ISAI 6:6 - PATHIEN LEKHABU THIENGTHO (BSI)

⁶ Khutichun, maichâm apat chaicheh a mei-âm chawiin Seraf khat ka kawmah a hung leng a.

ISAI 6:6 ပူးပေါင်းရင်းမြစ်များ

EZEKIEL 10:2

Chun, amah chun patngatpuon silh pa kawm achun. Cherub nuoia kangtalai keng haw lak a khun va lut inla, Cherub te laka mei-âm khu na khutte nih dim in va ham inla, khawpi chungah thehzak in, a ti a. Chun, ka et zing lai ngêi chun a chieh ta a.

HEBRAI 13:10

Thiempu, Judate Pathien hona muna zenviel nasemte chun, eihaw maichâm a kithawihna kilânhaw chuh a nek dinguh ahi puoi.

HEBRAI 1:7

Chun, Pathien in Vânsâwlchâkte chungchâng thu achun ziehi a gen ahi: “Amah chun a Vânsâwlchâkte chuh huih a suoh sak sek a, A zenvielte le Meikuong a suoh sak sek hi,” tih hi.

ISAI 6:2

Chun, a kawma chun Seraf te a ding u a, tha gup a nei chiet u a; a tha nih u chun a mai uh a khuh a, a tha nih un a kêngpêk uh a khuh u a; nih chun a leng u a.

THIEMPUDANTE 16:12

Chun, Lalpa ma a maichâm apat meilakna mei-âm a dim la’n tin, gimlim kigawinel khutdim nih tawh Mun thiengtho a chuh a lutpih ding ahi.

HEBRAI 1:14

Amau haw chuh thagau, Pathien nasem leh, hukdamna goluoh dinga a sawl dawkte chuh ahiu hi.

NASEPTE 2:3

Chun, lei haw chuh mei guola kihawm zak in, a chungu ah a chu ta a.

MATTHAI 3:11

Ken chuh na lunghei ui tih suklatna’n tui in ka hun baptist sek a, ka nunga hung ding pa hin chuh Thagau thiengtho leh mei in hun baptist ding ahi. Kei sangin a lopi zaw a, a kengtawbek khau phel hâwi le ka hi puoi.

KISIMNA 16:46

Chun, Mosi’n Aron kawmah, “Na mei lâkna chawi inla, maichâm a pata mei a sung ah kawih inla; mei-âm chungah kawih in. Mipite kawmah chiehpih vak in, a mau a dingin sukthienthona siem in: Lalpa kawm a pat in lungnatna a hung pawt ahi; hi a lengpan ahi tai,” a ti a.

PAWTDAWKNA 25:38

Zie a mat ding chun chaicheh te leh meivam kawihnate chuh sana thieng a siem ding ahi.

JEREMIA 1:9

Tichun, Lalpa chun a khut in ei hun bana, ka kam a khawih a, chun Lalpa chun ka kawmah; “Ngaitie, na kam ah ka thu haw chuh ka kawih tai.