ISAI 64:9 - PATHIEN LEKHABU THIENGTHO (BSI)

⁹ Aw Lalpa, ka chungu ah lungna taluo ta ki’n la, ka manlohnateu hile kumlekhuo’n hezing diek ki’n. Na mipite ka hiu a, ka chungu ah zahngai in.

ISAI 64:9 ပူးပေါင်းရင်းမြစ်များ

SAM LEHKHABU THE PSALMS 79:13

Khutichun, kei uh na miteu, na gan tatna mun a belamte hin, kumlekhuo’n na kawmah kipahthu gen ung ka ting un: A khang a khang in nang hun pakcha zing ta’ng kau.

THUPHUON 20:10

Tichun, amau haw thempa Diabol chuh. sahang leh thiemgau lêm umna, mei leh kât dîl achun a paih tau a; tichun, kumkhuotuong in, a sun a zan a sukgimtheih in um ta’n au.

2 PETER 2:17

Ziete haw chuh, tuikhuk tui umlo leh, meibuol huih in a mût lêng viel viel tawbang ahiu hi; amau a ding chun khawthim sah tak chuh kumkhawtuong a ding a sit sak ahi.

MALAKI 1:4

Edom te chun, “Ka khawpi teu chuh suksiet in a um ta a, tungding kit ding ka hiu,” a tih u chun, “Sa pha kit thei maithei na hiu a, himahleh, susie kit ding ka hi. Tichun, mite chun, ‘Gitlohna gam’ leh ‘Kumlekhuo a Lalpa lungnatna Namte’ ti’n au” tih hi Bangkim hihthei Lalpa kamsuok ahi.

HABAKKUK 3:2

Aw Lalpa, na thilhihte chuh ka na heta a, maksakna’n ka dim tai. Thil lopi takte na hih sek kha, zie kum haw hun sung hinle hih kit in. Na lungnat inle, ka chungu ah zahngai tei in.

SUNNA LA 5:20

Bang zieka kumkhuo a ei hengilh a, Tuhun sung cheng hi bang zieka nei hetngilh ahi?

JEREMIA 10:24

Aw Lalpa, ei thunun inla, a hun phetin. Lungna lo in ei thunun in, khutilochun ei sumangthai khan la.

JEREMIA 3:12

Chieh inla, zie thu hih mâllam ah va phuong ah, tih hi Lalpa kamsuok ahi. “Nungchawn hât Israel, hung vaikit in, Lalpa’n a tii. Lungnat mel in hun en puo’ng ka ting; mi lungsiet thei tak ka hi ngâla. Kumkhuo’n lungna puo’ng ka tih hi Lalpa kamsuok ahi.

ISAI 63:19

A chung u a vai na hawm khâk loh mite bang leh, na min a na sap khâk loh mite ka bang mai tau hi uo!

ISAI 60:10

Chun, gamdang mite chun na kulhbang teu chuh lemto kit un tin; A lengteu in na nau sem un au. Ka lungnat in amau haw ka gawt a; himahleh, tuhin ka lungsietna leh ka deihsakna sulang ing ka.

ISAI 57:17

A gitloh ziek u leh, a huoiham ziekun a chungu ah ka lungna a, ka gawt a, ka kiheisan ta a. Himahleh, genhak takin a um u a, amau lampi chiet ah a kiheimang tau hi.

ISAI 43:25

Kei, keimah ngêi hi ka hi ka min zieka na bawhsietna teu hun thaimang sak pa chuh ka hi; Na gitlohna teu chuh hezing ta puo’ng ka.

SAM LEHKHABU THE PSALMS 119:94

Nanga ka hi, ei hukdam inla; Na hukdamna thu haw chu ka hawl ngâl a.

SAM LEHKHABU THE PSALMS 38:1

Aw Lalpa, lungna’n ei hilhgaih ki’n la: Thangtawm in ei thunun diek ki’n.

SAM LEHKHABU THE PSALMS 6:1

Aw Lalpa, lungna’n ei hilhgaih ki’n la thangtawm takin ei sawi ki’n la.

ISAI 63:8

Lalpa chun, “Ka mite ahiu a, ei thêm ngei puo’n au,” ti’n. Khutichun, amau haw chuh a gimtheih thuoknau apat chun a hukdam ta a.

JEREMIA 44:21

“Juda khawpi haw leh Jerusalem kawtthêl haw a nang u leh na pileputeu leh na leng teu leh na milien teu leh gamsung a mipi himhim in gimlim a hâlteu chuh Lalpa’n hezing in a lunggil ah khum lo ding ahim?

SUNNA LA 5:22

A hih leh, nangin ei paih tha den ding na him? na lungnat hin tawptik neilo ding ahim?

EZEKIEL 29:16

Israel inkuon in a chungah ginchak zawhna nei ta puo’n tin, amau zui dinga kiheia a gitlohnau hetdawksak in pang zaw ta’n a. Khutichun, Lalpa Pathien chuh ka hi tih he ta’n au, a tii,” ti’n.

THIEMPUDANTE 26:31

Na khawpiteu chuh suhawm ing ka ting, na pathien hona mun teu hihsie’ng ka ting, na kithawihnateu chuh pawm ta puo’ng ka.

2 LENGTE 25:9

Ho-In leh leng In te leh, Jerusalem a miliente chênna In chengcheng chu a hâl tum vek ta a;

ISAI 63:18

Na mi thiengthote hin hun chawmkhat chauh ka luoh u a, himahleh, tuhin ka melmateu chun na mun thiengtho chuh a tawh den tau hi.

SUNNA LA 2:7

Lalpa’n maichâmte chu nawlh in Mun thiengtho chu a kihdak ta a; A leng In kulh bângte chu melmate khut ah a pie dawk ta a, amau chun Kut lopi ni guolin Lalpa In ah thawm gi a nei u a.

SUNNA LA 5:18

Zion tâng chu thawmhau taka nutsieh a hih tâk ziekin, si-âlte chu a chungah a vakviel viel tau hi.