun na hilh un au,” a ti a.

MATTHAI 12:6

Bang hilele, Pathien Ho-In sanga lopi zaw taka hin a um hi, tih ka hun hilh na hiu hi.

NASEPTE 7:50

Keimah khut in zie thil bangakai hi ka siem puoh a ahim?’ a tii, ti a a gen guol khan.

THUCHINGTE 29:23

Chapona chun mi a suniem a, himahleh kingainiem te chun limbawlna mu’n au.

HOSEA 11:10

“Lalpa chuh zui un tin, sakeibaknei banga ngîk ding chuh: ahi, hun ngîk ngêi intin, chun, tumlam apat in a chate chuh hung tai duom duom un au.

MIKA 6:8

Aw mihing, Lalpa’n thilpha chuh a hun hilh ta a. Lalpa’n a hun ngêk pên chuh ziehi ahi: Thil dik hih leh, lungsietna suklat zing leh, I Pathien u tawh kingainiem taka kipawlkhawm zing hi ahi.

1 LENGTE 21:29

“Ka masang a Ahab kingaihniem dân hi na mu? Ka maa a kingaihniem ziek hin amah hun sung hin thil phalo tun sak puo’ng ka ting, a chapa hun sung in vang a inkawte chungah thil phalo tun sak ing ka,” a ti a.

2 LENGTE 22:10

Chun, lehkhazikpa Shaphan chun, “Thiempu Hilkia’n lehkhabu ei na piei,” ti’n lengpa chu a hilh a. Chun, Shaphan chun lengpa masang achun a sima.

2 LENGTE 22:11

Chun, leng chun Dan Lehkhabu kisim a hun zak chun, hiti hi ahi a, a puonte a bawtthêk a.

SAM LEHKHABU THE PSALMS 51:19

Khutichun, diktatna kithawihnahaw chungah kipahna nei ta’n la; hâlmanga thilpiek leh hâlmang a pum piek ding chun bâwngchal haw chuh maichâm achun lân ta’n au.

ISAI 41:20

Chun, zie chuh mi’n a muh tieng u leh, Kei, Lalpa ngêi hin ka hih ahi tih he ta’n au. Tichun, Israel Pathien Thiengtho hin, zie chuh a hun umsak ngêi ahi tih hechien kei ta’n au.” ti’n.