ISAI 57:3 - PATHIEN LEKHABU THIENGTHO (BSI)

³ Himahleh, nanguh mitvaidawite chapate, zawlsaite leh nawhchizuok chate haw, ei hun naih un.

ISAI 57:3 ပူးပေါင်းရင်းမြစ်များ

MATTHAI 16:4

Khangthak gilo tak leh zawlsaih hatte chun melchikna a hawl u a, himahlele Jona melchikna ngâllo chuh a kawm u ah melchikna himhim piek hi puo’n a,” a ti a, a dâwng a. Khutichun, amau haw chuh a taihsan a, a chieh ta a.

1 JOHAN 3:10

Zie ahin Pathien chate leh Diabol chate a kihechien thei hi; kuole. diktatna hih lo chuh Pathien a pawt ei puoi; a suohpih hehpih lo pa chule Pathien a pawt ei diek puoi.

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

LUKE 3:7

Chun, Johan kawm achun mipi tamtak, baptistma chang dingin a hung khawm u a. Ama’n a kawm u ah, “Gûl suonte haw, lungnat hungtung ding hi taihsan dingin kuon a hung hilh a?

MATTHAI 23:33

Nang haw gulte haw, gûl suonte haw, Gehen a vaihawmna chu bangti’n a na pelhthâk theih dinguh?

MATTHAI 12:34

Gûl suonte haw! bangti’n a gilo zing puma thilpha na gen theih ding uh? Lungthima dimlet chuh kam in a gen dawk sek a puo!

MATTHAI 3:7

Himahlele, Pharisaite leh Sadukaite tamtak baptistma chang dinga hung a muh phetin a kawm u ah, “Gûl suonte haw! lungnat hung tung ding hi taihsan dingin kuo hun hilh na hiu hi

HOSEA 1:2

Hosea manga Lalpa’n thu a gen pat chun hiti hin Hosea kawmah thu a gen a, “Chieh inla, nawhchizuok zi’n va nei in la; nawhchizuok apat chun cha hing in, hitibang hin ka mite’n ei nungsawn un, zawl ei saih san tau hi,” ti’n.

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

ISAI 1:21

Bangti dana khawpi ginum tak chuh nawchizuok hung suok ahi ta die aw! Thudik a vaihawm sek, diktatna a dim ahih maizen tawh, tuhin vang chuh tuolthatte a chêng tau hi.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

ISAI 1:4

E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.

ISAI 48:16

“Tuhin ei hun naih unla, ka thugen hi zau in! Atûng apat khan langsal takin zie thu haw hi ka gen ta a, Ka thugente chuh ka suguitung zel sek hi,” ti’n. (Lalpa chun a thilhih theihna chuh ei pie a, ei sawl ta a.)

ISAI 57:7

Tang sang leh lopite chung achun na kipawlthanghuoi u a, zie tak achun Molek kawmah na kithawi sek u a.

ISAI 58:2

Amau haw chun ni chengin ei ho sek u a, Ka lampi thute le het a nuom sek u a; diktat taka hih leh, a Pathien uh vaihawmna haihsan ngeilo namte bangin ka kawmah vaihawmna diktak ei ngên sek u a, Pathien hun naih le a utcha sek ui.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

JEREMIA 3:6

Ziehaw lo chule Josia vaihawm lai in Lalpa’n ka kawmah hiti hin a gena; “Nungchawn hât Israel thilhih kha na mu? Tang sang chung tin ah a chieh to a; thingbawk nuoi tin chenga hûkna thil a hih te khah?

JEREMIA 3:9

Chun, a hûk thanghuoi na haw ziek chun gam chuh a buok zo ta a, thingbul suongbul kawmah zawl a sai ta a.

HOSEA 2:4

A chapate chunga le lungsietna neilo ding ka hi, zahchâkna bei, nawhchizuok chate ahi ngâl u a.

HOSEA 2:6

Zieziekchun, ngaitie, na lampi chuh lingbawk in huk ing ka ting, amah dal dingin dai kai ka ting; a lampite chuh mu thei puo’n a.