ISAI 55:2 - PATHIEN LEKHABU THIENGTHO (BSI)

² Vahna ding hilo a, bang zieka dangka seng a, lung-awihna tun diek lo dinga bang zieka na sepgim uh ahi? Ka thugente hi gunchuh takin ngaithau unla, an pha chuh neu inla, tichun, na hinnau chuh thil thau achun lung-awi hen.

ISAI 55:2 ပူးပေါင်းရင်းမြစ်များ

JEREMIA 2:13

Ka mite’n thil phalo nih a hih ta ngâl u a, kei hinna tuikhuk ei taihsan u a; tui kitin na ding tuikhuk a lai u a, a tuikhuk laih u chuh a khi, tui kiting theilo ding chuh!

SAM LEHKHABU THE PSALMS 36:8

A mau chuh na insung phatna’n tai mah mah untin uh; Na kipahna lui chu amau haw dâwnsak in na tin.

SAM LEHKHABU THE PSALMS 22:26

Mi gimtheite chun neu un tin, tai un au: A mah hawlte chun Lalpa chuh pakcha’n au: Na lunggil u chuh kumlekhuo’n hing zing hen.

HEBRAI 13:9

Thugin chuom chuom leh, sinsakna lamdang tak takte a puih mang in um kiu in! Pathien hehpihna apat a sunggil lam hatna muh chuh a pha ngâl a, neklechâk thu a dân guola phuh det hilo in, zie tawbang dân zuite chun bangmah phatchuomna a mu puoh ngâl u a.

JEREMIA 31:14

Thiempute hinna chuh sathau in sutai ing ka ting, ka phatna’n ka mite le lung-awi un au tih hi,” tih hi Lalpa kamsuok ahi.

HABAKKUK 2:13

Ngaitiem u, mipite chun mei kâktum ding phetin a sem u a, namte chuh bangmahlo mai in a kisuchawl u a. Zie chuh Bangakai hihthei Lalpa a kipan ahi ngâl a.

HOSEA 8:7

Huih a chîng uh a, chinpei ât ding a hi ngâl uh a. Lo a buh ding laite chun vui suoh puo’n tin, nek ding sepdawk diek puo’n a. A gah sepdawk mahlele, gamdang mite’n ne zo tho un au.

ISAI 51:7

Nang haw thil dik hete leh, ka dân thu lungthima vawpte haw, ngaithau in! Mite’n a hun musit uh a, a hun gaih tieng u leh lau kiu in;

MARK 7:14

Chun, mipi chengcheng chuh a kawmah a sam khawm kit a, a kawm u ah, “Na bawn un ka thu hi ngaithau in la hethiem un:

MATTHAI 22:4

Chun, amah chun, ‘Ka mi chielte kawma khan,’ Ngaitiem u, ankuong chuh ka siem tai, ka bâwngchal haw leh ka gan vak thau te ka that a, bangakai zawh ahi tai; guolvakna an ne dingin hung tau in, ti dingin a suok dangte a sawl kit a.

ISAI 51:1

Nang haw suohchakna ngên a ka kawma hungte leh hukdamna hawlte haw, ei ngaithau in! Na hung kipatnau suongpi chuh en unla, suong lâkna muna na kilaihdawknau khah ngaihtuoh un!

SAM LEHKHABU THE PSALMS 63:5

Ka hinna hi theng leh thau a tai bangin tai in tin; Ka kam hin nang chuh kipâk takin hun pakcha’n a;

ROME 9:31

Israel te, diktatna Dan delhte vang chun, diktatna Dan chuh a phazo ta puou hi.

MATTHAI 15:9

Bang hitalele, a mi sinsaknau ah mihiem thupiek a a hilh ziekun, Ei ho sek u hi mawk mai ahi,’ ti’n,” a ti a, a dâwng a.

ISAI 51:4

Aw ka mite haw, ei ngaithau inla, ka thu hi ngai un! Namte kawma ka thu sinsak chuh hun pie’ng ka ting, kei apat in dân pawtdawk intin, dikna chun mitin salhvak dingin ka vaihawmna chuh chawlhsak ing ka, tuikuol haw achun ei ngak untin, ka bân hi muong un au.

ISAI 1:19

Thu-awi tak leh gen ngai taka na um u chun, na gam u a thilpha haw hi ne ding na hiu hi.

THUCHINGTE 9:5

“Hung unla, ka chângthâk hi neu inla; ka uain helsa hi dâwn un.

SAM LEHKHABU THE PSALMS 34:11

Hung unla, naupangte, ka thu ngaithau in: Lalpa kihchak dân hun na sinsak ing ka.

ROME 10:17

Khutichun, ginchakna chuh, zakna vangin a hung um sek a, chun, zakna chuh Krista thu vangin a hung um sek hi.

LUKE 15:23

Chuleh, bâwngno thau tak kha hun lau inla, that unla, ne khawm hiting un kipâk takin um hitiu!

HOSEA 12:1

“Ephraim chun huih kivâk na’n a manga, suohlam huih chuh a zui seka: zuou thu leh kipumbawlna thu ahih pung hiei hiei a, Asuria tawh thu a thun u a, Aigupta lam ah thau a paw lut hi.”

ISAI 46:6

Mite chun a dangka dipteu hawng in, sanate a bun dawk sek uh a; a dangkaguoteu chuh a tehdawk sek uh a, tichun, pathien siem dingin dangkaguo sêkte a guoi sek uh a; chun, a masanga khupbawk in a ho sek u a!

ISAI 25:6

Zie tâng ahin sepaihte Lalpa chun khawvel a namtin dingin nek ding phapen leh sathau lim pên a guolvakna, theng leh thau leh uain phapen a guolvakna siem intin.

THUGENPA 6:2

Mi, Pathien in hauhsaknate, sumlepaite, zahumnate, a pie a; a lungthima a utchak cheng tawh a pie a; himahleh zie chuh nawpchen dingin theihna a pie puoh a, mi dangin a nawpchen zawk uh hi ahi a; zie chule bangmahlo ahi a, lungkham um tawpkhawk chuh ahi.

THUCHINGTE 8:32

“Zieziekchun tuhin ka chapate haw, ngaithau inla, ka thugente ngaiun, ka lampi zuite chuh a kipâk u a,

DAN NIHNA 11:13

Chun, hiti hi hi’n tin, Lalpa na Pathien u chuh hehpih ding leh na lungthim chengcheng u leh na ngaihtuohna chengcheng u a na sem dinga ka thupiek tu a ka hun piek hi phachuomngai taka na zuih u chun,

PAWTDAWKNA 15:26

“Lalpa na Pathien u aw hi guntaka na ngaihthak u a, a mitmuha pha a sak dante na hih u a, a thupiekte na ngaihsan u a, a thuguot chengcheng na zawp u chun, Aigupta mite chunga hipi ka len sak haw bang khah nang haw chung ahin lênsak hiel puo’ng ka: kei Jehovah Rafa ka hi ngâla,” a ti a.

ISAI 44:20

A vutte chuh na ne a, na ngawl dân chuh, na ngawl taluo a, panpih theih nei puoi. “Ka khuta milim pathien ka chawih hi pathien ei hiel puoi,” na ti nuom diek puoi.

THUCHINGTE 7:23

Vacha’n a thihna ding ahi tih helo a, thal in a thin a kap kek macheng a, a awkna ding thanglam a zawt guolin.

THUCHINGTE 1:33

Amahvang chuh kuole ka thu ngai ta chuh bit takin cheng untin, sietna lau lo in um hiet hiet in au.

MATTHAI 5:6

“A diktatna ziek a gilkiel a dangchâkte chuh a hamphau hi; hung tai ding ahi ngâl un.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

ISAI 10:27

A hun a hungtun tieng chuleh, Asuria te thuneihna apat chun hun pawtdawk sak ka ting a namkawl u chuh na liengko u a ding chun puokgik hi ta puo’n a,” ti’n.

ISAI 62:8

Lalpa chun a khut changlam in thutiem dettak a siem a, A thilhih theihna chun subukim ngêi ding ahi; “Na buhteu chuh na melmateu an ding hita puo’n tin; Na uain u chule gamdang mite’n dâwn diek ta puo’n au; zie dinga chuh gimthei taka nasem na hi ngâl u a.

ISAI 62:9

Himahleh, a âtte ngêi chun chângthâk chuh ne’n tin, Lalpa pakcha zaw’n au, chun, kuole grep huon tho chun, Ka mun thiengtho achun uainte dâwn ina,” ti’n.

ISAI 65:23

A thawn in semgim ta puou untin, vangsietna ding chauh in cha hing ta puou un tin; Lalpa vangsakte suon ahiu a, a chateu chuh a kawm u ah um zing tan au.

JEREMIA 12:13

Buh a tuh u a, himahleh, ling a ât u a; a lawkna um sam lo in, a kisuchawl dik dek u a; Lalpa lungnatna lauh-um tak ziek chun, a thawhgah teu chuh zahchâkpih un au.

JEREMIA 17:24

Chun, Lalpa thu pawt chun hiti hin a tii: Khawksa tak a ka thu na ngaihthak u a, chawlhni a zie khawpi kawtkhaka chu thil gik na puoklut loh u a, na himhim sem lo a chawlhni na nit thiengtho u chun,