ISAI 61:1 - PATHIEN LEKHABU THIENGTHO (BSI)

¹ Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

ISAI 61:1 ပူးပေါင်းရင်းမြစ်များ

LUKE 7:22

Chun, Johan mi sawlte chuh a dâwng a, a kawm u ah, “Chieh kit tau inla, na thil muh teu leh zakteu cheng hi Johan va hilh un: mitdûkte chun khuo a mu thei tau a, kêngbâite le a chieh thei tau a; phâkte le sukthientho in a um tau a, bengngawngte’n le khuo a za thei tau a, mithite le kaihthawh in a um tau a, mi chagahte kawma le Chanchin Pha chuh gen ahi tai.

ISAI 42:7

Mitdûkte mit sukvak sak ding leh; Suongkul tângte pawtsak ding leh, thimnuoi a chute puidawk ding in,

MATTHAI 11:5

mitdûkte a mit uh a vak ta a, kêngbâite le keng in a chieh tau in; phâkte a thieng tau, bengngawngten le khuo a za thei tau in; mithi haw le kaihthawh in a um tau a, chagahte kawma le Chanchin pha gen ahi tai.

SAM LEHKHABU THE PSALMS 147:3

Lungthim thasie te chuh a hih dama, A liemna teu chuh a tuom sak sek hi.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

ISAI 49:9

Suongkultângte kawm achun, ‘Hung pawtdawk un!’ na tih a, thim laka umte kawm chun, ‘Vak ah hung dawk un’ na tih theih na dingin. Amau chun lampi vel chun nek ding kimuh un tin; tânggaw châk haw achun a kivakna dinguh hamhing um ina.

SAM LEHKHABU THE PSALMS 34:18

Lalpa chuh lunggil a thasie te kawmah a nai seka, Lungthima kisik tapohte chuh a hukdam sek hi.

ISAI 48:16

“Tuhin ei hun naih unla, ka thugen hi zau in! Atûng apat khan langsal takin zie thu haw hi ka gen ta a, Ka thugente chuh ka suguitung zel sek hi,” ti’n. (Lalpa chun a thilhih theihna chuh ei pie a, ei sawl ta a.)

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

MATTHAI 3:16

Tichun, Isu chuh baptistma a chan zawh zawh chun tui apat in a pawtdawk zieng a, chun, ngaitie, amah dingin van a hung kihawng a, Pathien Thagau chuh vakhu banga hung kum in a chunga hung chuh a mu a.

HOSEA 6:1

“Hung tiem u, Lalpa lam ah vaikit hitiu: ama’n ei bawttel ta mahleh ei sudam kit ding ahi ngâla. Ei na suliem ta mah leh ei tuom kit ding ahi ngâl a.

SAM LEHKHABU THE PSALMS 45:7

Diktatna chuh na deihchuom a, nunsietna chuh na haw a; Zieziekchun, Pathien, na Pathien chun, na lawite sanga nasa zawn Kipahna sathau a hun nuh ta hi.

SAM LEHKHABU THE PSALMS 22:26

Mi gimtheite chun neu un tin, tai un au: A mah hawlte chun Lalpa chuh pakcha’n au: Na lunggil u chuh kumlekhuo’n hing zing hen.

SAM LEHKHABU THE PSALMS 102:20

Suongkul tâng haw tau git ngaitha ding leh, Thi dinga seh te chu zalen sak ding in;

SAM LEHKHABU THE PSALMS 51:17

Pathien pawmtâk kithawihna chuh thagau thasie hi ahi; Aw Pathien, lunggil thasie leh kisik tuntun hi musit puo’n la.

SAM LEHKHABU THE PSALMS 2:6

“Kei mah mawng in ka tâng thiengtho Zion achun, Ka leng siem chuh ka chut sak tai” a ti a.

ISAI 59:21

Chun, amau haw tawh ka thugawlh ding chuh ziehi ahi: Ka thagau na chung u a um leh, ka thu na kam u a ka kawih chun na kam u chuh taihsan kihen la, na chateu kam le pawtsan puo’n au, na suonteu-suon sawn kitteu kam le tu apat kumlekhuo’n pawtsan diek kihen” Lalpa’n a tii.

HEBRAI 1:9

Diktatna chuh na ngailul a, Sukkhelhna vang chuh na haw a. Zieziekchun, Pathien, na Pathien chun, Na lawite sang chun Lawpna thau a hun nuh tam zawk ahi,” tih leh,

2 KORINTH 7:6

Himahleh, mi lungdawngte suhangsan sek pa chun, Tita hungna chun ei hun tîlkhoh ta a.

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

SAM LEHKHABU THE PSALMS 69:32

Tawhdena umte chun zie chu muu henla, kipâk u hen: Nanguh Pathien hawlte haw, na lunggil u chu sukthak in um hen.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

SAM LEHKHABU THE PSALMS 25:9

Kingainiemte chuh lampi dik ah a pui a: Nuoilutchuh haw chuh amah lampi sinsak ina.

JOHAN 1:41

Amah chun, a masapen in amah suohpih Simon a mu a, a kawmah, “Messiah ka mu tau,” a ti a, (zie chuh Krista tihna ahi).

SAM LEHKHABU THE PSALMS 149:4

Lalpa chuh a mihaw chungah a kipâk sek ngâla: Nuoilutchuh haw chuh guolzawh na’n a zem hawih sek hi.

NASEPTE 4:27

Zie khawpi a hin, na Suok Thiengtho, na thau nuh Isu do ding chun, Herod leh Pontia Pilate tawh, Jentel te leh Israel mipite chuh, a kigawm khawm tak zet uh ahi.

JEREMIA 34:8

Leng Zedekia’n Jerusalem a mipi chengcheng te kawmah, Mitin in suok numei leh pasalte, Hebrai numei ahim, Hebrai pasal ahim ahih chun a pawtsak ding ahi.

ISAI 52:9

Jerusalem, hawmngawn a um sate haw, kipaka lasa’n kiko dawk un la! Lalpa’n a khawpi chuh hukdawk intin, a mite chuh thamuon ding ahi ngâl a.

2 KORINTH 3:17

Chun, “Lalpa” kiti hi Thagau ahi a, Lalpa thagau umna taka chun, chamtatna a um sek.

ISAI 29:19

Mi kingainiem te chun Lalpa a kipahna thak chuh nei kit un tin; chun, mi chagahte chuh Israel mi thiengtho achun limbawl in um tan au.

ISAI 30:19

Zieziekchun, nang haw Jerusalem a cheng, Zion mipite chuh kap kit ta puo’n lau. Lalpa chuh mi lungsiet thei tak ahi a, panpihna ngên a na kiko tieng u leh hun dâwng ina.

ISAI 30:26

Zielo chun le, Lalpa’n a mite liemna a tuom sak ni, a liemmateu a sukdam ni chun, tha chuh nisa guolin vak ta’ntin, nisa chuh a leh sagih in, ni sagih a kigawm bang hielin vak ta’n a.

ISAI 32:7

Mi gukhah chu phalo tak ahi a, mi chagahte chu zuou thu a hihsie ding in, thil gilo a sawmdawk u a, chagahte le a diknau ale a nang chak kêi sek hi.

ISAI 40:9

“Aw Zion, tâng sangte achun va kalto inla, Chanchin Pha hi va gen in! Aw Jerusalem, Chanchin Pha chuh phuong in ngeih tak in kiko in la! Lau ki’n. Juda khawpite kawm achun, Na Pathien chuh zie hin a um hi,” ti’n hilh in.

ISAI 52:7

Tang haw chiehkân pai a, Chanchin Pha tun a, kichamna chanchin pha hun puo a, Zawhna thu kiko pih a, hukdamna thu phuong a, Zion kawma, “Na Pathien in vai a hawm hi” tite keng chuh a hawih na e!

ISAI 57:18

“A lampi teu chuh ka mu a, amau haw chuh sudam ing ka ting; pui ing ka ting, thamuonna piekit ing ka ting, a lusûnteu kamsuok chuh thamuonna suoh sak ing ka.

MIKA 3:8

Himahleh, kei vang Jakob sukkhelhna sulang ding leh, Israel gitlohna hetsak dingin, Lalpa thagau zieka thil hihtheihnate, vaihawm nate leh hatna te chun ka dim takzet hi.

PAWTDAWKNA 28:41

Ziehaw chun na suohpihpa Aron leh a chapate chuh na thuom ding ahi; kei dinga thiempu na sem a, zenvielna a sep theihna ding un, amau haw chuh thau nuh in, kawihchuom in, na hih thientho ding ahi.

PAWTDAWKNA 29:7

Tichun, thau nuh chi hun la’n la, a luchang a sunkhum in na nuh ding ahi.

THIEMPUDANTE 7:35

Zie hi Lalpa a dinga thiempu na sem ding Aron leh a chapate thau nuh ahih niu akipat Lalpa a dinga mei thillat apat a chanvo dinguh chuh ahi.

SAM LEHKHABU THE PSALMS 68:7

Aw Pathien, na mite ma a na hung pawt a, Gamgaw na hawhpai lai khan; Selah

JEREMIA 52:33

Chun, Jehoiakin chun a suongkul van haw chuh a then saka, a damsung cheng chun leng dawhkhâng achun a ne’n a dâwn zing ta a.