ISAI 6:3 - PATHIEN LEKHABU THIENGTHO (BSI)

³ Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

ISAI 6:3 ပူးပေါင်းရင်းမြစ်များ

SAM LEHKHABU THE PSALMS 72:19

Amin lopi tak chu kumlekhuo’n pahchak in um henla, Lei chung pumpi hi a lopina’n luoh suok hen. Amen, Amen.

EZRA 3:11

“Amah chuh a pha ngâla, a zahngaihna chuh Israel mite chungah kumlekhuo a um ding ahi,” ti a Lalpa pakcha leh, a kawma kipâk thugen in, ngeih tak in a kiko u a; Lalpa in suongphum a phum tâk ziekun Lalpa a pakchau a; mipite chuh ngeih tak in a kiko chiet u a.

KISIMNA 14:21

Ahih ziekin, ka hin zing bang leh Lalpa lopi na’n lei a luoh dim bang hin, thu ka tiem hi,

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

ZEKARIA 14:9

Khutichun, Lalpa chuh lei chung pumpi a Lal hung hi ta’n tin; zie ni chuleh mitin in Pathien khat ho un tin, tichun, Min khat chauh a het in um ta’n a.

ISAI 40:5

Tichun, Lalpa lopina chuh suklat hi’n tin, mi chengcheng in zie chuh mu chiet un au; Lalpa kam ngêi in zie chuh a gen ta ngâl a,” a ti a.

ISAI 24:16

Kâwlmawng tâwp apat chun, DIKTATNA PATHIEN pahchakna la chuh zak in a um a. Himahlele, kei dingin kinepna a um diek puoi! Ka gawng deuh deuh a! Mi themte chun ei thêm zing u a, a chalaknau chuh a nasa deuh deuh ngâl a.

SAM LEHKHABU THE PSALMS 57:11

Aw Pathien, nang chuh van khûp hiel khun chawih-at in na um inla: Na lopina chun leichung chengcheng hi luoh suok hen.

EPHESI 1:18

Na lungthim mit hawu sukvaka a hung um a, amah sapna kinepna haw, a mite kawma a tiem, go luoh ding lopi hauh zie haw, leh

HABAKKUK 2:14

Himahleh, tuipi a tui a dim bangin, Lalpa lopi zie hetna chun leichung hi luoh dim vek ding ahi.

SAM LEHKHABU THE PSALMS 90:16

Na nasep chuh na sawntawlawi haw kawmah kilang hen la, Na lopina thilhih theihna chuh a chateu kawmah lang hen.

SAM LEHKHABU THE PSALMS 97:6

Van haw khun a diktat na chuh a thangko pih sek a, Mitin cheng chun a lopi zie chuh a mu tau a.

SAM LEHKHABU THE PSALMS 99:3

Amau chun na min lopi tak leh lauh-um tak pakchau hen; Amah chuh a thiengtho ngâla.

ISAI 54:5

Nang hun Siempa chuh na pasal hi’n tin; A min chuh Bangakai hihthei Lalpa ahi ngâl a! Israel Pathien Thiengtho chuh na Hukdampa ahi, Amah chuh khawvel pumpi Pathien ahi ngâl a.

EZEKIEL 43:2

tichun, ngaitie, Israel Pathien lopina, suohlam apat a hungtung chuh ka mu a: a thawm chuh tui tamtak gi tawbang ahi a, lei chuh a lopina’n a salhvak ta a!

EZEKIEL 44:4

Tichun, amah chun mâllam pang kawtkhak achun ei puilut kit a. Ka vak et leh, ngaitie, Lalpa Ho-In chuh Lalpa umna vak lopitak chun a dim ta a. Tichun, bawkkhup in tuol ah ka puk ta a.

SAM LEHKHABU THE PSALMS 8:2

Melma leh phuba la nuom haw hih daihna dingin, Nangmah hun do haw ziekin, Nausen te leh nawichep laite kama pawt chun hatna na hih det a.

SAM LEHKHABU THE PSALMS 66:2

Amin lopi zie chuh la’n sa dawk unla; Amah chuh lopi takin pahchakna pieu in.

SAM LEHKHABU THE PSALMS 99:9

Lalpa I Pathien u chuh pakchau unla, A tâng thiengtho a chun ho un: Lalpa I Pathien u chuh a thiengtho ngâla.