ISAI 6:10 - PATHIEN LEKHABU THIENGTHO (BSI)

¹⁰ Chun, ka kawmah, “Zie mite lunggil hi hih thim unla a bilteu sungawng unla, a mitteu sîn sak un; khutilochun, a mit un muu untin, a bil un zau untin, a lunggil un le heu untin, hung kihei kit untin, sukdam in um kha’n au,” a ti a.

ISAI 6:10 ပူးပေါင်းရင်းမြစ်များ

MATTHAI 13:15

Zie chite lunggil hi a na ngui zo ta a, A bil u le a na ngawng ta a, A mit uh a sing u a, Khutilochun, I mit un mui ting uh; I bil un zai ting un, I lunggil un he kit hi ting uh, Kihei kit hi ting un, Ama’n ei na sudam khan a ie!’ a tiu a, a tih kha.

NASEPTE 28:27

Aziek chuh, zie mite ngaihtuohna hi ana chavai ta a; A bilhawu le ana dawh puou a, A mit hawu le a sin ziekun. Khutilochun, a mit un muu un tin uh, A bil un za khau untin; A lunggil un hethiem khau untin uh, Tichun, kei lam ah hung kihei kit untin, Chun, ken a na hihdam kha’ng ka,’ a tii,” ti a a gen guol khan.

JEREMIA 5:21

Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

JEREMIA 6:10

A hettheih ding un kuo a ka hopih ding, kuo a ka sap ding? Ngaitie, bilvih loh ahiu a, a za thei puou a, Lalpa thu chuh amau dingin nuihzat um ahi a, kipahna himhim a nei ta puou hi.

ZEKARIA 7:11

“Himahleh, ka mite chun a ngaitha nuom puou a, a lochal u a a zak theih lohna dingun, a bil uh ahim u a.

ISAI 63:17

Aw Lalpa, bang zieka na lampi apat a petmang dinga ka lungthim uh na suktak a hi? Bang zieka nang hun lau lo dinga ka lungthim uh nei suktak sak ahi? Na suokte ziek leh na gochan namte ziekin hung kihei kitin.

ISAI 29:10

Lalpa chun, ihmut suokna thagau chuh na chunguh ah a sung tha a, na thiemgaute chuh mipite mit ahiu a, himahlele, nanguh thil mulawk theite, na mit uh ahun sukdûk sak ta a.

DAN NIHNA 2:30

Ahihziekin, Heshbon lengpa Sihon chun a gam chuh ei hawhsak nuom puoh a; Lalpa na Pathien un na khut u a a piek theihna dingin a lungthim chuh a sukkhauh saka, a suktak sak ta a, na hetsau guol ngêi in.

SAM LEHKHABU THE PSALMS 17:10

Amau haw chun lainatna a nei puou a, A kam un chapo takin a pau sek u a.

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

SAM LEHKHABU THE PSALMS 119:70

A lunggil u chu sathau bang in a thau a; Himahleh, kei vang na dân chungah ka kipâk sek hi.

PAWTDAWKNA 14:17

Chun, ngaitie, ken Aigupta mite lunggil chuh sukkhauh sak ing ka ting, tichun hun delhzui un au; chun, lengpa leh a sepaihte leh, a kangtalaite leh a sakawl chung chuong mite apat chun lopina chang ing ka.

PAWTDAWKNA 11:10

Chun, Mosi leh Aron chun Pharaoh masang achun zie thilmak chengcheng chuh a hih u a: chun, Lalpa’n Pharaoh lunggil chuh a sukkhauh sak a, tichun Israel chate chuh a gam apat chun a pawtdawk sak nuom puoh a.

PAWTDAWKNA 10:27

Himahlele, Lalpa’n Pharaoh lunggil chuh a sukkhauh sak a, tichun, a pawt sak phal ta puoh a.

2 KORINTH 2:16

Beimang dingte chun, thihna gu gim I na hiu a, hukdam dingte chun, hinna gimnam I hiu hi. Zie tawbang hi ding chun kuo a ting zo ding?

NASEPTE 3:19

Khutichun, na gitloh hawu ngaihdam a hih theihna dingin, lunghei unla, hung kihei kit un, khutichun, Lalpa kawm apat halh phat hungtung thei ina.

ISAI 19:22

Lalpa chun Aigupta te chuh zêp intin, himahleh, zie hun chuleh sudam ina. Tichun, Lalpa kawmah vaikit untin, amah chun amau haw ngetna chuh za’n tin, amau haw chuh sudam ina.

PAWTDAWKNA 7:3

Chun, Pharaoh lunggil chuh sukhauh ing ka ting, melchikna leh thilmak haw Aigupta gama ka hihsa’n le na thugen chuh ngaitha lo ding ahi.

JOHAN 12:40

“Pathien in a mit uh a hih dûk a, a lungthimteu a khâk sak a, Khutilochun a mit un mu khau un tin uh, A lunggil un he kha’n au, Tichun, hung kihei kit khau untin, Ken amau haw a na hihdam khang ka,” ti a a na gen ziek hin.

DAN NIHNA 29:4

Ahihziekin, tuni tieng hin Lalpa’n hetthiemna lungthimte, muh theihna mitte leh het theihna bilte a hun piek loh na hiu hi.

DAN NIHNA 31:20

A pileputeu kawma piek dinga kihâksiela ka tiem, bâwngnawi leh khuoizu luonna gam achun ka puih luta, ne leh cha a a um u a, a hung tai u a, a hung khawsak theih tiengu leh pathien dang haw lam hun nga’n tin un, a nau sem in tin un, ei musit intin un, ka thuthun haw bawhsie ding ahi ngâl u a.

SAM LEHKHABU THE PSALMS 69:23

A mit hawu chu a muh theih loh na dingun, hih thim in um hen; A kâwng u chu kilin sak zingin.

ISAI 29:14

Zieziekchun ngaitie, zie mite chunga hin thil lamdang leh mak tak hih ka ting, lungthawng leh thilmak tak mai chuh: tichun a michingteu chitna chu mangthai ta’n tin, a mipil teu hetna chuh bangmahlo suok ina,” ti’n.

ISAI 44:18

Zie tawbang mi chuh mingawl, a thilhih uh bang ahih helote ahiu ui. Thutak lam achun a mit u leh a lungthim teu a sudûk sek ui.

JEREMIA 17:9

“Lunggil hi thil chengcheng sanga thep hatpen, sie tâwp khawk a hi a; kuo a hethiem thei ding?

SUNNA LA 3:65

Amau chu lunggil lungkhamna pie’n la, chung uh ah na hansie tung hen.

ZEKARIA 11:15

Chun, Lalpa chun ka kawmah, “Belampu mattâk lo pa matchâk chuh va la kit zel tie” a ti a.

DAN NIHNA 29:3

Patepna nasatak haw, melchikna mak taktak leh thilmak thupi taktak na mit ngêi u a na muh hawu kha:

THUCHINGTE 16:30

Mit sik-ât chîng mi chun thil phalo ngaihtuoh a, a neh petchak kei a thugen chun thil phalo a gen dawk sek hi,

THUGENPA 3:3

Suklup hun a um a, sukdam hun a um, phiet hun a um a, sakkit hun a um a,

ISAI 28:13

Zieziekchun Lalpa’n, a mal mal leh a tien a tien in leh, a bung a bung a hun sinsak a guot tak chuh! Tichun, na kalsuon tin uh achun kisuipai un na tin, sukliem in um un na tin, mat in um un na tin uh, tichun, sala puih in um un lau.

ISAI 29:9

Ding zing unla, maksau un! kimuhmawh sak unla, mitdûk in um den un! a kham u a, himahlele, uain ziek ahi puoi; a lawn a lawn u a, mahleh, zu dâwn ziek ahi puoi.