ISAI 57:13 - PATHIEN LEKHABU THIENGTHO (BSI)

¹³ Panpihna ngên a na kiko tieng leh, na pathienteu chun hun hukdam u hen! Amau chuh huih in tawk mang zo vek intin, hatkhat in pawmang zo hen. Himahlele, kuole, kei chunga ginna ngate chun gam hi luoh un tin, ka tâng thiengtho chuh luoh un au,”

ISAI 57:13 ပူးပေါင်းရင်းမြစ်များ

SAM LEHKHABU THE PSALMS 37:9

Thil phalo hih haw chuh satthak a um ding ahi ngâl u a: Lalpa ngakte vangin chuh gam hi luoh un au.

SAM LEHKHABU THE PSALMS 37:3

Lalpa chuh muong inla, thilpha hih in; Zie gam ahin um inla, muon umna delh zelin.

ISAI 65:25

Ngei leh belamno te chuh takhawm tau intin, sakeibakneite chun bâwngchal guolin buhpawl neu intin, chun, leivui chuh gûl an hi’n a. Ka tâng Thiengtho Zion achun kisuknatna leh, kisuksietna himhim um ta puo’n a” Lalpa’n a tii.

ISAI 56:7

“Amau haw ngêi chuh ka tâng Thiengtho Zion achun pui ing ka ting, Ka pauchamna In achun kipâk takin um un au; hâlmanga a thillat teu leh, a kithawihnateu chuh, ka maichâm achun ana pawm ing ka; Ka In chuh mitin a dingin pauchamna In tih hi ding ahi ngâl a,” ti’n.

ZEKARIA 7:13

Chun, hiti hi hung hi’n tin, ka sap lai a ei ngaihthak loh guol mah un, ken le a ei sap tieng u leh ngaitha lo ding ka hi, Lalpa’n a tii.

JOEL 3:17

Khutichun, Lalpa na Pathien uh, tâng thiengtho Zion a cheng ka hi tih hun he ta’n lau: Jerusalem chuh khawpi thiengtho hi’n tin; malzin kuoma’n a sung tawh ngei ta puo’n au.

EZEKIEL 20:40

Ka tâng thiengtho chung achun, Israel tâng sang achun, zie tak a chun Israel insung mite cheng-cheng chun a bawn un, zie gam achun ka na sem tan au; zie chun amau chuh pawm ta’ng ka ting, zie chun na thillat teu, na thilpha piekteu leh na thilzek chengcheng teu chuh deih ta’ng ka.

ISAI 66:20

Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

ISAI 65:9

Chun, Jakob apat chikhat siem dawk ing ka ting; Juda achun a goluoh ding siem sak ing ka ting; ka suokte chuh zie chun cheng un au.

ISAI 11:9

Ka tâng thiengtho achun kisuknatna himhim um ta puo’n tin; kisuksiet le um ta puo’n a; tui haw hin tuisuohgiet a khuh zing bang hin, leichung hi Lalpa hetna chun dim suok vek ding ahi.

SAM LEHKHABU THE PSALMS 125:1

Lalpa a ginna ngate chuh Zion tâng, hih lîn guol loh kumlekhuo a um zing ding chu tawbang ahi.

VAIHAWMTE 10:14

Na tel zawk uh pathiente chuh sam unla, amau chun na lungzînnau apat in hun hukdawk tau hen,” a ti a.

HOSEA 13:3

Zieziekchun, amau haw chuh zingkala tuimei tawbang hiu intin, kin taka bei kit dâitui tawbang hi’n au. Phuol a buhsi chinpei in a mût mang bang leh, meikhu lâwng a meikhu tawbang mai hi hi’n au.

JEREMIA 22:22

Na belampute cheng chuh huih in mût mang intin, nang hun hehpihte chuh sal in tâng untin, zie tieng chuleh nang le na gitlohna haw chengcheng ziekin, zahhuoi tak leh lungkham takin hung um tei ding na hi.

JEREMIA 22:20

Lebanon achun chieh to inla, kap un. Bashan achun na aw suoh inla, Abarim achun kiko in. Nang hun ngaizawngte chengcheng chuh suksiet in a um ta ngâl u a.

ISAI 65:11

Himahlele, nang haw Lalpa nungngat a, ka tâng thiengtho Zion ngaihsak lo a, vang-etna pathien Gad leh Mini hona dawhkhâng bawla, a tupna a tun dem tih hetna dinga dawhkan a uain chawkhel a khawna sung dim sek te haw;

ISAI 41:16

Buh chil in chil in na tin, asi chuh huih in tawkmang vek intin, huihpi’n muntin ah thehzak intin: Tichun, nang u chuh Pathien achun kipâk un na tin uh, Israel Pathien Thiengtho hi lopina pie ta’n lau.

ISAI 40:24

Ahi, a phuh ahi puou a; ahi, a tuh ahi puou hi, a kung achun lei ah zung a khawh puou; zielo chule amah chun amau haw chuh a mût a, a vuoi u a, chinpei in buhsi a tawhmang guolin a tawkmang sek hi.

THUCHINGTE 28:25

Lungthima duh-âm mi chun kinakna a chawkdawk a; Lalpa chunga ginna ngate vang chuh suk hauhsak in um in au.

SAM LEHKHABU THE PSALMS 84:12

Aw sepaihte Lalpa, Nang hun gingchate chuh mi hampha ahiu hi.

SAM LEHKHABU THE PSALMS 58:9

Na bel hawu chun ling sut a het sang u a kin zaw’n, Amah chun chinpei in tawk mang intin, a hing leh a kuong lai le.

SAM LEHKHABU THE PSALMS 1:4

Himahleh, mi dukdaklote vang chuh a khuti puou hi; Buhsi huih in a mût mang tawbang hi ahi zawu hi.

JOB LEHKHABU THE BOOK OF JOB 21:18

Amau chuh buhpawl huih in a mût mang tawbang leh, buhsi huihpi’n a mût mang tawbang ahiu hi.

2 LENGTE 3:13

Chun, Elisha chun Israel leng kawm achun, “Bang zieka hun panpih ding ka him? Chieh inla, na nu leh na pate’n thiemgau a dawt sekteu kha va dawng in,” a ti a. Jehoram chun a kawmah, “Chieh lo e, leng thum te hi Lalpa’n Moab te khuta piek dingin ei pui khawm uh ahi hi,” a ti a.

SAM LEHKHABU THE PSALMS 118:8

Mihing ginchak sangin, Lalpa a ginna ngak hi a phazaw a.

ISAI 14:32

Philistia nam palaite chuh, bangti’n I dâwng ta ding u? “Lalpa’n Zion chuh a dindawk a, a mite laka gimtheite chun, amah achun bitna mu’n au,” ti’n hilh hitiu.

ISAI 25:4

Mi chagah leh panpih beite dingin bitna kulhpi na hi a; a lungzînnau achun a bit u a; Guohpi huihpi lak a kiselnau na hi a, nisa nuoi a lîm uh na hi ngâl a. Mi gilote chun phalbi huihpi guolin a nam u a;

ISAI 49:8

Lalpa chun hiti hin a tii, “Hun kipah-um ah ka hun hungaih a, Hukdam na ni ah ka hun panpih hi, a tii. Ka hun vengbit a, chun, mipite tawh thugawlh banga ka hun piek na hi; gam chuh tundin kit ahih a, gam âwng haw chuh hawpzak ahih theih na dingin.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

JEREMIA 30:14

A hun lainate chun a hun hengilh zo tau a, a hun limsak ta puou hi. Melma sukliem in ka hun suliem a, migilo gawt in ka hun gawt a, na manlohna chuh a nasa a, na gitlohnate le a pun bêk ziekin.

SAM LEHKHABU THE PSALMS 37:11

Nuoilutchuhte vang chun gam chuh luoh un au: Kichamna nasatak chungah kipâk un au.

SAM LEHKHABU THE PSALMS 37:22

Lalpa vangsak na changte chun gam hi luoh untin uh, Himahleh, a sapsiet changte chuh sukmangthai in um un au.

SAM LEHKHABU THE PSALMS 37:29

Mi diktatte chun gam hi luoh un tin uh, A sung ahin kumlekhuo’n cheng zing un au.

SAM LEHKHABU THE PSALMS 37:34

Lalpa chuh ngak inla, a lampi chuh hawh in, Khutichun gam hi luoh dingin hun limbawl ina: Mi nunsiete sukmangthai a a um pet u chuh hun mu’n la.

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

JEREMIA 2:28

Na pathien siem te kha khawitak ah a um tau hi? Amau chuh tho u henla, na buoi na ah a hun hukdam thei kha mawh ding u? Aw Juda, na pathiente chuh Juda khawpite zah zet ahiu hila.