ISAI 59:9 - PATHIEN LEKHABU THIENGTHO (BSI)

⁹ Zieziekchun, diktatna chuh ei uh apat in a gamla a, diktatna chuh I kawmuh ahung tung zo ta puoi; Vak I ngak u a, himahleh, thim ahung tung zaw ta a, chun, vak a um sangin thim lak ah I chieh zaw tau hi.

ISAI 59:9 ပူးပေါင်းရင်းမြစ်များ

ISAI 5:30

Zie ni chuleh tuisuohgiet gi hum hum bangin a chung u ah gi hum hum un au. Tichun, mi’n gam chuh a vak et u chun, thimna leh lungzînna ngenin dim intin, vak chule meipi’n lieh thim ina.

JOB LEHKHABU THE BOOK OF JOB 30:26

Himahleh, thilpha ka hawl a, thilsie a hungtung a, Vak ka ngak a, thimna a hung tung a.

1 THESSALONIKA 5:3

“Muonna leh bitna” ti a a gen lai tak uh leh, numei nauhanat bangin, phulo-halo in, manthaina a chungu ah hungtung intin; suokcha hiel puo’n au.

HABAKKUK 1:13

Na mit chuh thil gilo etna dingin a thiengtho taluo a, mi gilote thilhih chuh na en thei puoh ngâl a! Zie migilo thephatte chuh bangti’n a na thuok theih ding? Zieziekchun, amau haw sanga phazawte a sukmangthai lai u a chuh bang zieka thip hiet hiet na him?

MIKA 1:12

Maroth khuo a mite chun damna chuh ngaklah tak mai in a ngak u a, a ziek chuh Lalpa’n thil phalo chuh Jerusalem kawtkhak bul tieng nasana a tunsak tâk ziekin.

JEREMIA 14:19

Juda chuh na paih thak kei ahim? Zion chuh na hing muhdah ahi ta’m? Bang zieka sukdam na umlo hiela kei uh nei thawk sak ahim? Muonna ka hawl u a, mahleh phatna bangmah a hung tung puoi. Sukdam na ding hun le, ngaitie, lauhthawng na mai ahi.

JEREMIA 8:15

Muonna I hawl u a, mahleh thilpha bang mah a hung tung puoi, ngaitie sukdam na hun ding le lungkhamna mai ahi.

SAM LEHKHABU THE PSALMS 82:5

“Hetna leh hetthiemna a nei puou a; Thim laka achun a kivat a kivat ui; Lei kingakna chengcheng chu a kilîng tau a;

THUCHINGTE 4:19

Mi gilote lampi chuh thim sah tak tawbang ahi a, bang ahim a suih khak uh tih nasan le a he thei puou hi.

ISAI 8:21

Lungkham tak leh gilkiel kawmin zie gam chuh tawh viel untin, chun, hiti hi hi’n tin, a gil uh a kiel tieng a lung uh na mah mah untin; a lal u leh a Pathien u chuh hansie lawh zawk zawk un tin, van lam nga’n dâk uou uou un au.

ISAI 8:22

Chun, leituol en untin, lungkhamna leh thimna, lungngai a nguina chuh hi’n tin, tichun, thim sah tak lak ah nawhmang in um in au.

ISAI 59:8

Thamuonna lampi a he puou a, chun, a lampiu achun thudik a um puoi, A lampiteu chuh a kâwi in a siem u a, zie a chieh taphawt chuh kuomah a bit a um puou hi.

ISAI 59:11

I bawn un savawm guolin I ngîk ngum ngum u a, vakhu guolin I mau litlit u a. Dikna I ngak u a, himahleh, khat chale a um puoh a; hukdamna I ngak u a, himahleh, ei uh apat in gamla tak ah a um sek hi!

ISAI 59:14

Dikna chuh nawhmang in a um ta a, chun, diktatna chuh gamla tak ah a ding ta a; Mipite lak achun thudik chuh a kipawl pal ta a, ginumna chun mun himhim a nei ta puoi.

JEREMIA 13:16

Lalpa na Pathien u chuh limbawl unla, thim a hun tunsak ma a mielzul a tâng chung haw a na keng uh na suih mau hin, vak na kinep lai tak un thim a hung tunsak a, thim sah tak mai chuh siem ding ahi.

SUNNA LA 3:2

Amah chun ei pui a, thim lak ah ei nawhlut a, vak ah hilo in.

SUNNA LA 4:14

Kawtthêl haw achun mitdûk guolin a vakviel viel u a, thisan in a kisubuok u a, kuoma’n a silhlechen teu nasan a sukha nuom puou hi.

AMOS 8:9

Chun, Zie ni chuleh nisa chuh sun lai takin tum sak ing ka ting, sun khawvak lai tak in lei chuh suthim ing ka, Lalpa’n a tii.

JOB LEHKHABU THE BOOK OF JOB 19:8

Amah chun ka lampi ah dai a kai a, ka chieh pai thei puoi, Ka lampite chuh thimlak ah a chieh saka.