ISAI 60:2 - PATHIEN LEKHABU THIENGTHO (BSI)

² Ngaitie, lei chung hi thim in khuh intin; thim sah tak chun mipite chuh khuh ding ahi a; himahleh, Lalpa chuh na chungah vak intin; A lopina vak chun hun salh ding ahi.

ISAI 60:2 ပူးပေါင်းရင်းမြစ်များ

KOLOSSA 1:13

Amah chun khuothim thilhih theihna apat chun ei hukdawk a, a Chapa deihtak gam ah ei puilut ta a;

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

2 KORINTH 3:18

Khutichun, eihaw vang chuh, mai khuh loh in, I bawn un lim-et banga Lalpa lopina a salhvak a um in; zie lopina mah, Lalpa apat a hung, Thagau mawng chun, lopina apat lopi sawn in, amah kibatpih a suklamdan in I um uh ahi.

NASEPTE 17:23

Ka khawlai vak kawma na pathien chibainau munte ka et lai in, maichâm khat, a chunga, ‘Hetloh Pathien a ding,’ ti a zik ka mu dawk a. Khutichun, he lo a na chibai sek u khah, zie mawng chuh ka hun hilh na hiu hi.

NASEPTE 14:16

Amah chun, malai in, namtin, amau lampi chiet hawh a phalsak seka;

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

EZEKIEL 10:4

Ziephet chun, Lalpa lopina chuh Cherub te apat chun a chieh to a, Ho-In lutna chung a chun a va ding ta a, chun, In chuh mei in a dim ta a, chun, Lalpa lopina vak chun huongsung chuh a dim ta a.

KISIMNA 16:19

Kora chun mipi chengcheng chuh a samkhawm a, puon-In lutna kawtkhak maia Mosi masang achun a va ding tau a. Thakhat in mipite kawm achun Lalpa lopi na vak chuh ahung kilang ta a,

THIEMPUDANTE 9:23

Chun, Mosi leh Aron chuh kikhawp khâwmna puon-In achun a va lut u a, a hung pawt kit u a; mipite chuh a vangsak a; tichun, Lalpa lopina chuh mi chengcheng chung achun a hung kilang ta a.

JOHAN 1:1

A tûngin Thu a um a, Thu chuh Pathien kawmah a um, Thu chuh Pathien ahi.

MATTHAI 23:19

Nang haw mitdûkte haw, thilpiek hih thiengtho pên maichâm leh, thilpiek chuh a hâwi hi a lopi zaw?

MATTHAI 15:14

Amau haw chuh limsak kiu in, mitdûk lamkai ahiu hi. Zieziekchun, mitdûk in mitdûk mah a puih chun kawkhûk ah kie khawm un au.” ti’n a dâwng a.

JEREMIA 13:16

Lalpa na Pathien u chuh limbawl unla, thim a hun tunsak ma a mielzul a tâng chung haw a na keng uh na suih mau hin, vak na kinep lai tak un thim a hung tunsak a, thim sah tak mai chuh siem ding ahi.

SAM LEHKHABU THE PSALMS 80:1

Aw Israel chingpa, Belam hawn banga Joseph puipa, ana ngaiin; Nang Cherub te chunga chu pa chun hung salhvak in.

1 LENGTE 8:11

Khutichun, thiempute chu meipi ziek chun nasem in a ding thei ta puou a, Lalpa In chu Lalpa lopina’n a luoh dim ta ngâl a.

MATTHAI 23:24

Nang haw lamkai mitdûk, thosi thit ngim a, sangawngsau valh zawte haw!

SAM LEHKHABU THE PSALMS 102:16

Lalpa chun Zion chuh a tungdawk kit ding ahi ngâl a, A lopina a kivan in ahung kilang tai.

ISAI 2:5

Aw Jakob suonte haw, hung un la, Lalpa vak achun leng hitiu.

ISAI 4:5

Tichun, Lalpa’n, Zion tâng leh a kikhawmte chung achun, sun in meikhu, zan leh meikuong vak sawl sak ina, Pathien lopina chun khawpi sung chengcheng chuh khuh in vengbit ding ahi ngâl a.

ISAI 58:10

Gilkielte a dinga na kiphal a, tasamte na suktai chun, na kimvela thimnate chuh sunlai bangin vak intin; na thim melmul na chuh sun tawbang hita’n a.

ISAI 66:11

Tichun, lungmuonna nawitui chuh na chep u a, na lung-awih theihna dingun; chun, a lopina kiting tak chuh kipâk taka dangno keuh keuh a na dâwn theih na dingun.

ISAI 8:22

Chun, leituol en untin, lungkhamna leh thimna, lungngai a nguina chuh hi’n tin, tichun, thim sah tak lak ah nawhmang in um in au.

ISAI 58:8

“Zie tieng chuleh, na vak chuh zing nino suok bangin hung vak dawk intin, chun, na sukdam na chuh kin takin hung kilang intin. Nang hun hukdam dingin hun umpih zing ka ting, Lalpa lopina chun na masang ah hun veng zing ina.

ISAI 62:1

A diktatna chuh vak banga a pawt a, a hukdamna chuh thaumei banga a vak dawk masieh chuh, Zion ziekin thip hiet hiet puo’ng ka ting; Jerusalem ziekin um hiet hiet thei puo’ng ka.