ISAI 57:17 - PATHIEN LEKHABU THIENGTHO (BSI)

¹⁷ A gitloh ziek u leh, a huoiham ziekun a chungu ah ka lungna a, ka gawt a, ka kiheisan ta a. Himahleh, genhak takin a um u a, amau lampi chiet ah a kiheimang tau hi.

ISAI 57:17 ပူးပေါင်းရင်းမြစ်များ

ISAI 56:11

Ahi, uicha chuh a gawlsan a, ahun tai tih himhim a nei puou a; zie chuh belampu hetna neilote chuh ahiu a. amau lampi chiet ah a kihei u a; abawn un, amau lawkna ding chiet a kingaihtuoh ui.

KOLOSSA 3:5

Khutichun, na sapum kahawu, leia um haw hi sulum un: kideihchakna haw buokna haw, hûkna haw, gitloh lungveina haw, huoihamna haw, (huoihamna chuh milim hona ahi ngâl a);

JEREMIA 6:13

A neupen apat a lienpen tieng in mitin chuh lawkna diklo in a huoiham u a; thiemgaute leh thiempute nasan chule, mitin in diklo takin a hih tau hi.

2 PETER 2:14

Mit a zawlsai a dim leh, gitloh haihsan theih loh bang a nei uh a; lung det lote a zawl thau a; awhchâkna nei ding him a sinsak a umte ahiu hi. hansie thuok chate ahiu hi!

1 TIMOTHE 6:9

Amahvang chuh, neihzawh guote chuh thepna a puk in, ngawlna tin cheng leh utna diklo tamtak thâng a chuh âwk in, ziehaw chun sietna leh manthaina achun a puilut sek hi.

LUKE 12:15

Chun, a bawn u a kawm achun, “Chingthei unla, awhchâkna himhim laka chun kivengphau un; sum hauh hi mihiemte hin lawh pên ahi puoh ngâl a,” a ti a.

EZEKIEL 33:31

Chun, ahawn in na kawmah hung intin un, ka mite bang mai in na ma ah chu’n tin un, na thu chuh ngaitha’n tin un, ahihziekin hih taktak diek puo’n au: a kam un hehpihna nasatak nei guolin kilang intin un, ahihziekin, a lunggil un amau lawkna ding chauh delh zaw chiet in au.

JEREMIA 22:17

Himahlele, na huoihamna te, mi dik thisan suohna dingin leh bawl sietna leh pawngbawlna ding mai in, na mit leh na lunggil na mang zo ahi.

JEREMIA 8:10

Zieziekchun, a ziteu chuh midang kawmah pie’ng ka ting, a lo hawu chule a hun luoh zo dingte khuta pie ding ka hi. A lienpen apat a a neupen tiengin mitin chuh awhchâk na’n a dim u a, thiemgaute leh thiempute tieng in mitin in lepchieh in na a sem ui.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

ISAI 45:15

Nangmah ngêi chuh amah leh amah kiselgu Pathien tak tak chuh na hi, Israel Pathien, a mite Hukdampa ngêi chuh!

ISAI 9:13

Himahlele, Israel mite chuh a kisik puou a, amau haw gawt mahleh, sepaihte haw Lalpa lam chuh a nga diek puou.

ISAI 8:17

Lalpa chuh a mite lak apat in a kisel a, mahleh, ka ginna chuh amah ah ka nga a, amah achun kinem zing ing ka.

ISAI 1:4

E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.

THUGENPA 6:9

Thil dang utchak beh nei a hin zing sang chun, thil neihsun chunga lungkim taka um hi a phazaw a; zie hile bangmahlo mai leh huih mat guo tawbang ahi.

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

ISAI 2:7

A gam u chuh dangka leh sana’n a dima, hauhsakna lam achun huntawk a nei puou hi. A gam u chuh sakawl in a dima a kangtalai teu chuh simsen guol ahi puoi.

ISAI 42:24

Kuo a Jakob te galhing mata mat dinga pie a, Israel te gucha kawma pie chuh? A chungah gilo takin I hih sek uh a Lalpa ngêi chuh ahi ngâl a; Amah deih bangin a hing puou a, a thu ei sinsakte le I zawp diek puou hi.

ISAI 64:9

Aw Lalpa, ka chungu ah lungna taluo ta ki’n la, ka manlohnateu hile kumlekhuo’n hezing diek ki’n. Na mipite ka hiu a, ka chungu ah zahngai in.

ISAI 66:3

Bâwngchal that chuh mihing that tawbang ahi a; belam no a kithawi chuh ui gawl âttan tawh kibang ahi a, an thillat lânte chule vawk thisan a kithawi tawbang ahi; gimlim lân chule milim pathien vangsak tawbang ahi. Ahi, amau lampi a tel zawu a; thil tenum hih teu achun a lungthim uh a kipâk sek u a.

JEREMIA 3:14

“Aw nung chawn chîngte haw hung vaikit un, tih hi Lalpa kamsuok ahi. Nang haw hun kaihuoipa ka hi ngâla. Khawpi apat a mi khat inkuon khata mi nih zel hun lang ka ting, Zion ah hun pui ing ka.

JEREMIA 3:22

Aw nang haw nungchawn hatte haw, hung vaikit unla, na nung chawnnau apat in hun na sudam ing ka. Ngaitie, na kawmah ka hung ui, nang chuh Lalpa ka Pathien uh na hi ngâla.

JEREMIA 51:13

Aw, nang tui tampi chunga cheng, sumlepai hau mah mah, na tâwp na chuh a hung tung tai; na hinna khau a tan tai.

JEREMIA 8:6

Bil dawh in ka ngaitha a, kuoma’n thudik a gen ta puou a; kuoma’n bang ahim ka na hih, ti’n a gitlohnau a kisik diek puou hi. Mitin amau lampi chiet ah a chieh u a, kidona muna sakawl kikhawh viel puotpuot guol in.