ISAI 57:18 - PATHIEN LEKHABU THIENGTHO (BSI)

¹⁸ “A lampi teu chuh ka mu a, amau haw chuh sudam ing ka ting; pui ing ka ting, thamuonna piekit ing ka ting, a lusûnteu kamsuok chuh thamuonna suoh sak ing ka.

ISAI 57:18 ပူးပေါင်းရင်းမြစ်များ

JEREMIA 33:6

Ngaitie, damna leh hiselna hun tun ing ka ting, amau chuh sudam ing ka ting; muonna leh bitna diktak muh sak ing ka.

THUPHUON 7:17

Belamno, lalchutphah lailung a umpa chuh amau haw chingpa hi’n tin, hinna tuikhuk haw achun pui ina. Khutichun, Pathien in a mit uh apat mitthi chengcheng chuh thiek hul sak ta’n a,” a ti a.

JEREMIA 3:22

Aw nang haw nungchawn hatte haw, hung vaikit unla, na nung chawnnau apat in hun na sudam ing ka. Ngaitie, na kawmah ka hung ui, nang chuh Lalpa ka Pathien uh na hi ngâla.

JEREMIA 31:3

Masanga ka kawma hung kilak Lalpa chun hiti hin a tii, A hi, lainatna tâwp lo in ka hun lainat a: zieziekchun, nanga dingin ka ginum zing hi.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

ISAI 49:10

A gil uh kiel ta puo’n tin, a dang uh châk diek puo’n a; huihlum in a sugimthei in, nisa’n ka diek ta puo’n a, amau haw lungsietpa chun puihuoi intin; tichun, lui luong pang haw achun pui intin, tui nak nei mun haw achun pui ding ahi ngâla.

ISAI 30:26

Zielo chun le, Lalpa’n a mite liemna a tuom sak ni, a liemmateu a sukdam ni chun, tha chuh nisa guolin vak ta’ntin, nisa chuh a leh sagih in, ni sagih a kigawm bang hielin vak ta’n a.

ISAI 12:1

Zie ni chuleh, mipite chun la sau un tin, “Aw Lalpa ka chungu ah a na lungna ta mahleh chin, a kawmah kipahthu gen ing kau, tuhin na lungnat chuh a hai ta a, nangin nei thamuon ahi ta hi.

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

THUGENPA 9:4

Himahleh, mihing chuh a hinna a um sung chun kinepna a um a; sakeibaknei thi sangin uicha hing chuh a phazawi.

SAM LEHKHABU THE PSALMS 51:12

Nei hukdam kipahna chuh ei pie kit inla, Thagau thunuom in ei tuzing in.

SAM LEHKHABU THE PSALMS 23:2

A mah chun hampa hing no kiuhkeuh mun ah ei kuol sak seka: Chawlhna lui pang achun ei pui sek a.

ROME 5:20

Chun, sukkhelh kilat zawk theihna’n, Dan a hung um a. Himahlele, gitloh punna chengah lungsietna chule a pung zaw diek sek hi.

LUKE 15:20

Khutichun, a kipan a, a pa kawmah a chieh ta a. “Tichun, gamla taka a um lai in a pa’n a na mu a, a lungsiet ta mah mah a, a tai a, a ngâwngkawih a, a châwp tuntun a.

SAM LEHKHABU THE PSALMS 94:19

Ka lungthima ngaihkhawk tampi ka neih lai chun, Na thamuonnate chun ka hinna hi a sukipak sek hi.

ISAI 19:22

Lalpa chun Aigupta te chuh zêp intin, himahleh, zie hun chuleh sudam ina. Tichun, Lalpa kawmah vaikit untin, amah chun amau haw ngetna chuh za’n tin, amau haw chuh sudam ina.

ISAI 52:12

Kinawh taka chiehdawk ding na hi puou a; taisie a pawt ding le na hi diek puou hi; Lalpa chun na mau pui ding ahi a, chun, Israel Pathien chuh na nung dal uh a pang ding ahi.

ISAI 53:5

Himahleh, amah chuh I bawhsietna teu zieka sukliem a um in; I mantheihlohna teu ziekin zêp thidup in a um a. I thamuonna ding un zêpna mawlh chuh a chungah a chu a; a liemna pawn haw a chuh sukdam a um I hi tau hi.

ISAI 58:11

Chun, Lalpa chun hun pui zing intin, gamgaw ale thilpha’n hun hih tai zing intin, na guhhaw le hihhat ina. chun, huon tuia chawm tawbang leh tuinak kang ngeilo tawbang hita’n la.

ZEKARIA 1:13

Chun, Lalpa chun ei hopih vânsâwlchâk chuh lungmuon um takin a dâwng ta a.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.

ISAI 51:12

Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?

JEREMIA 30:17

Hun sudam kit ing ka ting, na liemna apat chuh hun sudam ing ka, Lalpa’n a tii: ‘Na melmateu in nawhdawk a um, kuomah ngaihsak loh Zion ahi,’ hun ti mahleu le.”