ISAI 60:1 - PATHIEN LEKHABU THIENGTHO (BSI)

¹ Tho inla, salh vak in; na vak chuh a hungtung ta a, Lalpa lopina chun a hun salhvak ta ngâla.

ISAI 60:1 ပူးပေါင်းရင်းမြစ်များ

EPHESI 5:14

thil khawvak a suklata um ta chuh, vak a hi sek hi. Zieziekchun ahi, “Nang ipmu, hak inla, mithi lak apat tho in; Tichun, Krista chun hun salhvak ina,” ti a gena a um khah.

EPHESI 5:8

Ma khan khawthim na hiu a, tuhin vang chuh Lalpa achun khawvak na hung hi tau hi. Khutichun, khawvak chate banga na um dinguh ahi;

JOHAN 8:12

Chun, Isu’n Pharisaite kawmah thu a gen kit a, “Kei khawvel salh vak chuh ka hii; kuole, ei zui chuh thim lak ah leng puo’n tin, hinna vak nei zaw’na,” a ti a.

ISAI 58:8

“Zie tieng chuleh, na vak chuh zing nino suok bangin hung vak dawk intin, chun, na sukdam na chuh kin takin hung kilang intin. Nang hun hukdam dingin hun umpih zing ka ting, Lalpa lopina chun na masang ah hun veng zing ina.

JOHAN 12:46

Kei hi khawvel salhvak dinga hung ka hi, kuole ei gingcha ta chuh thima a um zing lohna dingun.

MATTHAI 5:16

Zie tawbang chun na vak u chuh mi mitmuh in vak hen; khutichun, na nasep phat teu chuh muu untin, na Pau van a um chuh pakcha thei un au.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

JOHAN 1:9

Zie chuh vak diktak khawvela hunga, mitin salh vak chuh ahi.

THUPHUON 22:5

Zie tak achun zan um ta puo’n tin, thaumei vak leh nisa ngai ta puo’n tin uh; Lalpa Pathien chun amau salhvak ding ahi ngâla; tichun, kumkhuotuong in vaihawm ta’n au.

1 PETER 4:14

Krista min zieka hosiet na hih uh chun, na hamphau hi, zie chuh lopina Thagau, Pathien Thagau ngêi chuh na chungu ah a um hi tihna a hi ngâl a.

PHILIPPI 2:15

thil bang cheng chuh phunchiek lo leh nielkalh lo in hih un. Amau haw kawma hinna thu na piek sawn lai u chun.

THUPHUON 21:23

Zie khawpi chun, a salhvak dingin nisa a ngai puoh a, tha le a ngai diek puoi; Pathien lopina chun a salhvak a, a thaumei uh chuh Belamno ahi ngâl a.

MATTHAI 4:16

Thim nuoia chute chun vak lopitak a muu a; Thihna mun leh a lîma chute chunga chun vak a hung pawt tai!” ti a a gen kha a hung tun theihna dingin ahi.

ISAI 9:2

Thim nuoia chute chun vak lopitak a muu a. Thihna thim sah tak nuoia chêngte chunga chun vak lopitak a hung êng tai.

JOHAN 3:19

Ziehi mawhna chuh a hii: Vak van nuoi ah a hung a, himahlele, mite’n vak sangin thim a deih zawu, a thilhih hawu a gitloh ziekin.

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

THUPHUON 21:11

Pathien lopina a vak hi ei etsak a. A vak zie chuh, khisuong mantam pên Jasper suong tawbang, krustal suong banga val hi ahi.

SAM LEHKHABU THE PSALMS 87:3

Aw Pathien khawpi, Na chungthu lopi takin a gen sek ui. Selah

SAM LEHKHABU THE PSALMS 102:16

Lalpa chun Zion chuh a tungdawk kit ding ahi ngâl a, A lopina a kivan in ahung kilang tai.

ISAI 2:5

Aw Jakob suonte haw, hung un la, Lalpa vak achun leng hitiu.

ISAI 4:5

Tichun, Lalpa’n, Zion tâng leh a kikhawmte chung achun, sun in meikhu, zan leh meikuong vak sawl sak ina, Pathien lopina chun khawpi sung chengcheng chuh khuh in vengbit ding ahi ngâl a.

ISAI 24:23

Zie tieng chuleh, tha chuh hung thim intin, nisa le vak diek ta puo’n a, Sepaihte Lalpa chuh Zion tâng leh Jerusalem achun leng a um ding ahi ngâla; tichun, a upate masang a chun a lopina latsak ding ahi ngâla.

ISAI 28:5

Zie ni chun, a mipi ana umsunte ding chun Sepaihte Lalpa chuh, lopina lallukhuk bang leh hawihna lukhuk tawbang hi’n a.

ISAI 35:2

Paklun thieithuoi un tin, kipâk taka lasa’n lawp ina; Lebanon tângte banga hawih leh Karmel leh Sharon phai banga lei pha hi ta’n a. Mitin in Lalpa lopi na chuh muu untin, a lopina leh a thilhih theihna chuh mu ta’n au.

ISAI 42:6

Tichun, kei Lalpa chuh ka hi a, diktatna’n ka hun sama, thilhih theihna ka hun pie a; na khut in hun tu’ng ka ting, hun vengbit ing ka ting; Mite thuthun ding leh Jentel te salhvak dinga ka hun guot ahi.

ISAI 66:11

Tichun, lungmuonna nawitui chuh na chep u a, na lung-awih theihna dingun; chun, a lopina kiting tak chuh kipâk taka dangno keuh keuh a na dâwn theih na dingun.

ISAI 62:1

A diktatna chuh vak banga a pawt a, a hukdamna chuh thaumei banga a vak dawk masieh chuh, Zion ziekin thip hiet hiet puo’ng ka ting; Jerusalem ziekin um hiet hiet thei puo’ng ka.

ISAI 62:2

Tichun, namtin in na diktatna chuh mu’n tin uh, leng chengcheng inle na lopina chuh mu’n au. Tichun, min thak Lalpa kam in a sak ding ngêi chun sap in um ta’n la.

EZEKIEL 43:4

Tichun, Lalpa lopina chuh suohlam panga kawtkhak hawh in Ho-In sung achun a hunglut a.