ISAI 6:7 - PATHIEN LEKHABU THIENGTHO (BSI)

⁷ Chun, Seraf chun zie mei-âm chun ka mûk a hun dep a, ka kawmah “Ngaitie, zie hin na mûk a sukha tai, tichun na manlohna lâkmang ahi ta a, na gitlohna le ngaihdam ahi tai,” a hun ti a.

ISAI 6:7 ပူးပေါင်းရင်းမြစ်များ

JEREMIA 1:9

Tichun, Lalpa chun a khut in ei hun bana, ka kam a khawih a, chun Lalpa chun ka kawmah; “Ngaitie, na kam ah ka thu haw chuh ka kawih tai.

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

ISAI 43:25

Kei, keimah ngêi hi ka hi ka min zieka na bawhsietna teu hun thaimang sak pa chuh ka hi; Na gitlohna teu chuh hezing ta puo’ng ka.

DANIEL 10:16

Chun, ngaitie, mi khat, mihing chapate mel tawbang pu hin ka mûk ahun khawih a; tichun, ka kam ka ka ta a, ka ma a hung ding pa kawm achun, “Hepu, Kilâkna ka muh te ziek chun ka lungkhamna te chun ei delhphah a, tha himhim ka nei puoh a.

MATTHAI 9:2

Chun, ngaitie, zeng khat, zâlkhun a kuol san a kawmah a hun zawn u a, Isu’n a taksan zieu a muh in zeng kawm achun, “Ka cha, lungmuong takin um ah, na gitlohna ngaihdam ahi tai,” a ti a.

ISAI 53:10

Himahlele, zêp thidup a a um chuh Lalpa phasak lam ahi a, suknat in a um ta ngeia, a hinna chuh gitloh ngaihdamna dinga kithawihna ahi ngâl a, a mah chite chuh hun mu’n tin; a nite chuh suksau sak in tin, tichun, Lalpa deihlam chuh amah achun sukbukim in um ina.

ISAI 53:5

Himahleh, amah chuh I bawhsietna teu zieka sukliem a um in; I mantheihlohna teu ziekin zêp thidup in a um a. I thamuonna ding un zêpna mawlh chuh a chungah a chu a; a liemna pawn haw a chuh sukdam a um I hi tau hi.

KISIMNA 16:46

Chun, Mosi’n Aron kawmah, “Na mei lâkna chawi inla, maichâm a pata mei a sung ah kawih inla; mei-âm chungah kawih in. Mipite kawmah chiehpih vak in, a mau a dingin sukthienthona siem in: Lalpa kawm a pat in lungnatna a hung pawt ahi; hi a lengpan ahi tai,” a ti a.

ISAI 40:2

Jerusalem kawmah thamuonna thu gen unla, a kidonau chuh a kichai ta ngâl a, a gitlohnau chule ngaihdam ahi tai, a thil hihkhelh teu cheng ziekin gawtna bukim in ka gawt ta ngâl a,” ti’n.

ISAI 53:6

I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

ISAI 57:19

Thamuonna, Thamuonna, mun gamla leh naia umte kawma achun thamuonna um hen; amau chuh sudam ing ka, Lalpa’n a tii.

ZEPHANIA 3:9

“Zie ni chuleh mite chuh pau thiengtho pie’ng ka ting, lungthim munkhat pu a, Lalpa min a sap uh a, a na a sep vek theih na dingun.

ZEKARIA 3:4

Chun, a masanga dingte chuh vânsâwlchâk chun a vak hopih a, “A silhlechen ni’n chuh suoh sak un,” ti’n. Chun, amah kawm achun, na manlohnate chuh ka hun sukmang sak ta a, tuhin, silhlechen thak takin hun van ing ka, a ti a.