ISAI 65:9 - PATHIEN LEKHABU THIENGTHO (BSI)

⁹ Chun, Jakob apat chikhat siem dawk ing ka ting; Juda achun a goluoh ding siem sak ing ka ting; ka suokte chuh zie chun cheng un au.

ISAI 65:9 ပူးပေါင်းရင်းမြစ်များ

ISAI 27:6

Hun hungtung ding achun, Jakob chun zung kai untin; Israel chuh hung mûm in, a pak hung um un au. Tichun, lei chung hi gah in sudim un au.

ROME 11:28

Chanchin Pha lam ngaihtuoh chun, nangmau haw ziekin Judate chuh Pathien melma ahiu a, tel thu lam ngaihtuoh vang chun, suonte vangin hehpihte ahiu hi.

MATTHAI 24:22

Zie nihaw chuh Pathien in a hih chawm ta a, hih chawm lo hileh, mihiem himhim dam in suokcha puo’n au, himahlele, a mi telte ziekin a hih chawm ta a.

ZEPHANIA 3:20

Zie tieng chuleh hun puilut ing ka ting, hun puikhawm ing ka; Na muh ngêi u a saltanna apat ka hun puihkhawm kit tieng leh, leichung a mi cheng cheng te lak ah minthanna leh pahchakna hun siem sak ding ka hi ngâla,” Lalpa’n a tii.

EZEKIEL 36:24

Namte lak apat chun hun puidawk ing ka ting, gam tin apat chun hun puikhawm ing ka ting, na gam ngêi u a chun hun puilut ding ka hi ngâla,

ISAI 65:22

Midang luoh dingin In sa ta puou un tin, midang nek dingin grep huon le bawl ta puo’n au. Ka mite chuh thing bangin damsawt un tin, a sepgim gah u chuh sawttak tak chên ta’n au.

ISAI 65:15

Chun, na min u chuh hansie buok dingin ka mi tel te kawmah kawih un na tin; tichun, Lalpa Pathien in hun sulum in tin; himahleh, a suokte chuh vang min dang in sam ta’n a.

ISAI 45:19

Thim lak ah a gûkin thu ka gen puoh a, ka thiltup te le ka selgu diek puoi. Jakob suonte chuh bangmah um lohna mun ei hawl dingin ka ti ngei puoh a. Kei Lalpa chuh ka hi a, thudik tak ka gen sek hi,” ti’n.

ISAI 32:18

Ka mipite ding chun lungkhamna um ta puo’n tin, a mite chuh bit tak leh muong takin um ta’n au.

ISAI 30:19

Zieziekchun, nang haw Jerusalem a cheng, Zion mipite chuh kap kit ta puo’n lau. Lalpa chuh mi lungsiet thei tak ahi a, panpihna ngên a na kiko tieng u leh hun dâwng ina.

ISAI 45:25

Tichun, Israel suonte chengcheng chuh Lalpa achun guolzo un tin, tichun, Lalpa suong ding ahiu hi, ti’n.

ISAI 49:8

Lalpa chun hiti hin a tii, “Hun kipah-um ah ka hun hungaih a, Hukdam na ni ah ka hun panpih hi, a tii. Ka hun vengbit a, chun, mipite tawh thugawlh banga ka hun piek na hi; gam chuh tundin kit ahih a, gam âwng haw chuh hawpzak ahih theih na dingin.

ISAI 57:13

Panpihna ngên a na kiko tieng leh, na pathienteu chun hun hukdam u hen! Amau chuh huih in tawk mang zo vek intin, hatkhat in pawmang zo hen. Himahlele, kuole, kei chunga ginna ngate chun gam hi luoh un tin, ka tâng thiengtho chuh luoh un au,”

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.