ISAI 66:16 - PATHIEN LEKHABU THIENGTHO (BSI)

¹⁶ Lalpa chun mei a vaihawm ding ahi a, hinna nei chengcheng chungah chemzâm in vaihawm ding ahi. Chun, Lalpa’n a thah chuh a tama tam ding ahi.

ISAI 66:16 ပူးပေါင်းရင်းမြစ်များ

ISAI 30:30

Khutichun, Lalpa chun a aw lopi tak chuh zak sak ta’n tin, a lungnatna thilhih theihna huoisie tak tawh, Mei kuong leh vangi te, guohpi huihpi leh giel in a khutthak dân chuh sulang in.

ISAI 27:1

Zie ni chuleh Lalpa chun, a chemzâm hiem hawih tak, lopi tak leh thilhih thei tak chun Leviathan gulpi hattak leh, Leviathan gulpi kiviel ngeungo chuh gawt intin, tuipi a dragon chule that ina.

ISAI 3:13

Lalpa chuh genpih dingin a kisazo a, mipite vaihawm sak dingin a hung ding dawk ta a.

ISAI 10:4

Kidona a thah ahim, a hihloh leh sala puih a him in um inla. Khuti khawpa a hihsa chun le Lalpa lungnat chuh a hai diek puo a, gawt dingin a khut a tha zing nalai hi.

ISAI 31:8

Asuria te chuh mihing thilhih theihna hilo a, chemzâma sukmangthai in um un au. Asuria te chuh kidona ah taisieu un tin, a tangvalteu chuh nasem a pawnggawih in um un au.

ISAI 65:12

Ka hun sap lai in nei dâwng puou a, ka hun hopih lai in le nei ngaihsak puou a, ka mitmuh in thil gilo chuh na hih u a, ka kipahpih loh thil na tel zawk ziekun chemzâm a thah in um un na tin; na bawn un zie thihna masang achun kûn un lau.

JEREMIA 25:31

A gi chun kâwl mawng tâwp chan thawng ina! Lalpa’n namte chuh a kilanpih a, mi chengcheng chungah vaihawm intin, mi nunsiete chuh chemzâm kawmah pie’n a,’ tih hi Lalpa kamsuok ahi.”

JEREMIA 25:33

Zie ni a Lalpa’n a thahte chun, lei mawng khat apat leh lam tâwp tiengin dâp suok untin uh, sun loh leh, chawm khawm loh, vuih loh in um un tin uh, lei chunga êk tawbang phet hi’nau!

JEREMIA 45:5

Chun, nanga dingin thil lopi na hawl em? Hawl dah mai ah, ngaitie, mi chengcheng chungah thil phalo hun tun sak ding ka hi ngâla tih hi Lalpa kamsuok ahi. Himahlele, na hinnau chuh muntin a na chieh na chengah galdona a kipahman guolin hun pie’ng ka,’ ti’n.”

JEREMIA 46:15

Bang zieka na mi hangsanteu chuh nawhmang a um ahiu em? A ding zo ta puou ui, Lalpa’n a paih thak ziekin!’

EZEKIEL 5:15

“Khutichun, lungna tak leh thangtawm taka, nasa taka hilhgaih a, na chunga vaihawmna ka tunsak tieng chuleh na kimvela nam haw mitmuh achun muhsit um leh kizawnhona, kivaulawkna leh thil tizat-um hung hi’n la. Kei, Lalpa hin ka gen ta hi.

EZEKIEL 38:17

Chun, Lalpa Pathien chun hiti hin a tii: Malaia ka nasemte Israel thiemgau, zie laia kum tamtak sunga thu ana genlawk sek te’n amau do dinga ka hun puih ding thu ana gen sek u kha na him? ti’n,” a ti a.

JOEL 3:2

Nam chengcheng sam khawm ka ting, Jehoshaphat guom ah pui ing ka ting; Ka mipite chunga a thilhih teu ziekin zie tak achun a chungthuu vaihawm ing ka. Israel chate chuh gamdang ah a thehzak uh a, ka gochan Israel chuh a khenzak ziekun.

AMOS 7:4

Hitibang hin Lalpa Pathien chun ei etsak a: chun, en tiem u! Lalpa Pathien chun mei, a do dingin a sama; mei chun tui thuk lientak chuh a katum vek a, gam chule a kâng pan ta a.

NAHUM 3:3

Sakawl chungchuong mite thupiek leh, chemzâm te zawlzawl leh; tiengcha phe zawlzawl leh mi thiluong vum velvul te, mi thiluongte chuh simsen guol ahi puoh a; mithi luong achun a a kisuipai hiel u a.

NAHUM 3:15

Zie tak achun meia hâltum ahim, chemzâm a thah ahim a um ding na hi. Khaupete’n buh kung a nek zawh guol u a nek zawh a um ding na hi. Khaupe hawn bangin na pung mah mah tau a!

ZEKARIA 14:5

Chun, tâng kikala phaicham achun taimang in na tin uh, tâng kikala phaicham chun Azel vak sun ahi ngâla; ahi, Juda leng Uzziah lal laia inling a na taih bang u khan taimang un lau. Chun, Lalpa ka Pathien chuh hung in tin, a mi thiengthote cheng tawh hung kitawn ding ahiu hi.

ISAI 34:2

Lalpa chun nam tinte chung leh, a sepaihte cheng chung achun lungnatna a nei ngâl a. Amau haw chuh a sumangthai vek a, thah dingin a pie ta a.

EZEKIEL 28:18

Na gitlohna nasa tak leh na sumkawlveina diktat lohna chun, Na mun thiengtho haw na subuok a; Zieziekchun na sung apat mei ka pawtsak a, Ahun mu sekte cheng muh dingin leichung ah vut ka hun suoh saka, a hun katum hi.