ISAI 57:2 - PATHIEN LEKHABU THIENGTHO (BSI)

² Amah chuh muonna a lut ahi a, a zâlkhun u a chawldam ahi zawu a; mi diktatte chuh lam dik ah a chieh sek ui.

ISAI 57:2 ပူးပေါင်းရင်းမြစ်များ

THUPHUON 14:13

Chun, van apat a aw khat in, “Hiti hin zik ah: Tu a kipat hin, mi thi, Lalpa a thite chuh mi hampha ahiu hi! Thagau in, A hii, a sep gimnateu chuh chawlhsan in, a thilhih teu chun hun zui ding ahi ngâl a, a ti ie,” a tih ka za a.

2 KORINTH 5:1

I umnau lei In hi kiphie mahlele, van ah in, khuta sak loh, kumsawt a um ding, Pathien kawm apat in det chuh I nei ui tih I he ngâl u a.

LUKE 2:29

“Lalpa tuhin, na thu guol zelin, Na suok hi lungmuong takin chieh sak ding na hi a!

JOB LEHKHABU THE BOOK OF JOB 3:17

Zie tak achun mi nunsiete a sukbuoina chuh bei untin, Zie tak achun mi gimthei chuh kichawl dam ta’n a.

2 KORINTH 5:8

Hangsan takin I um uh a, chun, zie phehlevo sapum in hi taihsan a, Lalpa tawh ina um chuh I nuom zaw ngâl u a.

LUKE 7:50

Himahlele, Isu’n numei kawm achun, “Na taksanna hin a hun hukdam ahi, lungmuong takin chieh ta’n.” a ti. a.

MATTHAI 25:21

A pu chun a kawmah, ‘Suok pha leh taksanum, na hih pha ie; tawmchah chungah taksan na um in, tamtak chungah hun um sak ing ka, na pu kipahna ah lut ah,’ a ti a.

THUGENPA 12:7

I taksau chuh a hih na ngêi banga um dingin lei ah vaikit in tin, chun, thagau chuh a piepa Pathien kawmah a vaikit in a.

2 KHANGTHUBU 16:14

David khawpi a amah thân dinga a kisiem suong a geikuok achun a vui tau a, Gimlimte, thau gimlim chi chuom chuom te chu a taksa vuih dinga guonggalhna achun a mang u a, a thihna sun na ding. chun meipi nasa takin a tik u a.

LUKE 16:22

Chun, tihi ahi a, mi chagahpa chuh a hung thi ta a, vânsâwlchâkte’n a pui u a, Abraham angsung ah a kawih tau a. Mi neizo chule a thi ta a; vuih in a um ta a.

EZEKIEL 32:25

Mi thahte lak achun amah leh a lawite kuolna ding siem ahi a, a thân kimvel achun a sepaihte a um ui; a bawnchau in zektan loh, chemzâma thi vek ahiu; a lauh-umnau chun mihing gam ana sulau sek mahleh kawkhuk a chieh suk sate chuh tawh a zahchâknau a puou a, thahte lak achun siel ahi tau hi.

PHILIPPI 1:23

A kal lak a hin a lawhna helo a um mai ka hi; chieh dawka Krista kawma um nawpna ka neih ziekin, zie chuh a pha zaw mah mah ngâl a.

LUKE 1:6

A nih uh chun Pathien mitmuh in diktat takin a um sek uh a, bukim takin Lalpa thupiek leh a dante chuh a zawp sek ui.

ISAI 26:7

Mi diktat lampi chuh dikna ahi a, nang lunggil diktak pu chun; mi diktat lampi chuh na hihzang sek hi.

ISAI 14:18

Nam tin leng chengcheng chuh amau haw thân chietah lopi takin a kuol chiet u a.

THILSIEMBUL 17:1

Chun, Abram chuh kum sawmkuo leh kum kuo mi ahih in, Lalpa chuh a kawmah a hung kilak a, a kawmah, “Kei, Pathien Bangkim bawlthei ka hi; ka masang ah um inla pha bukim in um in.

SAM LEHKHABU THE PSALMS 37:37

Mi demna bei tiemteh inla, mi diktat chuh en in, Khutibang mi tawpna ding chuh tha muonna hi ding ahi ngâla.

DANIEL 12:13

“Aw nang Daniel, a tâwp tienga ginum in um in; nite tawpna achun châwl in na tin, hun tâwp achun na kipahman mu dinga hung thokit ding na hi ngâl a,” a ti a.

JEREMIA 6:16

Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.