ISAI 53:8 - PATHIEN LEKHABU THIENGTHO (BSI)

⁸ Thudik a vaihawmna chuh heikawi in, thah dingin amah chuh a pui u a; himahleh, a tunung thu ding kuo a ngaihtuoh sak? Mihing gam apat in satthak in a um a; I miteu gitlohna zieka sukliem a um ahi ngâla.

ISAI 53:8 ပူးပေါင်းရင်းမြစ်များ

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

NASEPTE 8:33

A tawm lai in a vaihawmna lak mang in a um; A suonte chanchin kuo’na a hun gen ding? khawvel apat in a hinna a lâksak ngâl u a,” tih hi.

JOHAN 19:7

Judate chun a kawmah, “Ka dân uh lampi khat a um, zie dân guola chuh, Pathien Chapa a a kisiem ziekin a thih ding ahi,” a tiu a.

ISAI 53:12

Zieziekchun, amah chuh miliente chanvo bang hawm ing ka ting, amah chun mihatte tawh gâllâk sumte chuh hawm ina; a hinna chuh thi khawp hiela a sunbuok a, migilote laka simtel a a um ziekin; ahi, mi tamtak te gitlohna chuh puo a, migilote chuh ngaihdam a a um theih na dingun a paucham sak hi.

DANIEL 9:26

Zie hun chuh a hung tâwp tieng leh, Pathien tel ngêi leng chuh diklo taka thah in um in a. Leng dang thil hihthei tak sepaihte chun hun do untin, khawpi leh Jerusalem chuh suksiet in um in a. A tawpna chuh tuilien bangin hung intin; Pathien in a guonggalhsa, kidona leh sietna chuh hungtung in a.

ROME 1:4

Thienthona thagau lam thu vang achun mithi lak apat thilhih theihna nasa taka kaihthawha a umna chun Pathien Chapa a hihna nasa takin a taklang hi.

ISAI 53:5

Himahleh, amah chuh I bawhsietna teu zieka sukliem a um in; I mantheihlohna teu ziekin zêp thidup in a um a. I thamuonna ding un zêpna mawlh chuh a chungah a chu a; a liemna pawn haw a chuh sukdam a um I hi tau hi.

SAM LEHKHABU THE PSALMS 69:12

Kulh kawtkhak a chute chun ka chung thu a gen u a; Kei chuh zukham nuomte chun la ei phuok khum u a.

MATTHAI 1:1

Isu Krista hun suontute Abraham leh David suonte khanggui kizawt zie chuh:

SAM LEHKHABU THE PSALMS 88:5

Mi thite hetngilh a um bang leh, thah a um a thana kuol tawbang ka hi a; Ziehaw chuh hetzing hitalo tawbang, Amau chuh na khut apat paih thak a hih tâk ziekun.

JEREMIA 11:19

Himahleh, kei chuh la belamno thunuom tak, thah dinga puih bang mai ka hi. Thing chuh a gah pum in susiei ting un, mihing gama pat hin amah chuh sumang kei hitiu: Amin himhim zak loh na dingin, ti a ka chunga a thilbawl guot u chuh ka na he pha puoh a.

SUNNA LA 3:54

Tui chu ka lu chung ah a luong a, a thi ding ka hi tam ka ti hiel a.