ISAI 53:12 - PATHIEN LEKHABU THIENGTHO (BSI)

¹² Zieziekchun, amah chuh miliente chanvo bang hawm ing ka ting, amah chun mihatte tawh gâllâk sumte chuh hawm ina; a hinna chuh thi khawp hiela a sunbuok a, migilote laka simtel a a um ziekin; ahi, mi tamtak te gitlohna chuh puo a, migilote chuh ngaihdam a a um theih na dingun a paucham sak hi.

ISAI 53:12 ပူးပေါင်းရင်းမြစ်များ

LUKE 22:37

Ka hilh na hiu hi, Amah chuh mi gilote lak ah a simtel tau hi ti a, Pathien lehkha thu a ka chungchâng thu zik kha ka chunga hungtung ding ahi; ka chungchâng thu kizikte kha hungtung kim ding a hi tai,” a ti a.

HEBRAI 9:28

Zie guol mah chun, Krista chu le, mi tamtak gitloh lâkmangna dingin, khatvei kithawihna’n a kipie ta ngâl a. Zieziekchun, a nih veina achun, gitloh thu ngaihtuoh ding hilo in, amah a na ngakte hukdam dingin a nih veina ah hung kilak kit ina.

1 JOHAN 2:12

Ka naute, Krista min zieka na gitlohnateu ngaihdam a hih tâk ziekin, na kawmuh a ka hun zik ahi hi.

MARK 15:27

Chun, amah tawh gucha nih, a changlam ah khat, a veilam ah khat a khêndên u a.

HEBRAI 9:26

Khuti hi kileh, khawvel kisiem a thak, vel tamtak a thuok ding ziekin. Himahlele, tulai hun tâwp ahin, gitloh lâkmangna dingin amah mawng kithawihna dinga hung kipie’n, khatvei a hung kilak a hi tai.

ROME 8:34

Kuo a mawh chansak ding? A thi khah Krista Isu ahi ngâl a. Ahi, thihna apat a tho kit a, Pathien changlama um a, ei gensak pa mah kha ahi.

ISAI 53:6

I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

1 JOHAN 2:1

Ka naute, thil na sukkhelh lohna dinguh a zie thu hi na kawmuh a ka hun zik ahi. Chun kuo’n le thil a sukkhelh chun, Pa kawma ei nget sakpa, Isu Krista mi diktat chuh I nei ui.

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

HEBRAI 9:24

Krista chuh khuta sak, Mun Thiengtho, a tak kibatpih achun a lut puoh ngâl a; Pathien ma ah, I sik uh a ding dingin van ngêi ah a lut zaw ta a.

KOLOSSA 2:15

Krista chun lalna leh thuneihnate chuh hâwk tha’n, zie kross achun ziehaw chuh zo in, a zawhna chuh tângphuong takin a etsak ta a.

ISAI 53:8

Thudik a vaihawmna chuh heikawi in, thah dingin amah chuh a pui u a; himahleh, a tunung thu ding kuo a ngaihtuoh sak? Mihing gam apat in satthak in a um a; I miteu gitlohna zieka sukliem a um ahi ngâla.

SAM LEHKHABU THE PSALMS 22:14

Tui tawbanga buokthâk in ka um a, Ka guh chengcheng le kisupel in a um a: Ka lunggil hi khuoilu thaumei bang a hi a; Ka gil lak a hin a tui zo tai.

SAM LEHKHABU THE PSALMS 2:8

Ei ngên in, khutichun na go luoh dingin namtin hun pie’ng ka ting, Kâwlmawng tâwp chan in na go dingin hun pie’ng ka.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

LUKE 23:25

Kiphinna ziek leh, tuolthahna zieka suongkul a lut pa chuh a thahdawk a; Isu chula a nawp nawp u a a bawl dingun a pie dawk ta a.

MATTHAI 26:42

Tichun, Isu chuh a nihvei na ah a chieh kit a, a paucham kit a, “Aw hepa, ka dâwn loh a zie khawn hi kichawn mang theilo a hih chun, nang thu thu hi heh,” a ti a.

DANIEL 2:45

Tang apat a suong, kuomah khawih loh a kilik in, thikte, sum-engte, tungte, dangkaguote leh sana te a sukgawp na muh bang mah khan; Pathien lopi tak chun leng kawma hin tunung a thil hung um dingte a phuon ahi: na mang chuh a tak ngêi ahi a, a hilhchetna chu le a dik ngêi ahi,” a ti a.

ISAI 52:15

Nam tamtak in maksau in tin, lengte chule maksa’n dângtha hiel untin, a muh khâk loh u chuh muu in tin, a hêtkhâk loh u chuh he ta ding ahiu hi.”

ISAI 52:13

Ngaitie, “Ka suokpa chun chingthei takin hih intin; amah chuh nasa taka limbawl leh chawihsân in um in tin, sang taka hung um ding ahi.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

PHILIPPI 2:17

Ka hinna thisan chuh, Pathien kawma na taksan kithawihnau thillat chunga chuh sunthak ding hita lele, kipâk ing ka; chun, na bawnchau in ka hun kipahpih na hiu hi.

MARK 15:28

Khutichun, Pathien lehkhathu, Amah chuh migilote laka simkhawm ahi tai tih chuh a guitung tai.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

PAWTDAWKNA 15:9

Melma chun, ‘Delh ing ka ting, delhpha ngêi ing ka, gâllâk sum chuh hawm ing ka; Amau haw achun ka utchakna pên chuh sukpitit hi’n tin, Ka chemzâm zuk dawk ing ka ting; ka khut in amau haw chuh sumangthai ing ka,’ a ti a.

JOB LEHKHABU THE BOOK OF JOB 30:16

Tichun, ka sung apat in ka thagau chuh sun dawk ahi a, Gimtheihna nite chun ei man ta a.

ISAI 49:4

Kei chun la, “Hahpi’n ka semgim a, himahleh, bangmahlo a hi tai! Ka hatna cheng ka mang zo ta a; himahleh, bangmah ka hih dawk diek puoi,” ka ti a. Khutisa chun le Lalpa chuh ei panpih dingin ka muong a, ka nasep man chuh ei pie ngêi ina.