ISAI 60:9 - PATHIEN LEKHABU THIENGTHO (BSI)

⁹ Amah chun ahun limbawl tâk ziekin, Lalpa na Pathien min a ding leh Israel Mithiengtho a ding chun na chapate chuh a dangkau leh sana tawh gamla tak apat a pui dingin, matheilo in tuikuol a umte chun ei ngak un, Tarshis lawngte chun masak pên hih guo’n au.

ISAI 60:9 ပူးပေါင်းရင်းမြစ်များ

ISAI 55:5

Tichun, na hêtkhâk loh gamdang mite chuh sam in na tin, nang hun helo namdangte chuh na kawmah hung tai khawm un au. Kei, Lalpa na Pathien, Israel Pathien Thiengtho hin ziehaw chuh hih ing ka ting, lopina leh limbawlna hun pie’ng ka!

ISAI 2:16

Tarshis lawng lien chengcheng leh, lawng neu hawihtak tak haw le hung tum ina.

ISAI 51:5

Ka hukdawkna chuh kin takin hung nai intin; ka hukdamna chuh ka sawldawk ta a, amau haw chuh hukdam ing ka. Ka guolzawhna ni chuh a nai ta ngâl a. Keimah ngêi hin namte chungah vaihawm ing ka ting; Tuisuohgiet panga chêngte chun ka hung ding ngak in, ka vaihawmna chuh kinem takin a ngak ngâl u a.

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

GALATI 4:26

Himahleh, chunglam Jerusalem vang chuh suok ahi puoh a, zie mawng chuh ei uh nu ahi ngâl a.

ISAI 49:1

Nang haw thielkal a chêngte leh namte haw, ka thu hi a na ngaithau in! Lalpa chun sûl apat in ei sam ta a; Ka nu sunga ka um lai in ka min ana sa tai.

ISAI 42:10

Tuisuohgiet a va chieh te leh, a sung a um cheng chengte leh, tuikuol gam leh a sunga um chengcheng te haw Lalpa chawiân in la thak sau in la, kâwlmawng apat inle amah chawih-atna la sau in.

ISAI 42:4

Leichung a thutanna dik phuhdet a a um masang sieh chuh chau puo’n tin, a lung le kie diek puo’n a; tuikuol gamte chun a dân thu chuh ngaklah takin a um ngâl u a,” ti’n.

GALATI 3:26

Krista Isu tawh pumkhata um in, taksanna ziekin Pathien chate na hi vek ngâl u a.

NASEPTE 9:15

Himahlele, Lalpa chun a kawmah, “Chieh mai ah, Jentel te, lengte, Israel suonte kawma ka min puok lutna dinga ka bel guot ahi a puo!

JOHAN 17:26

A kawm u ah na min ka hetsak ta a, hetsak kit zel ing ka, ti a chuh, nangin kei nei hehpihna kha amau ah a um a, keile amau a ka um theihna dingin,” a ti a.

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

ZEKARIA 14:14

Chun, Juda nasan chun le Jerusalem do in tin, tichun, a kimvel a nam dangte hauhsakna, dangkaguote, sana te, leh silhlechente chuh tamtak lakhawm un au.

ZEPHANIA 2:11

Amau a dingin Lalpa chuh tizat-um tak hi’n tin, leia pathiente chuh sumangthai vek in tin, tichun, namtin a masang ah khun un tin, mitin in amau mun chiet apat in Amah chuh ho ta’n au.

JEREMIA 30:19

Ziehaw apat chun kipahna la leh kipahna husa hung pawtdawk ina. Amau chuh supung ing ka ting: tawmcha mai hi ta puo’n au. Amau haw chuh limbawl ing ka ting, neu zing ta puo’n au.

JEREMIA 3:17

Zie tieng chuleh Jerusalem chuh Lalpa lalchutphah min vawh untin, zie chun nam chengcheng chuh Lalpa min in Jerusalem achun hung khawm untin, a lunggil uh lung khauh na bang chun chieh ta puo’n au.

ISAI 60:4

Khawdak in la, en kimvel in! Na mite chuh a chiehkhawm u a, na kawmah a hung ui! Na chapate chuh gamla tak apat in hung un tin; Na chanute chuh nau dawnte chun hun pawm un au.

ISAI 57:17

A gitloh ziek u leh, a huoiham ziekun a chungu ah ka lungna a, ka gawt a, ka kiheisan ta a. Himahleh, genhak takin a um u a, amau lampi chiet ah a kiheimang tau hi.

ISAI 43:6

Mâllam kawm achun, ‘Thahdawk un,’ ti’ng ka ting; sim lam kawm achun, ‘Hên ta kiu,’ ti’ng ka; Ka chapa chuh gamla tak apat in hun pui inla, ka chanute chuh kâwlmawng tâwp apat chun hun pui un, ti’ng ka.

ISAI 43:4

Aziek chuh, ka mit muh a lul tak leh zahum tak na hiu a, nanguh ka hun lungsiet a, ka hun hehpih ziekin nanguh sika thuok dingin nam dangte ka piedawk a; na hinnau thatheng in namte chuh ka piedawk tai.

THUCHINGTE 18:20

Mihing gilpi chuh a kamsuok chun sukdim in um intin a mûk a lawkna chun suklungkim in um in a.

SAM LEHKHABU THE PSALMS 72:10

Tarshis gam leh tuikuol a leng te’n kipahman hun chawi in tin uh; Sheba leh Seba leng te’n thilpiek hun pien au.

1 LENGTE 22:48

Jehoshaphat chun Ophir a sana puo ding Tarshis kuongte a siem a; himahlele a chieh ta puou; Ezion-geber mun ah kuonghaw chuh a siet vek ziek in.

1 LENGTE 10:22

Chun, leng chun Tuisuohgiet achun Hiram lawng hawn kithuohpih dingin Tarshis kuonghaw a nei a; Tarshis kuonghaw chun kum thum hal cheng leh sana te, dangkaguo te, saiha te, zawnglien te, vahuong te a hun puo sek ui.

1 LENGTE 10:1

Chun, Solomon in Lalpa min a dinga a thilhih chungchâng thu a a minthan dân Sheba lengnu’n a na zak chun thu haksa taktak dawng a patep dingin a kawmah a hung ta a.

1 LENGTE 8:41

“Ziehaw bân achun na mi Israel te tihloh nam dang mi, na min zieka gam gamla taka kipata a hung uh a;

JOSHUA 9:9

Chun, amau chun a kawmah, “Lalpa na Pathien min ziekin na suok te hi gamla tak apat a hung ka hiu a; na minthan ziete, Aigupta gama na thilbawl chengcheng te,

PAWTDAWKNA 33:19

Chun, Lalpa chun, “Ka lopina chengcheng chuh na masangah latsak ing ka ting, ka min thiengtho chuh na masangah phuong zel ing ka; tichun ka lungsiet tak chuh lungsiet zel ing ka ting, zah ka ngaihna taphawt achun zahngai ing ka,” a ti a.

THILSIEMBUL 9:27

Pathien in Japheth chuh sulien henla, Shem puon-In haw achun cheng henla; Kanaan chuh a suok in um hen,” a ti a.

SAM LEHKHABU THE PSALMS 48:7

Khawsak huih mang in Tarshis lawng lien haw chu a susie sek a.

ISAI 24:15

Zie ziek chun, ni suohna lam a chêngte chun Lalpa pakchau in tin; tuipi panga chêngte chun Lalpa min chuh lopina pie’n au, Israel Pathien chuh!

ISAI 49:22

Lalpa Pathien chun a mite kawmah, “Namte chungah ka khut zak ing ka ting; tichun, na chapateu chuh In lam ah hun pui un au.

ISAI 60:6

Midian te gam leh, Ephah gam apat in, sangawngsau liente chuh hung untin; Seba apat in gimlim leh sanate hun puoksak un tin. Tichun, Lalpa pahchakna chuh hun phuongzak ta’n au.

EZEKIEL 39:7

Chun, ka mi Israel te lak achun ka min thiengtho sulang ing ka ting, ka min thiengtho sukbuok kit chuh phal ta puo’ng ka: tichun, namte chun Kei hi Lalpa, Israel Mi Thiengtho chuh ka hi, tih he ta’n au,” ti’n.

MIKA 4:13

Aw Zion chanu tho in la, chil in, na ki chuh thik bangin siem ing ka ting, na kengbawm haw chuh sumeng guolin siem ding ka hi ngâla: chun, chi tamtak te chuh khen nêl in na tin, pawngbawlna zieka hauhsakna a neih teu cheng chuh khawvel pumpi Lalpa a ding in lân thiengtho in la.

MIKA 7:12

Zie ni chuleh Asuria apat Aigupta tiengin, Aigupta apat Euphrates luipi tiengin, tuipi leh tuipi kikal apat te leh tâng leh tâng kikal haw achun na kawmah hung khawm un au.

SAM LEHKHABU THE PSALMS 97:1

Lalpa chuh lal in a chu a, lei hi lawp takin um hen la; Tui in a kuolkhum sunga gam tamtak haw chu kipâk takin um u hen.

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

ISAI 66:12

Lalpa chun hiti hin a ti ngâla, “Ngaitie, chamna chuh luipi bangin luon sak ing ka ting, Jentel te hauhsakna chuh luicha a kuong dim zuoh zuoh bangin luong lut ta’n tin, tichun, zie chuh sen un na tin uh, a nungzang ah naupuok in hun puo’n tin, a pheichung achun kichawm kichawm inla.