ISAI 56:1 - PATHIEN LEKHABU THIENGTHO (BSI)

¹ Lalpa chun hiti hin a tii, “Diktak in vaihawm unla, thil dik hih un, ka hukdam na chuh hungtung pai ding ahi ta a; ka hun hukdawkna chuh hung kilang pai ding ahi ta ngâl a.

ISAI 56:1 ပူးပေါင်းရင်းမြစ်များ

SAM LEHKHABU THE PSALMS 85:9

A hukdamna chuh amah kihchate kawmah achun a um ngêi ngêi sek hi; Zie lopina chuh ka gam u ahin a um theih na dingin.

ROME 1:17

Zie mah achun taksan zawk diekna’n Pathien diktatna chuh ahung kilang a, “Mi diktat chuh ginna’n hing ina” tih zik guol khan.

MATTHAI 3:2

“Lunghei un, vangam chuh a nai tai,” tin.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

MATTHAI 4:17

Zie apat chun Isu’n, “Lunghei un, vangam a nai ta ngâl a,” tin a gen pan ta a.

ISAI 51:5

Ka hukdawkna chuh kin takin hung nai intin; ka hukdamna chuh ka sawldawk ta a, amau haw chuh hukdam ing ka. Ka guolzawhna ni chuh a nai ta ngâl a. Keimah ngêi hin namte chungah vaihawm ing ka ting; Tuisuohgiet panga chêngte chun ka hung ding ngak in, ka vaihawmna chuh kinem takin a ngak ngâl u a.

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

JOHAN 7:17

Kuole, Pathien deih bang hih nuom ta chun, ka thu sinsak hi Pathien apat ahim, keimah thu a gen ka him, tih he’nau.

MARK 1:15

“Hun chuh a hung tung ta a, Pathien gam le ahung nai tai; lunghei un la, Chanchin pha hi gingchau in,” ti’n.

MALAKI 4:4

“Israel chate chengcheng zawp dinga Sinai tânga ka piek Dan leh thupiekte ka suokpa Mosi’n a hun sinsakte kha hezing un!

SAM LEHKHABU THE PSALMS 50:23

Kuole kipah thugen kithawihna lân ta poh chun ei limbawl sek u a: Chun, a umdan vawp kitûp kawm achun Pathien hukdamna etsak ing ka,” a ti a.

ISAI 33:5

Lalpa chuh a lopi na e! Thil bangkim chungah thu a nei a. Zion chuh thudik leh dikna’n a hih dim ta a,

ISAI 61:8

“Kei Lalpa hin vaihawmna dik ka ngaina sek ngâla, diklohna leh chapona hi ka haw a. Tichun, amau haw diktatna chuh tihtakzet in a kawm u ah pie’ng ka ting; chun, kumlekhuo a thuthun chuh amau haw tawh siem ing ka.

ISAI 64:5

Nang chun lawp taka um a, diktaka hih te, na lampi haw a nangmah hun hezing sek te chuh na lawp sek a; ngaitie, nang na lungna a, kei un thil ka hih gilo u a, ziehaw achun sawttak ka na um tau a; tichun hukdam in ka um thei ding um?

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

MIKA 6:8

Aw mihing, Lalpa’n thilpha chuh a hun hilh ta a. Lalpa’n a hun ngêk pên chuh ziehi ahi: Thil dik hih leh, lungsietna suklat zing leh, I Pathien u tawh kingainiem taka kipawlkhawm zing hi ahi.

MIKA 7:9

Lalpa chunga thil ka hihkhelh tâk ziekin, a lungnat na chuh thuok ing ka ting; ka chungthu ei genpih a, kei dinga vaihawmna chuh a muolsuoh masieh chun, tichun, vak ah ei puidawk in tin, chun, hukdawkna chuh mu’ng ka.

SAM LEHKHABU THE PSALMS 106:3

Thudik vawp pha haw chuh a hamphau hi, Bangtik a le diktat taka hihte tawh.

HOSEA 12:7

“Kanaan te bangin Israel chun bûkna diklo a manga: tehna diklo manga a thil chawteu thep chuh a nawp lam tak uh ahi.