ISAI 60:5 - PATHIEN LEKHABU THIENGTHO (BSI)

⁵ Zie chuh mu’n na tin, kipâk in dim in na tin; na lungthim chuh kipâk in kithing in la. Namte hauhsakna chuh na kawmah puok in um in tin; Tuipi apat a hauhsaknate chuh na kawmah hungtung ina.

ISAI 60:5 ပူးပေါင်းရင်းမြစ်များ

ISAI 61:6

Nang haw vang chuh, Lalpa thiempute tih hung hiu in na tin uh, mite chun Pathien nasemte hun ti ding ahiu hi. Namte hauhsakna chuh chen un na tin uh, a hauhsak nau chuh na lopinau hi ding ahi.

ISAI 23:18

A sum muhdawk leh a lawhte chuh Lalpa kienga piek thiengtho hi’n a; a lawk chuh khawlkhawm ahim, kawihkhâwm ahim hi diek puo’n a; a sum muhdawk chuh Lalpa masanga chêngte a ding ahi a, nieng taka a nek ding u leh, silhlechen hawih tak a neih theihna ding u a mat hi’n a.

NASEPTE 11:17

Khutichun, Lalpa Isu Krista I ginchak phat u a, Pathien in thilthawnpiek ei uh ei piek guol khah, a kawm u a a piek nung in, kei hi, Pathien niel ding guol ka hi a ahim?” a ti a.

NASEPTE 10:45

Chun, zektan haw laka gingchate, Peter hun zuite chun, Thagau Thiengtho piek chuh, Jentel te chung ale sunthak ahih ziekin mak a sa ten u a.

1 SAMUEL 2:1

Chun, Hannah chu a paucham a: “Lalpa chungah ka lunggil a kipâk mah mah a, Ka ki chu Lalpa ah chawihsân in a um a; Ka melmate chungah ka kam suklet in a um a, Na hukdamna a chu ka kipah mah mah ziekin.

ROME 15:26

Makedonia leh Akaia gama sapchuom umte chun, lungkim takin Jerusalem khuo a mi thiengthote laka chagahte dingin sum tuok khawm pha a sau a.

ROME 11:25

Suohpihte, zie thuguk hi na hetloh uh ka deih puoi; khutilochun, kichitsak kha’n lau. Jentel te bukimna a hungtun ma’n, Israel mi khenkhatte chung achun châtvaihna a hungtung tadih ahi, tih hi.

NASEPTE 24:17

“Chun, kum bang ahim ti sung, Jerusalem apat ka um mang nung in, taka ka chipihte kawma chuh thilpiek ding laa, kithawihna lân dingin ka chieh ta a.

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

JEREMIA 33:9

Tichun, zie khawpi hi lei a mi chengcheng, amau a dinga thilpha ka bawl mu chengcheng te masang achun kei a dingin, lawpna te, limbawlna te, lopina te hi’n tin; phatna leh muonna a chung u a ka tunsak haw cheng ziekin lau in kilîng un au.”

ISAI 60:11

Na kawtkhakteu chuh hawnsa’n um zing intin, sun leh zan in kikhak ta puo’n a. Tichun, lengte leh namte chun a hauhsaknau hun puo lut un au; mite chun namtin sum chuh na kawma ahun chawih u a, a lengteu le ahun puih theih na dingun.

ISAI 54:2

Na puon-In mun chuh keklien inla, na umna puon zak te chuh zak palh in, kilen ki’n la, a henna khaute chuh hih sau inla; a khuomte chuh sudet in.

SAM LEHKHABU THE PSALMS 34:5

A mah ente chuh a mel uh a hung vak a: A mel u chuh bangmah tikin zakcha puo’n au.

THUPHUON 21:26

Namtin lopina leh, hauhsakna chuh khawpi sung achun la lut un au.

2 KORINTH 10:15

Ka sepna khel u a, mi dang nasepte chuh ka kisuonpih puou a, khutih malak in, Pathien in ei piekna sunga, na taksannau chuh a hung pun zawkna dingin, nasa zaw sema na lak uh a sep ka kinep zawk uh ahi.

THUPHUON 21:24

Namtin, a vak achun leng un tin uh, leia lengte chun a lopinau la lut un au.

DAN NIHNA 33:19

Tang achun chitin namtin sam khawm intin un, Zie chun felna kithawihna pie’n au; tuipi a hauhsakna haw chuh chen ding ahi ngâl u a, Pilnêl laka go kisel haw tawh,” a ti a.

SAM LEHKHABU THE PSALMS 119:32

Na thupiek lama chun tai ing ka ting, Ka lunggil hi na hihlet tak chuleh.

ISAI 66:12

Lalpa chun hiti hin a ti ngâla, “Ngaitie, chamna chuh luipi bangin luon sak ing ka ting, Jentel te hauhsakna chuh luicha a kuong dim zuoh zuoh bangin luong lut ta’n tin, tichun, zie chuh sen un na tin uh, a nungzang ah naupuok in hun puo’n tin, a pheichung achun kichawm kichawm inla.

MATTHAI 25:16

Tichun, talent nga vawppa chuh zie chun a kivei pai zieng a; talent nga mah a vei dawk a.