ISAI 53:2 - PATHIEN LEKHABU THIENGTHO (BSI)

² Amah chuh lei gaw tak apat a thil zung kek guola, a suok khan dawk chuh Lalpa phasak lam ahi ngâla. Pienken phatna leh mel hawihna himhim a nei puoh a; amah I muh u a I deih na dingun hawihna himhim a nei puoi!

ISAI 53:2 ပူးပေါင်းရင်းမြစ်များ

ISAI 52:14

A mel chuh a hah siet ziekin mihing mel le a pu ta puoh a, pien dân ale mihing pien dân sangin a sie zaw a, mi tamtak in mak a sak guol mah un,

ISAI 11:1

Jessai bulsum chuh hung seldawk in tin, a zung apat in a bâk khat hung seldawk ina.

MARK 6:3

Zie pa hi Mari chapa, Jakob te, Joseph te, Juda te leh Simon te suohpihpa, thingkuong siempa kha hilo ahim? A suohpih numeihaw le zie a hi I kawm u a um hilo maw?” a tiu a. Tichun, a chungah a lungkim ta puou a.

JEREMIA 23:5

“Ngaitiem u! David dinga bâk diktak ka seldawk sak hun ding chuh hungtung ding ahi, tih hi Lalpa kamsuok ahi. Amah chuh leng in chu’n tin, chingthei takin hih ina. Chuleh, gamsung ah dikna leh kitûpna um sak ina.

MARK 9:12

Chun, amah chun a kawm u ah, “Elija chuh a hung masa ding him a hii, bangakai siempha ding ahi; thil tamtak thuok in, mi muhsit a um ding ahi tih, Mihiem Chapa chanchin bangti dana a na zikuh ahi?

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

1 PETER 2:14

thil gilo hihte gawt ding leh, thilhih phate pakcha dinga a guot, gam vaipawte kawma le.

JOHAN 19:5

Khutichun, Isu chuh linglukhuk leh puon sandup chuh silh kawmin a hung pawt a. Pilate chun a kawm u ah, “Entiem u, Mihiempa hi!” a ti a.

JOHAN 18:40

Amau haw chun kiko kawmin a dâwng u a, “Zie pa hi chuh hi kiheh! Barabbas khah hi zaw hen,” a tiu a. (Barabbas chuh suommang gucha ahi.)

LUKE 9:58

Isu’n a kawmah, “Si-âlte’n kuo a nei u a, chung leng vachate’n le bu a nei ui, himahlele, Mihiem Chapa hin vang lungakna a nei puoi,” a ti a.

ZEKARIA 6:12

Chun, a kawma chun, Bangkim hihthei Lalpa chun hiti hin a tii: ‘Ngaitie, mi, a min Abak kiti chuh a uma; a mun apat in hung khang dawk intin, Lalpa Ho-In chuh hun sa’n a.

LUKE 2:7

Tichun, nautil in chapa a nei a, chun, puon nem in a tuom a, khuolbûk a chuh amau dinga mun a um loh ziekin, gankuong achun a siel ta a.

ISAI 4:2

Zie ni chuleh Lalpa bâk chuh hawih tak leh lopi tak hung hi ta’n tin, a gam gahte chuh Israel chate laka suokcha ana umsunte a dinga kithang-at pih leh a lopinau hung hi ta’n a.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

ZEKARIA 3:8

Zieziekchun, nang thiempu Lienpen Joshua, ngaitha’n! Nang haw thiempu naseppihte haw, ngaithau in, masang hun lama thilpha hungtung ding etsakna na hi ngâl u a: Ka suokpa, a Bakpi kiti chuh hun sulang ding ka hi.