ISAI 61:8 - PATHIEN LEKHABU THIENGTHO (BSI)

⁸ “Kei Lalpa hin vaihawmna dik ka ngaina sek ngâla, diklohna leh chapona hi ka haw a. Tichun, amau haw diktatna chuh tihtakzet in a kawm u ah pie’ng ka ting; chun, kumlekhuo a thuthun chuh amau haw tawh siem ing ka.

ISAI 61:8 ပူးပေါင်းရင်းမြစ်များ

SAM LEHKHABU THE PSALMS 11:7

Lalpa chuh a diktat ngâl a; diktatna thilhih chuh a ngaina sek a: Mi diktat haw chun a mel chuh hun mu’n au.

JEREMIA 9:24

A suong ta chengin zie hi suong hen, ‘Kei Lalpa hi,’ Hehpihnate, vaihawm diknate, diktatna te lei chunga mang sek ka hi tih ei het u a, a hetthiem nau chuh ka kipahpih lam ahi ngâla tih hi Lalpa kamsuok ahi.”

JEREMIA 32:40

Chun, amau chu tawh kumlekhuo a ding in thugawlh siem ing ka ting, amau phatna ding ka hih sak na apat ka kiheimang lohna ding in; a lungthim u ah kei ei lauh nau kawih ing ka ting, ei kiheimang san kit ta puo’n au.

ISAI 55:3

Na bil u dawh unla, ka kawmah hung un, Ka kawmah hung unla, tichun, ngaithau in la, hinna nei un lau! Nang haw tawh kumlekhuo thugawlh siem ing ka ting; David kawma vangsakna ka tiem kha hun pie’ng ka.

SAM LEHKHABU THE PSALMS 37:28

Lalpa chun vaihawmna diktat a ngaina seka, A mithiengtho haw chuh a taihsan ngei puoi, Mi diktat chuh kumlekhuo a dingin vawpphat in a um a; Himahleh, mi nunsie suonte vang chuh sukmangthai in um ina.

THILSIEMBUL 17:7

“Chun, kei leh nang leh na nunga na suonte leh a suonteu chanin le ka thugawlh hi, nang ding leh na nunga na suonte dingin, a Pathien uh hi dingin kumkhuo a thugawlh dingin sudet ing ka.

THUCHINGTE 8:20

Kitûpna lampi chuh ka hawh a, diktatna lampi chuh ka zui a.

SAM LEHKHABU THE PSALMS 99:4

Lalpen hatna chun vaihawmna dik a ngaina a; Nang chun khenchuom neih lohna na hih det seka, Nang chun Jakob inkawte chungah vai na hawma, diktak in na hih sek a.

THUCHINGTE 3:6

Na lampi cheng chuh amah hetsak inla, chun, A ma’n na lampi ding hun hêi zan sak in a.

SAM LEHKHABU THE PSALMS 45:7

Diktatna chuh na deihchuom a, nunsietna chuh na haw a; Zieziekchun, Pathien, na Pathien chun, na lawite sanga nasa zawn Kipahna sathau a hun nuh ta hi.

SAM LEHKHABU THE PSALMS 33:5

Diktatna leh vaihawmna kitûp a ngaina sek a: Lei chung hi Lalpa zaidawhna’n a dim hi.

2 SAMUEL 23:5

“Ka inkuon u chu Pathien kawma kipat hilo ahim? Kumlekhuo thugawlh ka kawmah a gawlh a, Bangkim kitûp leh hihdet kêi in; ka hukdamna kim leh duhthusam kim, seldawk sak lo ding ahi a ahim?

2 THESSALONIKA 3:5

Lalpa chun, Pathien hehpihna leh, Krista thuokhatna chuh hethiem zawsem dingin hun pui ta hen.

ISAI 5:16

Himahlele, Sepaihte Lalpa chun diktatna chuh thil dik hih in etsak intin, a thienthona chuh a mipite vaihawm sak ni achun a sulang tai.

SAM LEHKHABU THE PSALMS 50:5

“Ka mi ginum te ka kawmah hun puikhawm un, Kithawihna sa that a ka kawma thugawlh siemte haw chu,” ti’n.

SAM LEHKHABU THE PSALMS 32:8

Na chiehna lampi chuh hun hetsak in hun sinsak ing ka ting; Ka mita hun en zing kawm in hun lemguot sak ing ka, Hetthiemna nei gun lo sakawl leh sabiltung haw bangin um kiu in,

MATTHAI 23:13

“Himahlele, nang haw, Danthuzikte leh Pharisai gukhahte haw, na chunguh a gik hi! van gam chuh mi dingin na khâk u a,

SAM LEHKHABU THE PSALMS 62:10

Nuoisieh na hi gingcha ki’n la, Mi ngawngtawih hile suon pên in nei diek ki’n; Neihzawhnate a hung pun inle a chungah na lunggil uh nga kiu in.

SAM LEHKHABU THE PSALMS 105:10

Zie mah chuh thuguot bangin Jakob kawmah a hihdet a, Israel kawmah kumlekhuo thugawlh ding in:

ISAI 28:17

Chun, diktatna chuh a tehna khau in mang ing ka ting, ginumna chuh a etzawnna’n mang ing ka,” ti’n. Lepchieh thu kihumbitna a neite chuh giel in sep mang kêi intin, a kisêlna mun hawu chuh tui haw chun chup mang vek ina.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.

ISAI 54:10

Tangte chuh tawlmang a um in, muol te chuh a hung kichawn mai thei a; himahleh, ka hun lungsiet na chun tâwp nei ta puo’n tin; Thamuonna thu ka tiem chuh kumlekhuo’n tuzing ing ka,” nang hun lainat Lalpa chun a tii.

ISAI 56:1

Lalpa chun hiti hin a tii, “Diktak in vaihawm unla, thil dik hih un, ka hukdam na chuh hungtung pai ding ahi ta a; ka hun hukdawkna chuh hung kilang pai ding ahi ta ngâl a.

ISAI 66:22

“Tichun, Van thak leh lei thak ka siem ding chuh, ka ma a um zing ding ahih tâk ziekin, zie tawbang chun na suonteu leh na min u chuh um zing ding ahi, Lalpa’n a tii.

MALAKI 1:13

‘Ziehaw cheng hi a chimchâk um na e,’ ti’n na nak uh na suknil khum u a Ka kawma na thillat dingun, pawngbawl a na thillakteu, a kêngbâite, a damlo te na hun chawi u a. Ziehaw chuh na khut uh apat in pawm dingin nei ngaihtuoh um? Lalpa’n a tii.

EZEKIEL 16:60

Ahihziekin na khangdawng laia thuthun ka hun neih pih chuh hezing ing ka ting, na kawmah kumkhaw thuthun siem ing ka.

EZEKIEL 34:25

Chun, amau tawh kichamna thuthun siem ing ka ting, gamsung apat chun gamsa haw chuh subei ing ka, thalek ale bit takin cheng intin un, gammâng nuoi ale bit takin ip tan au.