ISAI 57:1 - PATHIEN LEKHABU THIENGTHO (BSI)

¹ Mi diktat chuh a thi a, kuoma’n a ngaihtuoh puou a, Pathien ngaihsak te chule a thiu a, sietna lak apat lâkmang ahiu hi tih kuoma’n a ngaihtuoh puou hi.

ISAI 57:1 ပူးပေါင်းရင်းမြစ်များ

2 LENGTE 22:20

Khutichun, ngaitie! na pilepute kawmah hun pui ing ka ting, thân ah lungmuong taka puih in um in na tin, zie muna thil phalo tak ka hun tunsak ding chu na mitin mu suok puo’n la, a tii, ti’n,” a ti a. Tichun, thu chu leng kawmah a va tun kit u a.

SAM LEHKHABU THE PSALMS 12:1

Lalpa, ei panpih in: Pathien ngaihsak mi a um ta puoh ngâl u a, Mihiem chate lak apat hi mi muon-um chuh a bei ta ngâl u a.

2 KHANGTHUBU 34:28

Jerusalem chunga gawtna ka tunsak ding chu na thih masang in tung puo’n a. Thamuong taka hun thih sak ding ka hi’ a tii,” ti’n. Zie thuchah pum chun mite chu leng kawmah a kileh kit tau a.

MIKA 7:2

Pathien mite chuh leichung a hin a mangthai u a, mi diktat kuomah a um ta puoh a; thisan suoh ding mai ngaihtuoh in a chângthau a; mitin in amah suohpihte chuh len a mat a guo chiet tau hi.

ISAI 42:25

Zieziekchun, a lungnatna thilhih theihna chuh I chungu ah a um ta a; Kidona tizat-um tak I thuok tau a; A lungnatna chuh Israel te lak ah mei guolin a hung kuong zak ta a, himahleh, bang ahim tih le I he puou a; bangmah le I het dawk lawh diek puou hi.

ISAI 47:7

Chun, Kei hi kumlekhuo’n lengnu’n um ing ka ting, na ti a; na hung tâwp ding dante ngaihtuoh phalo hielin na um a.

MALAKI 2:2

Ka min sulopi dinga na ngaihthak loh u a, lunggil a na vawp loh u chun, na chungu ah hansie hun tunsak ing ka. Na vangsakna dawnteu chuh hansie buok ing ka. Ahi, na laku ah, lunggil taktak a ka thupiekte vawp na um loh ziekun hansie ka lawh ta him ahi.

2 KHANGTHUBU 35:24

Khutichun a suokte chun kangtalai apat chun a la dawk u a, a kangtalai dangah a kawih u a, Jerusalem ah a pawtung u a. Chun, a thi a, a pilepute thân ah a vui tau a, tichun, Juda mi chengcheng leh Jerusalem a mi cheng cheng in Josia chuh a sun tau hi.

2 KHANGTHUBU 32:33

Tichun, Hezekia chu a thi a, lengte thân, David chate laka a phatna pên achun a vui tau a, Juda mite chengcheng leh Jerusalem a mite chengcheng chun a thih ni chun zahna nasatak a pieu a. A chapa Manasseh chu a thasang in leng in a pang tai.

1 LENGTE 14:13

Chun, Israel te chengcheng in kah untin, vui un au: Jeroboam inkuon lak ah amah mai chuh thân a vuih hi ding ahi ngâl a. Amah achun Lalpa Israel te Pathien lam ah thilpha Jeroboam inkuon laka muh ahih ziekin.

ISAI 57:11

“Kuo na lauh ziek leh na kihchak zieka lepchieh gena ei hezing lo a ei ngaihtuoh lo na hi? Hun sawttak ka hun thipsan ziekin nei limbawl talo ahi maw?

KISIMNA 23:10

Israel namte chuh pîlnel banga tam ahiu a, simsen ding guol ahi puou hi. Pathien mite khat bang in ka hinna hi tawp sak in, Mi diktat thih bang in ei thih sak inla, chun, ka tawpna chuh amah a tawbang chuh hi hen,” a ti ta a.

SAM LEHKHABU THE PSALMS 37:37

Mi demna bei tiemteh inla, mi diktat chuh en in, Khutibang mi tawpna ding chuh tha muonna hi ding ahi ngâla.

ISAI 47:11

Khutichun, thil phalo na chungah hungtung intin, na dawi thilhih theihna chun dal thei puo’n a. Hatkhat in na chungah sietna hungtung intin; sietna na hêtkhâk loh chuh hungtung phut ina.

JEREMIA 18:11

Zieziekchun Juda mite leh Jerusalem a chêngte kawm achun, Lalpa’n hiti hin a tii; Ngaitiem u, na chung u ah thil phalo ka gel a, na chunguh ah thil ka guonggalh a, tuhin mitin in a umdan phalo teu taihsan u hen la, na umdan u leh na thilhih teu siemphau in, va ti phawt in.

JEREMIA 22:10

A thisa chuh kah kiu inla, sun le sun diek kiu in, mi, a chieh mang sate vang chuh nasatak in kah un; hung vaikit ding ahi ta puoh ngâl u a. A pienna gam hi a muh kit tâk loh ding ziekin.

EZEKIEL 21:3

Israel gam kawm achun, Lalpa chun hiti hin a tii: Ngaitie, ka hun do na hi ka chemzâm chuh a pai apat in satdawk ing ka ting, na lak u a miphate leh miphalote chuh gawt ding ka hih ziek chun.