ISAI 6:11 - PATHIEN LEKHABU THIENGTHO (BSI)

¹¹ Tichun, ken a kawmah, “Bang chan ahi die Lalpa?” ka ti a. Amah chun ei dâwng a, “Khawpite hi mihing umlo hiela a hung hawma, Inte hi a cheng ding umlo khawpa, gam pumpi suksiet dimdem a a um a, a hawma nutsieh ahih ma cheng.

ISAI 6:11 ပူးပေါင်းရင်းမြစ်များ

ISAI 1:7

Na gam u chuh a hawm zo ta a; na khawpiteu chuh mei in a katum zo a, na mit muh ngêi un na gam u chuh gamdang mite’n a la zo u a, a hihsie zo tau hi.

SAM LEHKHABU THE PSALMS 94:3

Lalpa, minunsie te chun bang chana? Minunsie te chun bang chana a kichawihsang ding uh?

ISAI 3:26

A kulh kawtkhakteu achun a âwm uh kichup in kap untin; khawpi chuh hawmngawn a um in, leituol ah chu’n a.

SAM LEHKHABU THE PSALMS 90:13

Aw Lalpa, hung kihei inla; bang chan lungnat guo na him? Na sawntawlawi chung ahin na lainatna sulang in,

THIEMPUDANTE 26:31

Na khawpiteu chuh suhawm ing ka ting, na pathien hona mun teu hihsie’ng ka ting, na kithawihnateu chuh pawm ta puo’ng ka.

SAM LEHKHABU THE PSALMS 79:5

Aw Lalpa, bang chan ahi die na lungnat kumlekhuo ding? Bangti a na itthikna chu mei banga kuong ding ahim?

SAM LEHKHABU THE PSALMS 74:10

Aw Pathien, bang chana melma’n a hun gen siet ding? Melma chun na min hi kumlekhuo’n gensie ding ahi dem?

ISAI 3:8

A lopina mit tunsak dingin, a kamsuok u leh a thilhih u chuh Lalpa deihloh lam ahih ziekin Jerusalem chuh a sie zo a, Judate chuh a puk zo ta ngâl a.

ISAI 5:9

Sepaihte haw Lalpa chun ka zak ah hiti hin a ti: “In tamtak lien tak takte, hawihtak takte chuh a luoh ding um lo a hung sie ngêi ngêi ding ahi.

ISAI 13:12

A suokcha sunte chuh sana thieng sanga muh haksa zaw’n siem ing ka ting, mihingte chuh ophir sana thieng sanga le haksa zaw’n siem ing ka.

ISAI 32:14

Leng In chuh taihsan a um in, mipi a dim sek khawpi ngêi chu nutsieh ahi ta a, In lopi tak tak leh a gâlven bûkte chu gamsate chênna mun hung hi’n tin; gam sabiltung leh belam hawnte chuh muong takin ta ta’n au.

ISAI 35:1

Gamthip leh gamgaw gam thawmhau chuh kipâk intin; gamgaw gam chuh lâwpin phullak a pakcha guolin paklun un au.

ISAI 60:15

Khawpi nutsieh a um leh hawmngawn, kiheisan nung leh, muhdah um khawpi himahleh chin, lien tak leh lopi takin hun siem ing ka ting; kumlekhuo a kipah na mun in hun siem ing ka.

ISAI 64:10

Na khawpi thiengtho chuh gamgaw a suok ta a; Zion chuh gamgaw a suok ta a, Jerusalem chuh a hawm in a um tai!

JEREMIA 4:7

Gammâng kulung apat chun sakeibaknei a hung pawt hi, nam te susie ding chuh. Amun apat chuh a hung pawt ta a, a hung lai tak ahi. Na gam suhawm ding leh na khawpite luoh loh a kawih dingin.

JEREMIA 22:6

Lalpa chun Juda lengte inkuon chungchâng chuh hiti hin a gen a; Kei a dingin nang chuh Gilead tawbang leh Lebanon tângsip tawbang na hi. Himahlele gamgaw hun suoh sak ing ka ting, a luoh ding umlo tawbang hiel in hun siem ding ka hi.

JEREMIA 44:2

“Sepaihte Lalpa, Israel Pathien in hiti hin a tii: Jerusalem leh Juda khawpite chunga thil phalo ka hun tun sak haw cheng chuh na mu tau a; chun, ngaitiem u, tuhin a hawmngawn ahi ta a, kuomah a cheng ta puou hi, ti’n.

JEREMIA 52:27

Chun, Babulon leng pa chun Hamata gama Riblah achun amau haw chuh a sawi a; a that ta a. Khutichun, Juda nam chuh amau gam apat in sala puihmang ahi tau hi.

EZEKIEL 6:6

Na chênna mun chengcheng u a khawpi haw chuh suksiet hi’n tin, na milim hona mun sang hawu chuh sukchim in um in au; na maichâm hawu chuh suksiet leh sukchim ahih theihna ding leh na milim hawu chuh khet gawp ahih u a sukbeih ahih theihna dingun leh na gimlim maichâm hawu chuh satthâk ahih u a, na thil siemkawm hawu chengcheng chuh a manthai theihna dingin.

DANIEL 8:13

Ziephet chun, mi thiengtho te aw chuh ka za a, chun mi thiengtho dang kuo ahim in thu hun gen pa kawm achun, “Hâlmang thilpiek um zing sek te, bawhsietna suksiet a um mun thiengtho leh sepaih hawnte chuh tawhden dinga piek a hihna teu chungthu a kilâkna chuh bang chana sawt ahi die?” a ti a.

MIKA 2:4

Zie tawbang hun chuh a hungtun tieng leh, na chanchin u chuh mite’n sietna tehkalna’n mang un tin uh; na thil tuok chungchâng thuu achun zie la thasiet-um tak hi hun sa’nau: “Sukchimit in I um tau a! Lalpa’n I gam uh lamang in, Sala ei mante kawmah a pie tai!” ti’n.

MIKA 5:11

Na gam khawpite chuh sumangthai ka ting, na kulhte cheng chuh hihchim ing ka:

MIKA 6:13

Zieziekchun, ken le na taka liem in ka hun zêp ta a, na gitloh na teu ziekin ka hun sugam ta a!

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.

DAN NIHNA 28:62

Lalpa na Pathien thuu na zuih loh ziekun, van a aksi zah pha hielte kha tawmcha chauh hung hi ta’n lau.

DAN NIHNA 28:63

Na chungu a thilpha bawla hun sukpun hi Lalpa thalawp lam tak ahih guol mah khan na chungu a sietna tun sak a hun sukmangthai chuh Lalpa thalawp lam tak hung hi’n tin, luoh dinga na lutnau gam apat hin bawhdawk hung hin lau.

MIKA 7:13

Himahlele, lei chuh, a chunga mi nunsiete ziek chun a hawm a nutsieh a um ding ahi.