ISAI 61:7 - PATHIEN LEKHABU THIENGTHO (BSI)

⁷ Na zahchâknau leh na muolphonau thasang in a lehnih in muu un na tin, na zahchâkna gûn u khan na chantawk u ah lâwpin lasa’n lau; zieziekchun, na gam u chuh a lehnih in luoh un na tin; kumsawt kipahna chuh nanguh a hi ta’n a.

ISAI 61:7 ပူးပေါင်းရင်းမြစ်များ

JOB LEHKHABU THE BOOK OF JOB 42:10

Khuti a Job a guolte thuma dinga a paucham lai chun, Lalpa’n Job chuh a vangsak kit ta a, Lalpa chun Job chuh a maa a neih lehnih a pie kit ta a.

ZEKARIA 9:12

Nanguh, tu a kinepna nei saltângte haw, vaikit un, na kulhpiu lam achun vaikit un! Tuhin, ka hun hilh na hiu ui, a lehnih in hun pie kit ding ka hi tih ka phuong hi.

ISAI 40:2

Jerusalem kawmah thamuonna thu gen unla, a kidonau chuh a kichai ta ngâl a, a gitlohnau chule ngaihdam ahi tai, a thil hihkhelh teu cheng ziekin gawtna bukim in ka gawt ta ngâl a,” ti’n.

SAM LEHKHABU THE PSALMS 16:11

Nangin hinna lampi chuh nei hetsak a: Na masang achun kipahna bukim a um a; Na khut changlam achun kumsawt nawpna a um ngâla.

2 LENGTE 2:9

Chun, a galkaih nung u chun hiti hi ahi a, Elija’n Elisha kawmah, “Na kawm apat lâkmang a ka um masang hin, bang ahim ka hun hihsak ding nei ngên in?” a ti a. Elisha chun, “Na thagau chan nih chang leng la!” a ti a.

ISAI 51:11

Tichun, Lalpa tatsa te chuh kipâk takin vaikit untin; lasa kawmin Zion achun lut un au; Lungkham leh dahna um ta puo’n tin, kipahna leh lawpna chang tau intin; kumsawt kipahna chuh a lu chung u ah um ta’n a.

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

ISAI 35:10

Tichun, Lalpa tatsate chuh vaikit un tin, lasa kawm in Zion chuh tung un tin; a lu chung u achun kumsawt kipahna um in tin, lawpna leh kipahna chang tau in tin, lungkham leh dahna cheng bei ta’n a.

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

DAN NIHNA 21:17

A deihloh zawk nu chapa chuh cha lutîl a a pawm a a neih chengcheng chan nih chuh a piek ding ahi; amah chuh a hatna gah masa ahi a, cha lutîl dinmun chuh amah a ahi.

SAM LEHKHABU THE PSALMS 126:5

Mittui kie kawma tuh haw chun lawp takin ât un au.

ISAI 54:4

Lau ki’n la, sukzahhuoi a um kit lo ding na hi a; lungkie ki’n, muolpho in um kit diek ta puo’n la; Na ngaklak lai zahchâkna cheng kha hengilh ta’n na tin, meithai chansie tak guola na umna chuh hengilh ta’n la.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

ISAI 65:13

Zieziekchun, Lalpa Pathien chun hiti hin a tii, “Ngaitiem u, ka suokte chun vah takin ne’n tin un, himahleh, nang haw vang chuh gilkiel in um un lau; ka suokte chun tui dâwn un tin, himahleh, nang u chuh dangchâk in um un lau; ka suokte chuh kipâk takin um un tin, himahleh, nang u chuh vang zakcha takin um unlau!

ZEKARIA 8:12

Kichamna chi tuh tau intin; grep guite chu gahsuoh ta’n tin, lei in a gah suohdawk intin, van in dâitui kiek sak in a; tichun, zie vangsakna te hi ka nam tel, ka mite a na damsunte luoh dinga pie ding ka hi.

ISAI 60:15

Khawpi nutsieh a um leh hawmngawn, kiheisan nung leh, muhdah um khawpi himahleh chin, lien tak leh lopi takin hun siem ing ka ting; kumlekhuo a kipah na mun in hun siem ing ka.

ZEPHANIA 3:19

Ngaiin, zie ni chuleh a hun sugimtheite chuh gawt ka ting; kêngbâite chuh hukdawk ka ting, saltângte chuh puikit ing ka. Chun, lei chung cheng chenga na zahhuoi nau chuh pahchakna leh minthanna suoh sak ing ka!