ISAI 54:6 - PATHIEN LEKHABU THIENGTHO (BSI)

⁶ Vanglai zi ngaihsakloh a um, lunggil a thasie, sapkit guol in ka hun sam kit hi, Lalpa’n a tii!

ISAI 54:6 ပူးပေါင်းရင်းမြစ်များ

ISAI 62:4

“Hetngilh a um,” tih hita puo’n na tin; na gam chule “Suksieta um,” tih hi diek tapuo’n tin; Hebhzibah “Kipak taka kichênna,” tih hi zaw ta’n a. na gam chule Beulah tih hi’n a; Lalpa chuh na chungah a kipâk ta ngâl a, na gam a ding chun pasal hi ta’n a.

THUGENPA 9:9

Pathien in a hun piek na hinkhuo bangmahlo mai sung ahin na lungsiet na zi tawh kipâk takin hinkhuo mang in. Zie chuh ni nuoia na sepgim gah ahi a, damsung a na chanvo ahi.

THUCHINGTE 5:18

Na tuikhuk chuh vangsak in um hen la, na tanglak zi achun kipâk in.

MALAKI 2:14

Bang zieka pawm talo ahi die aw, na ti nalai u a. A ziek chuh, tanglak na hih laia na kichênpih na zi kawma Pathien in a hun hetpih a na thutiem kha na bawhsie ta a. Pathien masang ngêi ah, amahnu a dinga chuh ginum dingin thutiem na nei ngâla.

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

2 KORINTH 7:6

Himahleh, mi lungdawngte suhangsan sek pa chun, Tita hungna chun ei hun tîlkhoh ta a.

HOSEA 2:19

Tichun, kumsawt a ka zi dingin hun huol ka ting; Diktak leh ginum takin um ka ting; hehpihna leh lungsietna tawp lo in hun nei zing ka ting, kumlekhuo’n keia dingin hun nei tang ka.

JEREMIA 30:17

Hun sudam kit ing ka ting, na liemna apat chuh hun sudam ing ka, Lalpa’n a tii: ‘Na melmateu in nawhdawk a um, kuomah ngaihsak loh Zion ahi,’ hun ti mahleu le.”