ISAI 57:5 - PATHIEN LEKHABU THIENGTHO (BSI)

⁵ Gangpi bul tin leh thing hing nuoi tin ah na kipawlthanghuoi u a; phaicham leh suongpi kek kal haw achun na chateu kithawihna dingin na pie sek u a.

ISAI 57:5 ပူးပေါင်းရင်းမြစ်များ

EZEKIEL 16:20

“Zielo chun le, na chanute na chapate nei hin sak haw chule kithawihna a mat zawh dingin a kawm u ah na pie a. Na hûkna hi thil namai ahi a ahim,

ISAI 1:29

Na kipahpih mah mah uh gangpi thing ziek chun muolpho ta’n lau, chun, na huon deihchuom teu ziek chun zakcha taka um ding na hiu hi.

JEREMIA 7:31

A chanuteu leh a chapa teu hâl dingin Hinom guom achun Topheth mun sang haw chuh a siem u a, ziehaw chuh ka thupiek ahi puoh a, ka lungthim ale a um kha puoi.

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

JEREMIA 2:20

Malai a kipat khan na namkawl chuh na kisukbawt a, na kânna khaugui le na sutan a; tichun, nasem ta puo’ng ka na ti a. Tang sang chung haw leh thingbawk nuoi tin cheng achun nawhchizuok guolin na kûn viel viel a.

2 LENGTE 23:10

Chun, leng Josia chun, kuoma’n a chapau ahim, a chanuu ahim, Molek pathien kawma kithawihna dinga a piek lohna dingun, Ben-hinnom guoma milim pathien hona, Topheth chu a hihbuok sak a.

THIEMPUDANTE 18:21

Molek pathien hona dinga na chate na piek loh ding ahi; zie chun, Lalpa na Pathien min susie ding ahi ngâl a. Kei hi Lalpa chuh ka hi.

THUPHUON 18:3

A mi deihchak nawpna zieka lungnatna uain chuh nam chengcheng in a dâwn ta ngâl uh a: leia lengte chun amah nawptalna ziek chun a hauhsak lawh tau hi” ti’n a kiko a.

EZEKIEL 20:31

Thilpiekte na piek u a na chateu meia na paih lut tieng u leh tuni chan hin na milim hawu achu nangmau leh nangmau kisubuok na hi ngâl u a. Nang haw’n thudawt a neih dinguh ka hi a ahim, Aw Israel insung mite haw? A hin a ka hin sung chuh nang haw dawt in um puo’ng ka, Lalpa Pathien chun a tii.

EZEKIEL 20:26

Kithawihna a cha lutîl mei laka paih luta amau leh amau kisubuok in ka um sak ta a, lauhna a a hung dim u a, a tâwp leh Lalpa chuh ka hi tih a hun het theihna dingun.

EZEKIEL 6:13

Chun, tâng tin leh muol tin chung leh thing tin leh gangpi bawk tin cheng nuoia a milim hawu kawma gimlim a pieknau muntina a maichâm hawu kimvela a milim hawu laka a mithi luongteu a kizam tieng leh kei Lalpa chuh ka hi tih hun he tan au.

JEREMIA 51:7

Babulon chuh Lalpa khuta sana khawn, lei chung pumpi kham sakna chuh ahi; nam te chun a uain chuh a dâwn u a, zieziekchun namte lungthim chuh a chavai zo tai,

JEREMIA 50:38

A tui haw chuh kang in a gaw zo ta a, milim haw gam ahi ngâla, milim haw chuh a ngawl lawh u a.

JEREMIA 32:35

Chun, Ben-Hinom guom ah Baal munsangte chuh a sau a, a chanuteu leh a chapateu Molek kienga, mei a chieh pai a a paih theihna dingun; ziehi ka thupiek le ahi puoh a, ka lungthim ale ka gel kha diek puoi, Judate thil gilo bawl sak a nawp ziekuh ahi.”

JEREMIA 17:2

Thing hing bul tin leh, tâng sang chunghaw achun a chateu in a maichâmteu leh Asher te chuh a hezing ngâl uh a.

JEREMIA 3:6

Ziehaw lo chule Josia vaihawm lai in Lalpa’n ka kawmah hiti hin a gena; “Nungchawn hât Israel thilhih kha na mu? Tang sang chung tin ah a chieh to a; thingbawk nuoi tin chenga hûkna thil a hih te khah?

2 KHANGTHUBU 28:3

Hinom luiphai ah gimlim te a hâla, Lalpa’n Israel te masanga a nawhdawk tâk nam te’n thil kihdak-um tak a hih sek bangun a chate chu hâlmang thillat in a pie a.

2 LENGTE 17:10

Tang sang tin cheng leh, thing hing tin nuoi ah suongphuh te phut in, Asher pathiente a bawl u a;

1 LENGTE 14:23

Amau haw chun le tângsang cheng leh thing hing nuoi tin achun thing milim te, mihing lim te leh, munsang haw leh Asher te lim a siem u a.

DAN NIHNA 12:2

Na va luoh dingu gama cheng nam haw chun tâng tin muol tin chung leh thingbawk tincheng nuoia a pathienteu na a sepna mun chengcheng teu chuh na suksiet suok kêi dinguh ahi

KISIMNA 25:6

Israel chate chuh Lalpa umna puon-In kawtkhak a a kah lai tak u chun mi khat in Mosi mitmuh leh Israel mipite mitmuh chun Midian numei khat a inkawte kawmah a hun pui a.

PAWTDAWKNA 32:6

Tichun, a zing zingkal matak in a tho u a, hâlmang thilpiekte a pieu a, chamna thilpiekte chuh a hun chawi u a; tichun mipite chuh ne leh dâwn dingin a chu khawm u a, kipawl thanghuoi in a um tau a.

EZEKIEL 20:28

Khut zak hiela amau ka tiem gama hi ka puih lut phetin, tâng sang leh thingbawk pha a muhna taphawt u ah kithawihna a siem u a, a thilpiekteu lungnat-um tak haw chuh a pieu a. A gimlim thilpiek hawu chuh a pieu a, a dâwn ding thilpiek hawu chuh a sungtha ngâl u a’, ti’n.”

2 LENGTE 17:7

Samari khuo hung sietna ziek chu, Israel chate chun Aigupta leng Pharaoh khut apat, Aigupta gam apat a puidawkpa, Lalpa a Pathien uh chung ah thil a hihkhiel u a, pathien dangte a ho ziekuh ahi.