ISAI 66:12 - PATHIEN LEKHABU THIENGTHO (BSI)

¹² Lalpa chun hiti hin a ti ngâla, “Ngaitie, chamna chuh luipi bangin luon sak ing ka ting, Jentel te hauhsakna chuh luicha a kuong dim zuoh zuoh bangin luong lut ta’n tin, tichun, zie chuh sen un na tin uh, a nungzang ah naupuok in hun puo’n tin, a pheichung achun kichawm kichawm inla.

ISAI 66:12 ပူးပေါင်းရင်းမြစ်များ

ISAI 60:16

Chun, namte nawitui chuh chên ta’n na tin, lengte hauhsakna achun kivak in na tin, Namte leh lengte’n hun enkawl un tin; Zie tieng chuleh, Kei Lalpa hi na hukdampa leh a hun Tandawkpa, Jakob mihat chuh ka hi tih hun heta’n la.

ISAI 48:18

“Ka thupiek a na ngaitha hita leu chin, luicha tui kangtheilo guolin vangsakna chuh hungtung ding hita a!

ISAI 45:14

Lalpa chun Israel te kawmah, “Aigupta hauhsakna leh, Ethiopia hauhsakna chuh nang haw a hung hi’n tin; Sheba mi sangte chuh na suok un hung um untin, kawlbut pum in hun zui un au; na masang u ah bawkkhup in kiphuong untin, ‘Pathien in a hun umpih a, nanguh kawm chauh ah Pathien a um a, kuomah dang kawmah a um puoi,’ hun ti’n au.

ISAI 66:11

Tichun, lungmuonna nawitui chuh na chep u a, na lung-awih theihna dingun; chun, a lopina kiting tak chuh kipâk taka dangno keuh keuh a na dâwn theih na dingun.

ISAI 61:6

Nang haw vang chuh, Lalpa thiempute tih hung hiu in na tin uh, mite chun Pathien nasemte hun ti ding ahiu hi. Namte hauhsakna chuh chen un na tin uh, a hauhsak nau chuh na lopinau hi ding ahi.

ISAI 54:3

Na gamgi ning tin chuh keklien in na tin; tichun, na suonte chun namdangte gam chuh hun luoh un tin, na mite chun gam chuh hun la kit ding ahiu a. Khawpi hawmsa nung chuh mipi a hung dim kit ding ahi.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

ISAI 26:3

Lalpa, na chunga lungthim ngate chuh, nangmah a hun ginchak ziekin, lungmuong taka um dingin veng in la.

ISAI 33:21

Zie tak achun Lalpa lui lien tak tak leh lui neu haw um chêkchûk na mun chuh, lopi takin I kawm u ah um zaw’na; zie tui chung achun kidona lawng lienpi a zapna nei chi himhim chieh puo’n tin, lawng lien tak tak haw’n le chieh pel puo’n a.

ISAI 54:13

Na chate cheng chuh Lalpa’n sinsak intin, na chate hauhsakna chuh lopi tak hung hi’n a.

ISAI 59:19

Tichun, tumlam a chêngte chun Lalpa min chuh lau tau intin, suohlam a chengte chun a lopina chuh lau un un au. Amah chuh huih hattak leh tuipi hattak guolin hung ding ahi ngâla.

JEREMIA 33:6

Ngaitie, damna leh hiselna hun tun ing ka ting, amau chuh sudam ing ka ting; muonna leh bitna diktak muh sak ing ka.

HAGGAI 2:9

Zie In lopi nunung zaw hi a masa sang khan lopi zawn tin, zie tak achun chamna leh thamuonna pie’ng ka” Lalpa’n a tii.

ISAI 14:2

Chun, namtin chun amau haw panpih untin, a mun ding u chuh tun un au; tichun, Israel inkawte chun Lalpa piekna gam achun namtin chuh suokpate leh suoknute’n hun nei un au. Amau haw suok a neite chuh suok in hun man un tin, amau haw bawlsiete chung achun vai hun hawm un au.