ISAI 66:18 - PATHIEN LEKHABU THIENGTHO (BSI)

¹⁸ A thilhih teu leh a thil ngaihtuoh teu chuh ka he vek a. Namtin leh pau tinte sam khawm ding ka hi. Tichun, hungkhawm un tin, ka lopina chuh mu ta’n au.

ISAI 66:18 ပူးပေါင်းရင်းမြစ်များ

SAM LEHKHABU THE PSALMS 86:9

Aw Lalpa, na siem namtin cheng te chu hung untin, na masangah hung kûn untin; Tichun na min chu hun pakcha’n au.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

ISAI 2:2

Ni nunung haw achun hiti hi hung hi’n tin, Lalpa Ho-In dinna tâng chuh tâng lien chung haw a sukdet hi’n tin, tâng dang cheng sanga sangpen hung hi’n tin, Nam tamtak a sung ah lut un au.

THUPHUON 2:13

Na umna, Setan chutphah umna khah ka hêi; keia dingin taksanum takin na um a, ka thu ei hetpihpa Antipas, Setan umna a, na lak uh a a thah uh, ka mi taksanum tak, umlai nasan khan le, nei taksanna hi na kilepsan puoh a.

THUPHUON 2:9

Na gimtheih ziete, na chatgah ziete, himahleh, na hausa ngâl a! Juda tak hilo a, Setan kikhawpna laka tel hizaw ngâla, Juda kiti haw hun gensietna le ka hêi!

THUPHUON 2:2

Na sep zie te, na gim ziete leh, na thuokhat ziete, migilo na ngaih theih loh ziete ka hêi. Sawlchak hisâm lo a, sawlchak kitite chule na patepa, lepchieh ahiu ui tih le na he ta a.

HEBRAI 4:12

Pathien thu hi a hing a, thil a hih thei a, chemzâm hiem tuok sangin le a hiem a, hinna, thagau leh guh kisuktuohna, theng sukhen thei hiela sun thei ahi; chuleh, lunggel leh lungthim ngaihtuohte hetuok pai zieng thei ahi.

1 KORINTH 3:20

Pathien Lehkha thu dang ale, “Lalpa chun miching te ngaihtuohna haw chuh a thâwn ahi, tih a he ngâl a,” tih le zik ahi.

ROME 16:26

Tuhin, zie thudik tak kiselgu chuh, kumsawt Pathien thupiek dungzui in, thiemgaute’n, a na zik hawu chuh hung kihawm zak in, mitin in a ginchak u a, a zawp theihna dingun namtin kawmah hetsak ahi tai.

JOHAN 17:24

“Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

JOHAN 5:42

Himahleh, nang haw hi bang tawbang mi na hih uh ka hun hêi, Pathien hehpihna na lungthim u ah na nei puou hi.

LUKE 5:22

Khutichun, Isu’n a ngaihtuoh u chu a he a, a kawm u ah, “Bang zieka na lunggil u a zie bang thil chuh na ngaihtuoh u a?

MATTHAI 12:25

Chun, Isu’n a ngaihtuoh u chuh a na he a, a kawm u ah, “Hawi gam hitaleh amau kido taphawt a mang sek ui; kuo hitaleh, inkuon khat le amau kido ta chuh ding dawk hiel puo’n au

MATTHAI 9:4

Himahleh, Isu’n a ngaihtuoh hawu chuh a het in, “Bang dinga na lunggil u a gitloh ngaihtuoh na hiu hi?

AMOS 5:12

Na bawhsietna hawu tam dân leh, na gitlohnau a nasat dân ka he ngâl a: mi diktatte na sugimthei u a, gawlhgukna na lau a, kulhkawtkhak a mi gimtheite chanvo ngêi le pie phal lo te haw.

JOEL 3:2

Nam chengcheng sam khawm ka ting, Jehoshaphat guom ah pui ing ka ting; Ka mipite chunga a thilhih teu ziekin zie tak achun a chungthuu vaihawm ing ka. Israel chate chuh gamdang ah a thehzak uh a, ka gochan Israel chuh a khenzak ziekun.

EZEKIEL 39:21

Tichun, “Namte laka chun ka lopina sulang ing ka ting, tichun namtin in ka thutanna diktak hih dinga ka thilhih theihna ka mat dân chuh etsak ing ka.

EZEKIEL 38:10

Chun, Lalpa Pathien chun hiti hin a tii: Zie ni chu leh hiti hi hi’n tin, na lunggil ah thil hung lut in tin, thil phalo hih guon na tin;

ISAI 66:10

Jerusalem hehpih chengcheng te haw, Jerusalem chuh kipahpih unla! nang haw zie khawpi lungsiet chengcheng te chuh lawp unla! Tuhin, a chunga lungkham cheng chengte chuh kipâk un.

ISAI 37:28

“Kei chun chuh na kipatdawk laite, na chut hiet hiet laite, na lut leh na pawt te, ka chunga na lung-awihloh dante hi ka he suok vek hi!

SAM LEHKHABU THE PSALMS 82:8

Aw Pathien, tho inla, lei chung ahin vaihawm in; Namtin cheng hi na goluoh ding ahi ngâl a.

SAM LEHKHABU THE PSALMS 72:17

A min chuh kumlekhuo’n dai puo’n a; A minthanna chuh nisa umlai chan in dai puo’n a; Mihaw chuh amah achun vangsak in um untin uh; Namtin cheng in amah chuh nuomsa ti’n au.

SAM LEHKHABU THE PSALMS 72:11

Ahi, leng chengcheng chuh a masang ah khupbawk u henla; Chun, namtin chengin a na sem u hen.

SAM LEHKHABU THE PSALMS 67:2

Na lampi chu leichung a mihet ahih theih a, Na hukdamna thilhih theihna chu namtin cheng laka het ahih theih na dingin.

JOB LEHKHABU THE BOOK OF JOB 42:2

“Thil chengcheng na hih thei hi tih ka hêi, Na thiltup te le dal ding guol ahi puoi.

DAN NIHNA 31:21

Chun, hiti hi hung hi’n tin, tuohsie leh haksatna tamtak a chungu a ahung tun tieng leh zie la hi amau hetdawk saka pang hung hi’n tin, a suonteu kam apat hetngilh theih hi puo’n a; tu a ka kihâksiel na gama ka puih lut ma him hin le a lungput dân uh chuh ka hetsa mawng ahi ngâla,” a ti a.

SAM LEHKHABU THE PSALMS 97:6

Van haw khun a diktat na chuh a thangko pih sek a, Mitin cheng chun a lopi zie chuh a mu tau a.

SAM LEHKHABU THE PSALMS 139:2

Ka ngaihtuohna hi gamla taka kipan inle na hethiem sek a.

ISAI 11:9

Ka tâng thiengtho achun kisuknatna himhim um ta puo’n tin; kisuksiet le um ta puo’n a; tui haw hin tuisuohgiet a khuh zing bang hin, leichung hi Lalpa hetna chun dim suok vek ding ahi.

ISAI 45:22

Khawvela ning tin apat ka kawmah hung unla, hukdam in um un. Kei hi Pathien ka hi a, a dang himhim a um puoi.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

ISAI 55:8

“Ka ngaihtuoh nate chuh na ngaihtuoh nateu tawh akibang puoh a; Ka lampite chuh na lampiteu tawh akibang puoi,” Lalpa’n a tii.

ISAI 56:8

Lalpa Pathien chun hitihin a tii, “Israel nawhdawk a umte cheng chuh puikhawm kit ing ka ting, puihkhawm sate bân achun midang dang le puikhawm ding ka hi” a ti a.

ISAI 57:12

Na thilhih leh na nungchang chuh hun taklang ing ka ting, ziehaw chun hun panpih thei hiel puo’n a.

ISAI 59:7

A kengteu chuh thil phalo lam zuonin a suon u a; kin takin gitlohna neilote thisan a suoh sek ui. A ngaihtuohnau chuh manlohna lungthim ahi seka; a lampiu achun chigapna leh sietna aum hi.

ISAI 65:2

Mi genhakte leh helchîng namte ding chun ni tum in ka bân ka zak sek hi; amau chun a ngaihtuoh na bang zel un lam diklo a zui u a.

JEREMIA 3:17

Zie tieng chuleh Jerusalem chuh Lalpa lalchutphah min vawh untin, zie chun nam chengcheng chuh Lalpa min in Jerusalem achun hung khawm untin, a lunggil uh lung khauh na bang chun chieh ta puo’n au.

ZEKARIA 14:16

Chun, hiti hi hung hi’n tin, Jerusalem hun do nam chengcheng laka nutsieh a umte chuh, kum cheng a Bawkcha Kut mang ding leh, Bangkim hihthei Lalpa chuh ho dingin chiehto sek un au.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

SAM LEHKHABU THE PSALMS 94:11

Lalpa chun mihiem ngaihtuoh haw chuh, Bangmahlo maimai ahi tih a he a.

ISAI 40:5

Tichun, Lalpa lopina chuh suklat hi’n tin, mi chengcheng in zie chuh mu chiet un au; Lalpa kam ngêi in zie chuh a gen ta ngâl a,” a ti a.

JEREMIA 16:17

A umdan haw cheng u chuh ka mu zing ngâl a, kei apat in sel in a um puou a; a manlohna hawu le ka mit apat in selguk ahi diek puoi.