ISAI 6:12 - PATHIEN LEKHABU THIENGTHO (BSI)

¹² Lalpa’n mite chuh gamla taka a chawnmanga, gamsung a mun haw hi tamtak nutsieh a a hung um macheng in.

ISAI 6:12 ပူးပေါင်းရင်းမြစ်များ

JEREMIA 4:29

Sakawl chunga chu te husa leh thal chawite thawm chun khawpi a mite chuh taisieu untin; gammâng ah tailut untin, suongpi chung haw ah kal un tin; khawpi cheng chuh taihsan untin uh, a sung ah kuomah cheng puo’n au.

DAN NIHNA 28:64

“Chun, Lalpa chun kâwlmawng langkhat apat a kâwlmawng lehlam chanin namtin lak ah hun thehzak intin, zie chun nang u leh na pileputeu in le na hêtkhâk loh uh thing leh suong pathien dang haw na va sem inlau.

SUNNA LA 5:20

Bang zieka kumkhuo a ei hengilh a, Tuhun sung cheng hi bang zieka nei hetngilh ahi?

JEREMIA 15:4

Juda leng Hezekia chapa Manasseh in Jerusalem a a thilbawl ziekin leichung a lalgam haw lak ah nung leh ma ah nawh viel viel ing ka.

JEREMIA 12:7

Ka in hun taihsan in, ka goluoh ding ka taihsan tai. Ka hinna’n a ngaih tak chuh, a melmate khut ah ka pie tai.

ISAI 26:15

Himahleh, Aw Lalpa, namte chuh na supung a, ka namteu chuh na supung ta a, nang chuh lopina piek in na um ta a, gamgite cheng chuh na keklien ta a.

2 LENGTE 25:21

Zie tak achun leng chun a zêp diek a, a that ta a. Khutichun, Judate chu, a gamsung uh apat, sala puih dawkin a hung um tau hi.

2 LENGTE 25:11

Chun, khawpi sunga nutsieh a umte leh Babulon leng kawma kipie te leh mipi um nalaite chu miveng lawiupa Nebuzaradan chun Babulon ah a pui veka.

ROME 11:15

Amau haw paihthak na chuh, mihingte leh Pathien kicham kitna ahih chun, amau haw lawp kitna ding chuh, thihna apat hin kitna lo chuh banga hi ding?

ISAI 5:9

Sepaihte haw Lalpa chun ka zak ah hiti hin a ti: “In tamtak lien tak takte, hawihtak takte chuh a luoh ding um lo a hung sie ngêi ngêi ding ahi.

ISAI 13:12

A suokcha sunte chuh sana thieng sanga muh haksa zaw’n siem ing ka ting, mihingte chuh ophir sana thieng sanga le haksa zaw’n siem ing ka.

JEREMIA 52:27

Chun, Babulon leng pa chun Hamata gama Riblah achun amau haw chuh a sawi a; a that ta a. Khutichun, Juda nam chuh amau gam apat in sala puihmang ahi tau hi.

ZEPHANIA 1:3

Mihing leh ganhingte chuh sumangthai ing ka ting, vanthamzawl a vachate leh tuipi a ngate le sumangthai vek ing ka ting. Minunsie te puksietna ding chuh hih ding ka hi. Mihing chengcheng chuh sumangthai ing ka, Lalpa’n a tii.