ISAI 61:11 - PATHIEN LEKHABU THIENGTHO (BSI)

¹¹ Lei hin a thil dâwn a suohdawk bang leh huon in asunga thaichi haw a kehdawksak bang hin; Lalpa Pathien chun diktatna leh kipahna pie’n tin, namte masang achun hung khang dawk sak ding ahi ngâla.

ISAI 61:11 ပူးပေါင်းရင်းမြစ်များ

ISAI 58:11

Chun, Lalpa chun hun pui zing intin, gamgaw ale thilpha’n hun hih tai zing intin, na guhhaw le hihhat ina. chun, huon tuia chawm tawbang leh tuinak kang ngeilo tawbang hita’n la.

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

ISAI 62:7

Jerusalem a tundin kit macheng u chun châwl puo’n au. Khawvel pumpi pahchak a a siem macheng u chun.

ISAI 62:1

A diktatna chuh vak banga a pawt a, a hukdamna chuh thaumei banga a vak dawk masieh chuh, Zion ziekin thip hiet hiet puo’ng ka ting; Jerusalem ziekin um hiet hiet thei puo’ng ka.

ISAI 45:8

Aw Vante haw, chunglam a kipatin guoh bangin hung zuu in, chun, van apat in diktatna chuh guoh bangin hung zu henla; lei in a kam ka henla, hukdamna chuh hung kikhawh dawk henla; chamna leh diktatna um tan a; Kei Lalpa hin zie chuh umsak ing ka.”

SOLOMON LA 4:16

Tho inla, aw mâl huih, hung nung in, Aw sim huih, ka huon hi hung mût inla, a gimlim a hung lendawk theih na dingin; ka deihtak chuh a huon ah hung lut hen la, a gah phapen pente chuh ne hen.

SAM LEHKHABU THE PSALMS 85:11

Thutak chuh lei apat in a luong dawk intin; Diktatna chun van a pat in a hun en suk ina.

MATTHAI 13:23

Chun, lei pha chunga kitheh chuh ziehi ahi: thu chuh a bil a za a, a umzie hethiem zieng hi ahi; zie chuh a gahsuoh ngêi a, a bang a leh za, abang a leh sawmgup, abang a leh sawm thum in a pung sek hi,” a ti a.

MATTHAI 13:3

Chun, tehkal thu’n thu tamtak a kawm u ah a gen a: “Ngaitiem u, buhchi thehpa chuh buhchi theh in a kuon a;

ISAI 60:18

Na gamsung achun thagum a kibawlna chuh zak hita puo’n tin; Sietna leh gawtna thawm le na gamgi sung ah zak hi diek ta puo’n a. Na kulh bâng u chuh ‘Hukdamna’ ti’n na tin, na kulhkawt te chuh ‘Pahchakna’ ti’n lau.

SAM LEHKHABU THE PSALMS 72:16

A gamsung achun buh tampi pieng intin; Tang chung haw achun kipei suousuou henla, A vui chu Lebanon bangin kilîng suousuou hen; Khawpi a mihaw chu lei a hampa bangin duoh hut hut un au.

SAM LEHKHABU THE PSALMS 72:3

Tang lien haw chun na mite dingin hauhsakna hun suoh u henla, tâng neu haw hin diktatna’n, Mihaw kawmah thamuonna hun tun un au.

MATTHAI 13:8

Chun, a bang lei phatna ah a kie a, a bang a leh za, a bang a leh sawmgup, a bang leh sawm thum in a hung gah ta a.

ISAI 4:2

Zie ni chuleh Lalpa bâk chuh hawih tak leh lopi tak hung hi ta’n tin, a gam gahte chuh Israel chate laka suokcha ana umsunte a dinga kithang-at pih leh a lopinau hung hi ta’n a.

ISAI 45:23

Ka thutiem chuh a dik a, kisang ngeilo ahi. Mitin cheng chuh ka masanga hung khupdin un tin, keia dinga ginum dingin, keimah kama ngêi in ka kipautiem ta ngâla.

ISAI 45:24

“Lalpa chauh ah dikna leh Hatna a um hi,” ti’n gen un tin, himahlele, kei ei do taphawt chuh vang muolpho un au.

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

ISAI 48:18

“Ka thupiek a na ngaitha hita leu chin, luicha tui kangtheilo guolin vangsakna chuh hungtung ding hita a!

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

THILSIEMBUL 1:11

Chun, Pathien in, “Lei chun hampahaw, thaichi nei haw, theikung, leia amau haw chi umdan ding banga gah leh a gah sunga chi um haw chuh sepdawk hen,” a ti a; tichun, khutibang chuh a hung hi ta a.

ISAI 62:2

Tichun, namtin in na diktatna chuh mu’n tin uh, leng chengcheng inle na lopina chuh mu’n au. Tichun, min thak Lalpa kam in a sak ding ngêi chun sap in um ta’n la.