ISAI 60:4 - PATHIEN LEKHABU THIENGTHO (BSI)

⁴ Khawdak in la, en kimvel in! Na mite chuh a chiehkhawm u a, na kawmah a hung ui! Na chapate chuh gamla tak apat in hung un tin; Na chanute chuh nau dawnte chun hun pawm un au.

ISAI 60:4 ပူးပေါင်းရင်းမြစ်များ

ISAI 42:6

Tichun, kei Lalpa chuh ka hi a, diktatna’n ka hun sama, thilhih theihna ka hun pie a; na khut in hun tu’ng ka ting, hun vengbit ing ka ting; Mite thuthun ding leh Jentel te salhvak dinga ka hun guot ahi.

ISAI 49:18

Dâk dawk inla, en kimvel in, Na mite chuh kikhawm khawm in, In lam a hun zuon tau hi; Lalpa chun, ka hinna sâlin ka gen hi, amau chuh sana kicheina banga namat dinguh ahi a; monu sana a kivan banga kivanna a na mat dinguh ahi, a tii, ti’n.

ISAI 43:6

Mâllam kawm achun, ‘Thahdawk un,’ ti’ng ka ting; sim lam kawm achun, ‘Hên ta kiu,’ ti’ng ka; Ka chapa chuh gamla tak apat in hun pui inla, ka chanute chuh kâwlmawng tâwp apat chun hun pui un, ti’ng ka.

NASEPTE 13:44

Chun, a zing kit chun, a khawzang un, Pathien thu ngaitha dingin a hung kikhawm u a.

JOHAN 4:35

Nang haw’n buh âtna ding tha li a um nalai hi, na tiu hilo maw? Ngaiun, ka hilh na hiu hi, khawdak unla, lo haw hi en un, tu apat hin lak dingin a âng ei tai.

MATTHAI 8:11

Ka hun hilh na hiu hi, suohlam leh tumlam apat in mi tamtak hung untin, van gama guolvakna achun Abraham te, Isak te leh Jakob te chu tawh chu khawm un au.

ISAI 11:12

Chun, nam tina dingin melchikna tâk dawk intin, Israel nawhdawka um haw chuh puikhawm intin; Juda tai zakte chule kâwlmawng li apat chun puikhawm ina.

ISAI 49:12

Entie, ka mite chuh gamla tak apat in hung untin; mâllam leh thanglam apatte leh, simlam a Sinim gam apatte’n hung ding ahiu ui,” ti’n.

ISAI 66:20

Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

JEREMIA 30:10

“Zieziekchun, aw ka suok Jakob, lau hiel ki’n, aw Israel mipite haw, tiza hiel kiu in, Lalpa’n a tii. Ngaiin, gamla tak apat in hun hukdawk ing ka ting, na suonlepak teu chuh a saltannau apat, Jakob ngêi chuh vaikit intin, kichawldam ta’n tin, kuoma’n sulau kit ta puo’n au.

AMOS 9:14

Chun, ka mi Israel te chuh sal apat puidawk ka ting; khuo hawmsa chuh siempha kit un tin; luoh un tin, tichun, grep huon siem un tin, uain chuh dâwn un tin, huonte le siem un tin, a gah chuh ne ta’n au.

MIKA 7:12

Zie ni chuleh Asuria apat Aigupta tiengin, Aigupta apat Euphrates luipi tiengin, tuipi leh tuipi kikal apat te leh tâng leh tâng kikal haw achun na kawmah hung khawm un au.

HAGGAI 2:7

Namtin te chuh paih tha’ng ka ting, a hauhsakna teu chuh zie tak a hin puok lut in um intin, tichun, zie In hi lopi na’n su dim ing ka, Sepaih hawnte Lalpa chun a tii.

ISAI 14:2

Chun, namtin chun amau haw panpih untin, a mun ding u chuh tun un au; tichun, Israel inkawte chun Lalpa piekna gam achun namtin chuh suokpate leh suoknute’n hun nei un au. Amau haw suok a neite chuh suok in hun man un tin, amau haw bawlsiete chung achun vai hun hawm un au.

ISAI 49:17

“Na gam âwng leh luoh loh a umte, mat loh a umte chuh na chênna dingun neu taluo ta ding ahi. Nanguh hun valh zote kha gamla taka um ta ding ahih ziekun.