ISAI 66:10 - PATHIEN LEKHABU THIENGTHO (BSI)

¹⁰ Jerusalem hehpih chengcheng te haw, Jerusalem chuh kipahpih unla! nang haw zie khawpi lungsiet chengcheng te chuh lawp unla! Tuhin, a chunga lungkham cheng chengte chuh kipâk un.

ISAI 66:10 ပူးပေါင်းရင်းမြစ်များ

SAM LEHKHABU THE PSALMS 137:6

Ka hun hetzing loh a, Ka lawpna pên sanga Jerusalem ka deih zawk loh le chuh; Ka lei hi ka khadang ah bek chak kêi hen.

SAM LEHKHABU THE PSALMS 26:8

Aw Lalpa na umna in chuh ka ngaina chuom a, Na lopina umna mun chuh.

DAN NIHNA 32:43

“Aw, nanguh namtin te haw, a mite tawh kipâk un; A suokte thisan phuba chuh la ding ahi ngâla; Amah dote chungah phuba la ding ahi, A gam leh a mite dingin kichamna bukim siem ina.”

ISAI 65:18

Himahleh, ka thilsiem a chun kumlekhuo’n lawp leh kipâk in um un. Jerusalem thak ka siem chuh lawpna’n dim intin; a mite le kipâk takin um un au.

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

ISAI 44:23

Aw vante haw, kipâk takin la sau in, Lalpa’n zie chuh a hih ta ngâl a, Lei mun niem pente haw hung kiko dawk un, tângte leh gammâng thingte haw, la sa dawk un: Lalpa chun Jakob te a tandawk ta a, Israel te haw achun kisulopi ding ahi ngâl a!

SAM LEHKHABU THE PSALMS 122:6

Jerusalem thamuonna ding ngetsak unla: Nang hun ngainate chu lawhting u hen.

ISAI 9:3

Chun, namte chuh na supung a, a kipahnau le na sukpun sak ta a. Buh ât laia a kipah guol un na thilhih achun a kipâk u a, gâllâk thilte a kihawp lai bangun.

ISAI 25:9

Chun, zie ni chuleh, “Entiem u, zie hi I Pathien uh ahi! Amah chuh ka na ngak uh a, ei hukdawk theih na dingin. Amah chuh Lalpa chuh ahi! Amah chuh ka taksang uh a, ei hukdam tâk ziekin, a hukdamna ahin tuhin kipâk in lawp hitiu,” ti’n au.

ISAI 35:2

Paklun thieithuoi un tin, kipâk taka lasa’n lawp ina; Lebanon tângte banga hawih leh Karmel leh Sharon phai banga lei pha hi ta’n a. Mitin in Lalpa lopi na chuh muu untin, a lopina leh a thilhih theihna chuh mu ta’n au.

ISAI 51:3

Zion chuh thamuon ing ka ting, a hawma taihsan a a umna mun cheng achun A gamgaw chuh Eden bangin siem ing ka ting, Lalpa huon bangin siem ing ka ting; zie tak achun ka kawma kipah thugenna te, pahchakna la te, lawpna leh kipahna thawmte um ta’n a.