ISAI 57:16 - PATHIEN LEKHABU THIENGTHO (BSI)

¹⁶ Ka mite chuh mawhchansak in a chungu ah lungna zingzing ta puo’ng ka; thagau leh hinna ka siem sak chuh ka masang ahin sawlsam kha’n a. Hinna hi keia ahi a, mihingte hinna hu hile kei siem ahi.

ISAI 57:16 ပူးပေါင်းရင်းမြစ်များ

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

SAM LEHKHABU THE PSALMS 85:5

Ka chung u a kumlekhuo a lungna ding na him? Na lungnatna chuh khang chengcheng tienga latsak zel guo na him?

HEBRAI 12:9

Zielo chun le, ei thunun dingin, mihing lam ah pate le I nei u kha, ziete haw chuh I zah ngâl uh a. Ziehaw sanga nasazaw chun, I hinna dingun, thagau lama Pa thu thu’n um lo ding I hiu hi?

JEREMIA 10:24

Aw Lalpa, ei thunun inla, a hun phetin. Lungna lo in ei thunun in, khutilochun ei sumangthai khan la.

KISIMNA 16:22

Tichun amau chuh tuol ah a khupbawk u a, “Aw Pathien, hinna nei phehlevo chengcheng te bulpi na hi a, mi khat gitloh ziekin mipite chung ahin na lungna ding a ahim,” a tiu a.

JEREMIA 38:16

Khutichun, leng Zedekia chuh a gukcha’n Jeremia kawm achun a kipautiem a, “Lalpa, I hinnau siempa chuh a hin sung cheng chuh hun sulum hiel puo’ng ka ting, na hinna hawlte khut achun le hun pie diek puo’ng ka,” a ti a.

ISAI 42:5

Lalpa, Pathien vante siem a, a zak palh a; lei hi kaimalh a, a sunga um chengcheng te hinna piepa; a sunga vakvielte thagau pie pa chun hiti hin a gen hi.

THILSIEMBUL 6:3

Tichun Lalpa chun, “Ka thagau in mihiem chuh chenpih zing puo’n a, amau haw chuh phehlevo ahi ngâl u a; himahleh kum za leh sawmnih chuh dam in au,” a ti a.

ZEKARIA 12:1

Israel chungchanga Lalpa thu puokgik chuh! Lalpa, vante kaimalh a, leisiet kingakna phumpa leh mihingte kawma thagau pie thu pawt chuh hiti hi ahi.

THUGENPA 12:7

I taksau chuh a hih na ngêi banga um dingin lei ah vaikit in tin, chun, thagau chuh a piepa Pathien kawmah a vaikit in a.

JEREMIA 3:5

Kumkhuo’n a lungna dinga ahim? A tâwp tiengin a vawp zing dem? Ngaitie, khutibang chun na gen ngeia, mahleh, a gilo thei bang pên in thil na hih a.”

EZEKIEL 18:4

Ngaitiem u, hinna chengcheng hi keia ahi, pa hinna keia ahih guol mah in chapa hinna le keia ahi: chun, gitlohna hih taphawt chuh thi’n au.

AMOS 1:11

Lalpa chun hiti hin a tii, “Edom mite bawhsietna thum ziekin, ahi, li ziekin ka gawtna chuh suhai puo’ng ka. A suohpihteu Israel te chuh delh zinga, a chung u a zahngaihna himhim a suklat loh ziek un. A lungnatnau chun tâwp a nei puoh a, a thihsan ngeiloh ziekun.

2 SAMUEL 24:16

Chun,Lalpa vânsâwlchâk in Jerusalem hihsie dinga a khut a vak zak leh Lalpa’n thil phalo a hih chu a kisik a, mite hih mangthai guo vânsâwlchâk kawm achun, “A hun ta ie, na khut tha ta ki’n,” a ti a. Chun, Lalpa vânsâwlchâk chu Jebus-mi Araunah buhphuol kawm achun a um a.

JOB LEHKHABU THE BOOK OF JOB 12:10

A khut achun hinna nei chengcheng hinna a um a, Mihiemte hinna hile a khuta um ahi.

ISAI 27:8

Lalpa’n mipite a gawtna chuh sala a sawl a a nawhdawk chuh ahi a. Saklam huih chun amau chuh a puimang ta a.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.

ISAI 64:8

Tuhin vang chuh aw Lalpa, nang chuh ka pau na hi a, kei u hi bellei ka hiu a; nang chuh keihaw ei dengpa na hi. Zieziekchun, ka bawn u hin na khutsuok ka hiu hi.