ISAI 61:3 - PATHIEN LEKHABU THIENGTHO (BSI)

³ Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

ISAI 61:3 ပူးပေါင်းရင်းမြစ်များ

SAM LEHKHABU THE PSALMS 30:11

Ka lusûnna chuh kei dingin lâmna na suok sak a; Ka saidippuon chuh nei hâwk sak a, kipahna puon nei silh sak ta a:

JOHAN 16:20

Tihtakzet, tihtakzet a ka hun hilh na hiu hi, nang haw hi kap in lungkham un na tin un, himahleh, khawvel hi kipâk ding ahi; lungkham un na tin uh, himahleh, na lungkhamnau chuh lawpna hung suok ding ahi.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

THUGENPA 9:8

Kipahmel pu zing inla, na luchang chuh thau nuh ding tasam kihen.

SAM LEHKHABU THE PSALMS 45:7

Diktatna chuh na deihchuom a, nunsietna chuh na haw a; Zieziekchun, Pathien, na Pathien chun, na lawite sanga nasa zawn Kipahna sathau a hun nuh ta hi.

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

SAM LEHKHABU THE PSALMS 23:5

Ei dote mitmuh in ka ma a hin dawhkhâng na guonggalh sek a: Ka luchang hi thau na nuh ta a, ka khawn a hin a dimlet zinga.

1 KORINTH 6:20

Nangmau a le na hi ta puou a, mana châwk na hi tau a puo; zieziekchun, na sapum leh na thagau chun Pathien limbawl un.

ZEKARIA 3:5

A nasemte chuh diel vam tak Joshua kawp sak dingin thu a pie a. Tichun, a luchang ah diel vam tak a kawpsak tau a, silhlechen in a van u a, zielai chun Lalpa vânsâwlchâk chuh a kawmah a dinga.

PHILIPPI 1:11

Krista Ni a dinga chuh a tak tak leh sukkhelh bei na hih theihna dingun thil phapen chuh tel thei un lau.

MATTHAI 5:16

Zie tawbang chun na vak u chuh mi mitmuh in vak hen; khutichun, na nasep phat teu chuh muu untin, na Pau van a um chuh pakcha thei un au.

ESTHER 8:15

Mordekai chuh leng puon a dum leh a vam a kithuom in, sana lallukhuk lopi tak leh patngat puonâk chuol sandup a kivan in leng in apat chuh a pawtdawk a. Tichun Susan khawpi chuh kipâk in a kiko dul dul tau a.

1 PETER 4:14

Krista min zieka hosiet na hih uh chun, na hamphau hi, zie chuh lopina Thagau, Pathien Thagau ngêi chuh na chungu ah a um hi tihna a hi ngâl a.

LUKE 15:22

Himahlele, a pa chun a suokte kawmah, ‘Puon phapen hun la vak unla, vak silh sak un; zungbuh le a khut ah buh sak un la, kengtawbek le a kêngpêk ah buh sak un.

ESTHER 9:22

Zie ni chun Juda te chuh a melmateu apat a gâlmuong a a um tâk ziekun leh, zie tha a lungkhamna chuh a mau dinga kipahna a suok tâk ziekin leh, kahna ni chuh kipâk um taka a hung chan tâk ziekin. Guolvakna ni leh kipahna ni leh nek ding kithak tuohna ni leh gimtheite thilpiekna ni dinga siem dingin le thu a pie a.

2 THESSALONIKA 1:10

Zie Ni a, a mite chengcheng apat a lopina mu ding leh, a gingchate apat a limbawlna lawh dinga a hung tieng chuleh, ka thu hun hilhteu kha na taksan ziekun, nang haw le tel ding na hiu hi.

JOHAN 15:8

Zie vanga hi ka Pa le limbawla um ahi, tamtak a na gah u hin; khutichun, ka sinsakte hin lau.

SAM LEHKHABU THE PSALMS 104:15

Mihiem lunggil kipah sak na ding uain tawh, A mai hih hawih na ding sathau tawh, Mihiemte lunggil suhat ding chângthâk tawh.

ISAI 12:1

Zie ni chuleh, mipite chun la sau un tin, “Aw Lalpa ka chungu ah a na lungna ta mahleh chin, a kawmah kipahthu gen ing kau, tuhin na lungnat chuh a hai ta a, nangin nei thamuon ahi ta hi.

MATTHAI 15:13

Amah chun, “Kung chengcheng ka Pa van a um phuh loh chuh bawh dawkin um ina.

1 KORINTH 3:9

Kei u chuh, Pathien naseppihte ka hiu a, nang haw Pathien lo ma chuh na hiu ui. Chun, Pathien insakte le na hiu hi.

HEBRAI 1:9

Diktatna chuh na ngailul a, Sukkhelhna vang chuh na haw a. Zieziekchun, Pathien, na Pathien chun, Na lawite sang chun Lawpna thau a hun nuh tam zawk ahi,” tih leh,

SAM LEHKHABU THE PSALMS 149:4

Lalpa chuh a mihaw chungah a kipâk sek ngâla: Nuoilutchuh haw chuh guolzawh na’n a zem hawih sek hi.

ISAI 26:2

A ginnau tuchak zing nam diktat te chuh a lut theihna dingin, a kawtpi te chuh hawng un!

ISAI 44:23

Aw vante haw, kipâk takin la sau in, Lalpa’n zie chuh a hih ta ngâl a, Lei mun niem pente haw hung kiko dawk un, tângte leh gammâng thingte haw, la sa dawk un: Lalpa chun Jakob te a tandawk ta a, Israel te haw achun kisulopi ding ahi ngâl a!

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

ISAI 52:1

Aw Zion, halh in, halh inla, na hatna chun kivan in, Na silhlechen hawihtak chun kivan kit inla; Aw Jerusalem khawpi thiengtho, tu apat in na sung achun zektan loh te leh mi thienglo te chuh lut ding ahi ta puoh ngâla.

JEREMIA 31:13

Zie tieng chuleh, nungak thiengthote chuh lam in, kipâk untin, tangvalte leh teksiete le kipâk un au. A lungkhamnau kipahna chan sak in, a lusûnnau kipahna suok sak ka ting, thamuon ing ka ting, lungkhamna sangin kipahna pie’ng ka.

EZEKIEL 34:29

A thaichi phatna mun tak chuh amau pie’ng ka ting, khutichun, zie gam achun kiel in sumang ta puon tin un, nam dangte muhsitna le thuok ta puo’n au.

EZEKIEL 47:7

Chun, ka vak tun kit phet chun ngaitie, lui pang tuok gel a chun thing atam a tam hi ka mu a.

SAM LEHKHABU THE PSALMS 30:12

Ka lopina hi thip lo a, nangmah pahchak na la a sak theih na ding in. Aw Lalpa ka Pathien, kumkhuo’n nang kawmah kipahthu gen zing ing ka.