ISAI 54:3 - PATHIEN LEKHABU THIENGTHO (BSI)

³ Na gamgi ning tin chuh keklien in na tin; tichun, na suonte chun namdangte gam chuh hun luoh un tin, na mite chun gam chuh hun la kit ding ahiu a. Khawpi hawmsa nung chuh mipi a hung dim kit ding ahi.

ISAI 54:3 ပူးပေါင်းရင်းမြစ်များ

THILSIEMBUL 28:14

Chun, na suonte chuh leia pîlnel zah hiu intin, suohlam leh tumlam leh simlam leh mâllam haw ahin hung kithehzak un tin: nang leh na suonte achun khawvel a namtin vangsak in um un au.

ISAI 52:9

Jerusalem, hawmngawn a um sate haw, kipaka lasa’n kiko dawk un la! Lalpa’n a khawpi chuh hukdawk intin, a mite chuh thamuon ding ahi ngâl a.

ISAI 49:12

Entie, ka mite chuh gamla tak apat in hung untin; mâllam leh thanglam apatte leh, simlam a Sinim gam apatte’n hung ding ahiu ui,” ti’n.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

ISAI 55:5

Tichun, na hêtkhâk loh gamdang mite chuh sam in na tin, nang hun helo namdangte chuh na kawmah hung tai khawm un au. Kei, Lalpa na Pathien, Israel Pathien Thiengtho hin ziehaw chuh hih ing ka ting, lopina leh limbawlna hun pie’ng ka!

KOLOSSA 1:23

Zieziekchun, bul nei a dettaka um in, Chanchin Pha na zak uh a kinepna apana kichawn mang lo in, taksanna achun um zing un. Zie Chanchin Pha khawvel a mi chengcheng kawma tângsappih a um kha, Kei Paul ngêi hi zie zenviel nasem a chuh pang ka hi.

ROME 11:12

Tichun, a puknau bawn, vannuoi sukhauhsakna ahih a, a kiemnau le, Jentel te neihzawhna a hih chun, a bukimnau chuh a neihzawhna ahi na lâwm lâwm ding e.

ROME 10:18

“A hih leh, a bil un a za puou a ahi? Za e, a thawm u chuh leisiet chung cheng chenga chun a thang a, A thuu chuh vannuoi kil tin ah a thang suok tai.”

ISAI 49:8

Lalpa chun hiti hin a tii, “Hun kipah-um ah ka hun hungaih a, Hukdam na ni ah ka hun panpih hi, a tii. Ka hun vengbit a, chun, mipite tawh thugawlh banga ka hun piek na hi; gam chuh tundin kit ahih a, gam âwng haw chuh hawpzak ahih theih na dingin.

THILSIEMBUL 26:22

Zie apat chun a kichawn kit a, tuisutdawk dang a lai kit a. Zie chung achun kinielna a um ta puoi. “Lalpa’n ei nawplen sak ta a, khawsathei ta’ng ka,” ti’n a min ding chun “Rehoboth” a sa ta a.

ISAI 14:1

Lalpa chun Jakob chuh lungsiet intin, Israel chuh tel in amau haw gam ngêi ah umsak ding ahi ngâl a. Amau haw gam ngêi ah chênsak kit intin, gamdang mite chuh a kawm u ah hung un tin, chêng khawm ta’n au.

ISAI 14:2

Chun, namtin chun amau haw panpih untin, a mun ding u chuh tun un au; tichun, Israel inkawte chun Lalpa piekna gam achun namtin chuh suokpate leh suoknute’n hun nei un au. Amau haw suok a neite chuh suok in hun man un tin, amau haw bawlsiete chung achun vai hun hawm un au.

ISAI 26:15

Himahleh, Aw Lalpa, namte chuh na supung a, ka namteu chuh na supung ta a, nang chuh lopina piek in na um ta a, gamgite cheng chuh na keklien ta a.

ISAI 45:14

Lalpa chun Israel te kawmah, “Aigupta hauhsakna leh, Ethiopia hauhsakna chuh nang haw a hung hi’n tin; Sheba mi sangte chuh na suok un hung um untin, kawlbut pum in hun zui un au; na masang u ah bawkkhup in kiphuong untin, ‘Pathien in a hun umpih a, nanguh kawm chauh ah Pathien a um a, kuomah dang kawmah a um puoi,’ hun ti’n au.

ISAI 48:19

Na suonteu chuh luipi pîlnel banga tamin um untin; chun, na suonlepak teu chule suongchang guola tam hung hiu in tin, amin u chuh thaihmang hita puo’n tin, ka masang apat hin sukmangthai in um ta puo’n au,” ti’n.

ISAI 53:10

Himahlele, zêp thidup a a um chuh Lalpa phasak lam ahi a, suknat in a um ta ngeia, a hinna chuh gitloh ngaihdamna dinga kithawihna ahi ngâl a, a mah chite chuh hun mu’n tin; a nite chuh suksau sak in tin, tichun, Lalpa deihlam chuh amah achun sukbukim in um ina.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.