ISAI 54:9 - PATHIEN LEKHABU THIENGTHO (BSI)

⁹ “Ziehi keia dingin Noah hun lai tawbang ahi, Noah hun khan tui let kit talo dingin ka kipautiem a; Tuhin, na chunga lungna kit ta lo dingin ka kipautiem ta a; hun gawt ngêi talo ding ka hi.

ISAI 54:9 ပူးပေါင်းရင်းမြစ်များ

ISAI 12:1

Zie ni chuleh, mipite chun la sau un tin, “Aw Lalpa ka chungu ah a na lungna ta mahleh chin, a kawmah kipahthu gen ing kau, tuhin na lungnat chuh a hai ta a, nangin nei thamuon ahi ta hi.

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,

EZEKIEL 39:20

Tichun, sakawlte leh a chunga chuongte, sepaihte leh galdo mite sa chun, a khawp set un kivâk un au, tih hi Lalpa Pathien kamsuok ahi,” ti’n.

ISAI 55:11

Khutibang mah chun, ka kam apat a thu pawt chuh um intin, lawhsam in vaikit puo’n tin; Ka deih dante chuh subuting zaw’n tin; hih dinga ka sawlna achun lawhting zawn a.

SAM LEHKHABU THE PSALMS 104:9

A chieh pai loh na dingin gamgi na khanga; Tia chuh lei a chupmang kit tak lohna ding in.

ISAI 49:18

Dâk dawk inla, en kimvel in, Na mite chuh kikhawm khawm in, In lam a hun zuon tau hi; Lalpa chun, ka hinna sâlin ka gen hi, amau chuh sana kicheina banga namat dinguh ahi a; monu sana a kivan banga kivanna a na mat dinguh ahi, a tii, ti’n.

ISAI 62:8

Lalpa chun a khut changlam in thutiem dettak a siem a, A thilhih theihna chun subukim ngêi ding ahi; “Na buhteu chuh na melmateu an ding hita puo’n tin; Na uain u chule gamdang mite’n dâwn diek ta puo’n au; zie dinga chuh gimthei taka nasem na hi ngâl u a.

EZEKIEL 16:42

Khutichun na chungah ka lungdam deuh ta’n tin, na chunga ka thikthusietna chuh bei ta’n tin, thip tang ka ting, lungna khata puo’ng ka.

EZEKIEL 39:29

Ka mipi, Israel te chung achun ka thagau sungtha’ng ka ting, amau apat in kiheimang kit ngei puo’ng ka, tih hi Lalpa Pathien kamsuok a hi,” ti’n.

JOB LEHKHABU THE BOOK OF JOB 11:16

Na gimtheih thuok chuh hengilh in na tin, Tui luong mangsa bang phetin he ta’n la.

ISAI 51:6

Chunglam akhun na mit hak to unla; chun, nuoi lama lei chuh en un! Vante khu meikhu guolin hung beimang intin; lei chuh puon banga lui in sie’n tin, a sunga chêngte chuh tho bangin thi vek un au. Himahleh, ka hukdamna chuh kumlekhuo’n um intin; ka zawhna chun tawp ni nei puo’n a.

ISAI 51:8

Amau chuh nget in puon a nêk siet guolin beimang un tin; himahleh, ka hukdamna chuh kumlekhuo a ding hin ti’n; Ka zawhna chuh suon chengcheng tiengin um zing in a.

ISAI 51:22

Na Lalpa, Jehovah, na Pathien a mipite en sek pa chun hiti hin a tii, “Ka lungnat na khawn chuh na khut a kipatin ka la mang ta a, ka lungnatna khawn chuh dâwn kit ta hiel puo’n lau.

JEREMIA 31:37

Lalpa chun hiti hin a tii: “Chunglam van khuh teh theih a hih a, nuoi lam a lei kingaknate hi hawl dawk theih a hih chun, Israel suonte chuh a thil hihsateu ziekin paihmang ing ka, tih hi Lalpa kamsuok ahi.”