ISAI 53:6 - PATHIEN LEKHABU THIENGTHO (BSI)

⁶ I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

ISAI 53:6 ပူးပေါင်းရင်းမြစ်များ

1 PETER 2:25

Belam mang guola mang na hiu a, himahlele, tuhin vang chuh, na thagau uh chingpa leh vawppa chuh zui dingin a kawm lam achun na kîkkit tau hi.

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

SAM LEHKHABU THE PSALMS 119:176

Belam mang tawbang in ka vakmang a; na suok hi hawl inla; Na thupiek haw chu ka hengilh ngei puoh ngâl a.

ROME 4:25

Isu chuh I gitloh ziekun thah in a um a, thiem I channa dingun kaihthawh in a um ta ngâl a.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

JAKOB 5:20

migilo, a gammanna apat a hun puikit pa chun, thihna apat a thagau hukdam intin, gitloh tamtak le khuh sak ina tih kihe hen.

ISAI 53:10

Himahlele, zêp thidup a a um chuh Lalpa phasak lam ahi a, suknat in a um ta ngeia, a hinna chuh gitloh ngaihdamna dinga kithawihna ahi ngâl a, a mah chite chuh hun mu’n tin; a nite chuh suksau sak in tin, tichun, Lalpa deihlam chuh amah achun sukbukim in um ina.

ISAI 56:11

Ahi, uicha chuh a gawlsan a, ahun tai tih himhim a nei puou a; zie chuh belampu hetna neilote chuh ahiu a. amau lampi chiet ah a kihei u a; abawn un, amau lawkna ding chiet a kingaihtuoh ui.

SAM LEHKHABU THE PSALMS 69:4

Aziek beia ei mudah haw chu ka sam zang sangin a tam u a Diklo taka ei do a ei sukmang guo te chu mihat tak ahiu: Khutichun, ka lak loh hiel chu ka ditkit dinga ahim?

EZEKIEL 3:18

Migilo kawmah, “Thi tei ding na hi” ka tih a, zie migilo chuh a hinna humbit dinga a phatlohna lampi nusieh dinga vaulawkna na neih loh a, a kawma vauna thu na gen loh a, zie mi phalo chuh a phatlohna a a thih chun a thisan phuba chuh nang kawma ngek ding ka hi.

ISAI 6:7

Chun, Seraf chun zie mei-âm chun ka mûk a hun dep a, ka kawmah “Ngaitie, zie hin na mûk a sukha tai, tichun na manlohna lâkmang ahi ta a, na gitlohna le ngaihdam ahi tai,” a hun ti a.

ISAI 40:2

Jerusalem kawmah thamuonna thu gen unla, a kidonau chuh a kichai ta ngâl a, a gitlohnau chule ngaihdam ahi tai, a thil hihkhelh teu cheng ziekin gawtna bukim in ka gawt ta ngâl a,” ti’n.

ISAI 53:5

Himahleh, amah chuh I bawhsietna teu zieka sukliem a um in; I mantheihlohna teu ziekin zêp thidup in a um a. I thamuonna ding un zêpna mawlh chuh a chungah a chu a; a liemna pawn haw a chuh sukdam a um I hi tau hi.

ISAI 53:7

“Amah chuh muhsit leh êngbawl in a um a; himahleh, kingainiem in a kam a ka puoi. Belamno thah dinga puih a um leh; belam a mulmetpa ma a thip kêi guolin, ama’n le a kam a ka puoi.

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

ISAI 53:12

Zieziekchun, amah chuh miliente chanvo bang hawm ing ka ting, amah chun mihatte tawh gâllâk sumte chuh hawm ina; a hinna chuh thi khawp hiela a sunbuok a, migilote laka simtel a a um ziekin; ahi, mi tamtak te gitlohna chuh puo a, migilote chuh ngaihdam a a um theih na dingun a paucham sak hi.

ISAI 55:8

“Ka ngaihtuoh nate chuh na ngaihtuoh nateu tawh akibang puoh a; Ka lampite chuh na lampiteu tawh akibang puoi,” Lalpa’n a tii.

JEREMIA 50:6

“Ka mite chuh belam mang ahiu a; amau chingte chun a puimang u a, tâng haw achun a chiehmang sak u a; tânghaw leh muol dung haw achun a chieh u a, huong nasan uh a hengilh zo tau hi!

DANIEL 9:5

“Na thupiek leh vaihawmte apat chieh pet in ka na gilo tau a, diklo tak leh nunsie takin thil ka na hih u a; ka na hel tau a,

THILSIEMBUL 22:6

Tichun, Abraham chun hâlmang thilpiekna ding thing chuh a la a, a chapa Isak chuh a put saka; amah chun mei leh chemcha a chawia, khutichun a nih u chun a chieh tau hi.

VAIHAWMTE 21:25

Zie lai chun Israel gam ah leng a um puoh a; mitin chuh amau phasak dân chiet in a um ui.

ISAI 66:3

Bâwngchal that chuh mihing that tawbang ahi a; belam no a kithawi chuh ui gawl âttan tawh kibang ahi a, an thillat lânte chule vawk thisan a kithawi tawbang ahi; gimlim lân chule milim pathien vangsak tawbang ahi. Ahi, amau lampi a tel zawu a; thil tenum hih teu achun a lungthim uh a kipâk sek u a.