ISAI 66:19 - PATHIEN LEKHABU THIENGTHO (BSI)

¹⁹ Chun, a lak u ah tiemtehna siem ing ka ting, tichun, a lak u a gawtna a suokcha namte Tarshis te, Pul te, thalpi luoi zing Lud namte kawmah Tubal leh Javan te ka minthan dân za khalo leh ka lopina mu khalo tuikuol gamla taka umte kawmah sawl ing ka ting; amau chun Jentel te kawmah ka lopina phuongzak un au.

ISAI 66:19 ပူးပေါင်းရင်းမြစ်များ

ISAI 52:15

Nam tamtak in maksau in tin, lengte chule maksa’n dângtha hiel untin, a muh khâk loh u chuh muu in tin, a hêtkhâk loh u chuh he ta ding ahiu hi.”

ROME 15:21

Pathien Lekhabu’n: “A Chanchin na kigenkhak ngei lohna a mite chun muu un tin uh, a na zakha lote chun le na hen au,” ti a a gen guol a khah gen ka guot zawk sek ahi.

EZEKIEL 27:10

“Persia, Ludia leh Put mite na sepaih in a pang ui, A phawu leh a lukhuk uh na bangah a khâi ui, Nang hun zem hawihte ahiu hi.

ISAI 55:5

Tichun, na hêtkhâk loh gamdang mite chuh sam in na tin, nang hun helo namdangte chuh na kawmah hung tai khawm un au. Kei, Lalpa na Pathien, Israel Pathien Thiengtho hin ziehaw chuh hih ing ka ting, lopina leh limbawlna hun pie’ng ka!

ISAI 60:9

Amah chun ahun limbawl tâk ziekin, Lalpa na Pathien min a ding leh Israel Mithiengtho a ding chun na chapate chuh a dangkau leh sana tawh gamla tak apat a pui dingin, matheilo in tuikuol a umte chun ei ngak un, Tarshis lawngte chun masak pên hih guo’n au.

ISAI 62:10

Nang haw, Jerusalem a umte haw, khawpi apat hin pawtdawk unla, Na mipite, a hung vaikitte dingin lamlien siem un la, Lam tuongpi siemphau un la, suongte thielngim un! Namte’n a hêt theihna dingun, melchikna tâk dawk un.

1 KHANGTHUBU 16:24

Nam cheng lak ah a lopi zie thu chu gen un la; Mi tin chengte lak ah a thilmak hihte chu gen un.

LUKE 2:34

Khutichun, Simeon in amau chuh a vangsak a, a nu Mari kawmah, “Ngaiin, zie nausen hi Israel te laka mi tamtak pukna ding leh, dindawkna dinga guot ahi; melchikna haw niel dingin tawh,

MARK 16:15

A kawm u ah, “Khawvel pumpi ah chieh un la, thilsiem tincheng kawmah Chanchin Pha gen un.

MATTHAI 28:19

Khutichun, chieh un la, namtina mi sinsak in siem un la, Pa leh Chapa leh Thagau thiengtho min chun baptist un la;

EZEKIEL 30:5

“Ethiopia, Put leh Lud, Arabia leh Libia namtin, Kub leh gam tin a kizawppih te chengcheng, Chemzâm in amau tawh pukkhawm un au.”

EZEKIEL 27:13

Javan, Tubal leh Meshek nang hun dawlte hin, sal leh dâk, ûmlebel in a hun dawl u a, na thil a neih na dingun.

ISAI 65:1

Ei sam ngeilo te hawl dingin ka um a, ei hawl lo te muh dingin ka um zing hi; ka min a ei sam ngeilote kawm achun, “Zie hin ka um hi, Zie hin ka um hi” ka ti a.

ISAI 42:4

Leichung a thutanna dik phuhdet a a um masang sieh chuh chau puo’n tin, a lung le kie diek puo’n a; tuikuol gamte chun a dân thu chuh ngaklah takin a um ngâl u a,” ti’n.

ISAI 18:3

Khawvela um chengcheng leh, lei chung luohte haw, tâng hawa melchikna a takdawk tieng u leh en un; pengkun a mût tieng u leh ngaithau un.

THILSIEMBUL 10:2

Japheth chapate chuh Gomer, Magog, Madai, Javan, Tubal, Mesek leh Tiras te ahiu hi.

EPHESI 3:8

Jentel te kawma Krista neihzawhna hawldawk zawh loh haw chanchin gen ding leh,

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

ZEPHANIA 2:11

Amau a dingin Lalpa chuh tizat-um tak hi’n tin, leia pathiente chuh sumangthai vek in tin, tichun, namtin a masang ah khun un tin, mitin in amau mun chiet apat in Amah chuh ho ta’n au.

EZEKIEL 39:1

Lalpa Pathien chun, “Nang mihing chapa, Gog chungah thu gen in la, Ngaitie, aw Gog, Rose, Meshek leh Tubal milien pên ka hun do na hi:

ISAI 51:5

Ka hukdawkna chuh kin takin hung nai intin; ka hukdamna chuh ka sawldawk ta a, amau haw chuh hukdam ing ka. Ka guolzawhna ni chuh a nai ta ngâl a. Keimah ngêi hin namte chungah vaihawm ing ka ting; Tuisuohgiet panga chêngte chun ka hung ding ngak in, ka vaihawmna chuh kinem takin a ngak ngâl u a.

ISAI 49:22

Lalpa Pathien chun a mite kawmah, “Namte chungah ka khut zak ing ka ting; tichun, na chapateu chuh In lam ah hun pui un au.

ISAI 49:12

Entie, ka mite chuh gamla tak apat in hung untin; mâllam leh thanglam apatte leh, simlam a Sinim gam apatte’n hung ding ahiu ui,” ti’n.

ISAI 49:1

Nang haw thielkal a chêngte leh namte haw, ka thu hi a na ngaithau in! Lalpa chun sûl apat in ei sam ta a; Ka nu sunga ka um lai in ka min ana sa tai.

ISAI 43:6

Mâllam kawm achun, ‘Thahdawk un,’ ti’ng ka ting; sim lam kawm achun, ‘Hên ta kiu,’ ti’ng ka; Ka chapa chuh gamla tak apat in hun pui inla, ka chanute chuh kâwlmawng tâwp apat chun hun pui un, ti’ng ka.

ISAI 29:24

Thagau a hihkhielte chun le hun hethiem tau untin, chun, mi phunchiekte chun le sinsakna chuh pawm ta’n au,” ti’n.

ISAI 18:7

Zie tieng chuleh, khawvel pumpi’n a kihchak uh, vun nâm hethut leh, sang takte, nam thilhih thei tak leh hat tak te, tuipi’n a khenzak namte apat a Sepaihte Lalpa’n thillat a muh hun chuh hungtung intin; Sepaihte Lalpa hona mun, Zion tâng ngêi achun hung khawm un au.

ISAI 2:16

Tarshis lawng lien chengcheng leh, lawng neu hawihtak tak haw le hung tum ina.

SAM LEHKHABU THE PSALMS 72:10

Tarshis gam leh tuikuol a leng te’n kipahman hun chawi in tin uh; Sheba leh Seba leng te’n thilpiek hun pien au.

1 KHANGTHUBU 1:11

Chun, Mizraim suonte, chu, Ludia te, Anam te, Lehab te, Naphtuh te,

1 KHANGTHUBU 1:7

Chun, Javan suonte chu, Elishah mite Tarshis mite, Kittim mite, leh Ridanim mite ahiu hi.

THILSIEMBUL 10:13

Chun, Mizraim chun Ludim, Anamim, Lehabim leh Naphtuhim

THILSIEMBUL 10:4

Javan chapate chuh Elishah, Tarshis, Kittim leh Dodanim ahiu hi.

THILSIEMBUL 9:27

Pathien in Japheth chuh sulien henla, Shem puon-In haw achun cheng henla; Kanaan chuh a suok in um hen,” a ti a.

THILSIEMBUL 10:22

Shem chapate chuh Elam, Asshur, Arpaksad, Lud leh Aram te ahiu hi.

ISAI 11:12

Chun, nam tina dingin melchikna tâk dawk intin, Israel nawhdawka um haw chuh puikhawm intin; Juda tai zakte chule kâwlmawng li apat chun puikhawm ina.

ISAI 42:12

Lopina chuh Lalpa pieu hen la, tuikuol gama chêngte chun Lalpa pahchakna thu gen u hen!

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

JEREMIA 46:9

Aw sakawlte haw mâllam nawh unla, kangtalaite haw buluh un. Gâl hatte chun makai unla, Ethiopia leh Libia mite phaw chawite leh Ludia mi thalpi kap thiem haw chu tawh.”

EZEKIEL 32:26

“Zie tak achun Mesek leh Tubal chuh a um ui; a thân kimvel u ah a sepaihteu a um ui; a lauh-umnau in mihing gam ana sulau sek na a, a bawnchau in zektan loh, chemzâma thah ahiu hi.

EZEKIEL 39:6

Magog leh thielkal gama thamuong taka chêngte chung achun mei sawl ing ka; tichun, Kei hi Lalpa Ka hi tih he ta’n au.

DANIEL 11:18

Zie nung chu leh tuipi panga namte do intin, a lak u a tamtak chuh zo in a. Himahleh amah chuh gamdang mite lawiupa khatin zo intin. chapo taka a umna chuh suktawp sak in a. A chapona chuh a chung ngêi ah kilehkit ina.

ZEPHANIA 3:10

Ethiopia gam, gamla taka, ka mi dalh zâk te chun le, Kei kawmah thilpiek hun chawi un au.