ISAI 54:5 - PATHIEN LEKHABU THIENGTHO (BSI)

⁵ Nang hun Siempa chuh na pasal hi’n tin; A min chuh Bangakai hihthei Lalpa ahi ngâl a! Israel Pathien Thiengtho chuh na Hukdampa ahi, Amah chuh khawvel pumpi Pathien ahi ngâl a.

ISAI 54:5 ပူးပေါင်းရင်းမြစ်များ

ISAI 48:17

Lalpa nang haw hun hukdampa leh Israel Pathien Thiengtho chun a gen a, “Kei hi Lalpa na Pathien uh, na phatna dinguh a hun sinsakpa, Na chiehna dinguh lampi a hun puipa chuh ka hi.

EZEKIEL 16:8

“Chun na kawma ka hunga ka hun et in, deihchak kham na hung hi ta a, ka puon ka hun kikawppih a, ngawnchang a na um chuh ka hun khuh ta a. Ahi, na kawmah ka kihâksiela, thuthun ah ka hun lut pih ta a, chun, keia na hung hi ta a.” Lalpa Pathien chun a tii.

JOHAN 3:29

Moneipa chuh a pasal chuh ahi a, himahlele, pasalpa guolpa, din sa a a thu ngaitha pa chuh, pasal aw a het phat leh, a kipâk mah mah sek hi. Zie chuh ahi, keimah kipahna ngêi le, sukbukim a a um dân sek chuh.

EPHESI 5:32

Zie Pathien Lehkha thu a hin, thuguk kisel thuk tak mai a um a, himahleh, ken chuh Krista leh sapchuom haw thu ka gen ahi.

ZEKARIA 14:9

Khutichun, Lalpa chuh lei chung pumpi a Lal hung hi ta’n tin; zie ni chuleh mitin in Pathien khat ho un tin, tichun, Min khat chauh a het in um ta’n a.

LUKE 1:32

Amah chuh milien hung hi’n tin, Chungnung pên Pa Chapa ti’n au. Lalpa Pathien in a kawmah a suonpau David chutphah chuh pie’n tin,

JEREMIA 51:19

Jakob chanvo chuh vang khuti bang chuh ahi puoi, thil chengcheng bul a hi ngâla: Israel hi a goluoh nam ahi a; Amin chuh Sepaihte Lalpa ahi.

JEREMIA 3:14

“Aw nung chawn chîngte haw hung vaikit un, tih hi Lalpa kamsuok ahi. Nang haw hun kaihuoipa ka hi ngâla. Khawpi apat a mi khat inkuon khata mi nih zel hun lang ka ting, Zion ah hun pui ing ka.

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

JEREMIA 10:16

Jakob chanvo vang khutibang chuh ahi puoi. Amah chuh thil chengcheng bulpi ahi ngâla. Israel hi a goluoh nam ahi a, A min chuh Sepaihte Lalpa ahi.

ISAI 43:14

Israel Mi Thiengtho, a hun Tandawkpa chun hiti hin a tii, “A hun tandawk dingin Babulon achun sepaihte ka sawl a; khawpi kulh kawtkhakte chuh hihsie’ng ka ting, a Kaldai te kiko thawm chuh kahna suok ina.

ISAI 51:15

“Himahleh, kei hi Lalpa na Pathien, tuipi kinawk gi zungzung te sukhenpa chuh ka hi ngâl a. Ka min chuh Bangakai hihthei Lalpa ahi.

ISAI 48:2

Khawpi Thiengtho a mi, a min Bangakai hihthei Israel Pathien chunga ginna ngate ti’n na kisuong mah mah uh a.

ISAI 11:9

Ka tâng thiengtho achun kisuknatna himhim um ta puo’n tin; kisuksiet le um ta puo’n a; tui haw hin tuisuohgiet a khuh zing bang hin, leichung hi Lalpa hetna chun dim suok vek ding ahi.

ISAI 45:11

Lalpa Israel Pathien Thiengtho leh, tunung thil ding guonggalh pa chun hiti hin a tii, “Ka chate chungchâng ei dawng a, ka nasep ding ei hilh ding na hi a ahim?

ISAI 54:8

Ka lungnat so let in mitphetkal nang apat in ka mai ka sel a; himahleh, ka hun lungsietna chuh kumlekhuo’n na chungah latsak ing ka,” ti’n. Lalpa nangmah hun Tanpa chun a tii.

ISAI 65:16

Kuole, gamsung a vangsakna ngên taphawt chun, Pathien ginum tak vangsakna chuh ngên ta’n au. Kuole, thutiemna nei taphawt chun, Pathien ginum tak min chun kipautiem untin; tuma a lungkhamna haw kha hetngilh a a um tâk ziek leh ka mitmuh apat a sel ahih tâk ziekin.”

HOSEA 2:16

Lalpa chun hiti hin a tii: Zie ni chu leh hiti hi hi’n tin, “Ishi” ei ti’n na tin, “Baal” ei ti ta puon la.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

JOSHUA 3:11

Entiem u, leichung pumpi Lalpa thugawlh bawm chun na masang u ah Jordan lui kân ding ahi.

JOSHUA 3:13

Chun, hiti hi hi’n tin, leichung pumpi Lalpa bawm zawn thiempute kêngpêk chun Jordan tui a sukkhak tieng leh saklam apat a tui hung luong haw chuh châwl intin; tichun mun khat ah hung kiting khawm viehvuoh zieng in a,” a ti a.

JOB LEHKHABU THE BOOK OF JOB 19:25

Ei tanpa chuh a hing hi tih ka he ngâl a, ni tâwp ni leh lei chung ahin hung ding kit ding ahi ngâl a,

ISAI 43:1

Himahleh, Aw Jakob, nangmau haw hun siempa, Aw Israel nangmau haw hun dindawk pa chun hiti hin a tii, “Lau kiu inla, ka hun tandawk ta ngâl a. Na min un ka hun sam ta a, Keia na hi tau a puo!

HOSEA 2:18

Zie ni chu leh gamsate, chung leng vachate leh leia bawkvak te tawh thugawlh siem ing ka ting; thalpite, Chemzâmte leh kidonate hi lei apat in sumangthai ka ting; tichun bit takin hun kuol sak ing ka.